وصلت اسراء قدام الشركة لقاتها عمارة كبيرة و منظمة حاصيلو خذات نفس و دخلت مشات لل réception و سألت الي تخدم غادي
_اسراء : عسلامة ، مادمويزال ، أنا جيت للخدمة الجديدة بعثتولي ايميل أمس .
_ الموضفة : وي . مرحبا بيك ، شنو اسمك بريي .
_اسراء: اسراء بن علي
_موضفة : اي اي صحيح ، تنجم تمشي للطابق الرابع تو تلقى بيرو مقابل تنجم تتواصل مع مداد نيروز .
_اسراء : مرسي يعيشك ، ربي يعينك
مشات اسراء للأسونسر و قعددت تستنى فيه حتى يوصل هيا هكاكة واقفة حتى سمعت شكون قال للطفلة إمشي للطابق الخامس و أعطي الدوسيات هاذهم لسي غسان و قولو الي لاجتماع تلغى للعشية . بعد ما سمعت لكلام هذا ضربت خماسها في اسداسها بعد ركبت في اسونسور و نزلت على طابق الخامس اول ما تحل الاسونسور مشات تجري للبيرو متاع غسان على خاطر قدام كل بيرو اسم الموظف حاصيلو وصلت قدام بيروه و حبت تسمع شنو صاير لداخل ياخي سمعت حس شكون باش يخرج رجعت تجري بشوي باش ماتعملش حس باطالون متاعها أما لقات روحها معاندها وين تهرب خلات غسان قريب يوصلها و طلعت قدامو
_اسراء : لا عاد منصدقش ...ياخي تبع فيا حتى لهوني
_ غسان : اش تعمل لهنا
_ اسراء : انت الي اش تعمل هوني ، كونت باش نخدم لهوني أما مدامك جيت اقعد فيها .
ضحك و تبسم أما منجمش يجاوب خاتر اسراء مخالاتوش يحكي وهي تتكلم و حاطة عينيها في عينيه بكل كره و قوة :
_اسراء : نقلك حاجة باش نقعد مستحيل نخليهالك الخدمة هذه .
و مشات منغير ما تتلفت وراها قعد باهت غسان خاتر حتى واحد ماينجم يعلي صوتو قدامو و حتى طفلة ماتنجم تتدخل فيه بالنسبة ليه لعباد كل تحت رحمتو عادي يقتل و يخطف المهم هو ما يتمسش . هز تاليفونو و طلب الي مسؤولة على الخدامة
_غسان : الطفلة الي جات تو الي تحب تخدم .
_موظفة : أنهي سي غسان ، شكون ؟
_غسان : كان جيت نعرف اسمها راني قوتلك اهيكا لابسا بالاكحل و أبيض .
_موظفة: أه تقصد مادموزال اسراء
_غسان : اي تقبلوها في خدمة .
_موظفة : أم....
_غسان : قوتلك اقبلوها و ماليوم هيا السكريتار متاعي .
_الموظفة : الله يبارك سي غسان ..
