اسراء في بيروها تخدم وهي غاطسة في هاكو الأوراق للعنكوش لين يتحل عليها الباب دخل ريان
_ريان : كلمتين يا تخرج برضاك من هوني يا راني باش نخرجك بسيف عليك .
_اسراء: بربي
_ريان : اسراء
_اسراء : ريان
_ريان : اسرااااااء
جاوبتو اسراء و هي تصيح و تعيط و متنرفزة علخر
_اسراء : شنية ريان ، اش تحب ابعدني برا شوف حياتك و فك عليا حاجة متخصكش
_ريان : نقص من صياحك و اسمعني
_اسراء: نسمعك ...ريان أخرج من قدامي
خرج ريان و اسراء ترعش من لعصب طيشت هاكي لوراق كل الي فوق الطاولة وهي تتنفس بالقوي بعد هزت يدها و جبدت شعرها لتالي و طبست لمت لوراق فيسع و رجعت قعدت في كرسي و حطت قدامها المنقالة تسانى في الوقت باش تخرج من جهنم و ترجع لحياتها العادية .
تو 16:42 حمد الله مزال اقل من نص ساعة و ترتاح من هالبلاصة المنحوسة هي جات باش تقوم و الباب تحل
_غسان : وين علخير مدموازيل إسراء
_ اسراء : لدار
_غسان : أما انا منتفكرش قوتلك حاجة كي هكا
_ اسراء : وقت الخدمة وفا و الخدامة كل روحو
_غسان : أي أما انتي مش كي بقية الخدامة انتي سكريتير متاعي يعني تروح و قت نقولك انا روح و بما إني مزلت هوني معناها مفماش مرواح اوك
جاوبتو اسراء و هي ضاهر عليها الغش و كان تلقى تسخطو بالفاز الي فوق الطاولة أما تنهدت خذات نفس و تبسمت و قالت
_ اسراء : حاضر يا سي غسان .
_غسان: صحيتك تو هيا قدامي تو
_اسراء : وين زادا
غمض عينيه غسان و بدا يتنرفز خاتر يحب ديما كلامو أوامر رجع بخطواتو و جبدلها يدها بلقوي و قربها منو حتى جا وجه في وجها لين تنفسو نفس الهوى وقالها :
_غسان : يلزمنا حل للفضول متاعك يضهرلي
ڨحرتلو اسراء طلعت حاجبها 🤨 و بعد تبست بخباثة و قالتلو
_اسراء : كي حضرتك تتكلم بوضوح تو معاش نسأل سي غسان
_غسان : نستنى فيك في كرهبة متبطاش
_اسراء (تمتم ) زايد مسخ و ساقط
هزت ساكها و خلطت وراه لقاتو مزال يستنى في السونسور هي كيف وصلت و لاسونسور تحل تبسملها و مد يدو باش تتفضل قبل تبسمتلو تبسيمة خفيفة
_اسراء ؛ عيشك
دخلو الزوز هي قعدت من قدام و مشا هو وراها و بقا يتقرب بشوي باش يشم ريحتها هو قريب يوصل و لاسونسر تحل مانغير ماتسناه خرجت اسراء و حلت باب الكرهبة الي تستنى قدام الباب طلعت سكرلها الشوفور و بعد مشا باش يحل لغسان
_شوفور : تفضل سي غسان
_غسان: ماشين لوتيل**
ركبو في كرهبة كالعادة كان سكات مسيطر على الوضع لين يصوني تاليفون اسراء خرجتو بالشوي باش مايشوفش غسان شكون ليطالب لقاتو ريان
علقت زاد شوي و عاود طلب زادت علقت عليه
_غسان: تنجم تجاوب على تليفون
_اسراء : مش مهم
_غسان (تبسم ) : خايفة على اسرارك
_اسراء : مانيش غسان باش يكون عندي اسرار
جا باش يجاوب اما قص عليهم الشوفور
_سي غسان وصلنا
هبط حل الباب لغسان و بعد دار لاسراء حللها تقدم غسان باش يدخل للوتيل ياخي تلفت لقا اسراء مازالت في كرهبة يكلم الشوفور
_غسان : جود تنجم تروح انا تو نسوق و تلفت لإسراء هيا اهبط.
_اسراء : على اساس باش نخدمو
_غسان : هيا و يزي ملكلام الفارغ
_اسراء: نحب نروح عايتلي تو يتحيرو عليا
_غسان : مزال وقتك خدمتك 7 وتو مزال بكري
