روحت اسراء لدار ضربت على مفاتحها ملقتهمش دقت الباب شي لامن حللها قدت دق و دق و دق لين جا بوها حللها _اسراء : اه عندي ساعة ندق وينكم ماتسمعوش _احمد : هاذي مش دارك _اسراء : اه اش...م..ف.. _احمد : برا لدار راجلك بلاصتك غادي مش هنا ، بلاصتك في قصر مش هنا في زبلة هذه _اسراء : بابا _احمد: رد بالك تقولي بابا ، لاك بنتي ولا نعرفك قولي الي معملتهاش ، قولي موش صحيح ، قولي الي معرستش باراجل الي دخل بوك للحبس بالظلم _اسراء : سامحني بابا , حبيتو ، سامحني اسراء ملقات حتا كذبة اخرى كان انها تقول حبتو متنجمش تقول الي هو هددها و انو يقتل بوها كان متعرسش بيه كانت باش تزيد تلحلح بيه و باش تاحكي ياخي خرجتلها أمها _مريم : كل يوم على اساس تخدم و انتي تمشي يتقابل فيه ، على اساس باش تخرج بوك و انتي تغرم في زمانك مع واحد مجرم ، و تروح عقابات لليالي نسألك شبيك تقلي تاعبة هذا كفوية معاك اسراء يا خسارت توربيتي فيك و الله ، يا خسارة قالت هذا و طرشقت الباب و خلات اسراء تبكي بالشهقة و تعرفو بكاء المهموم و مغموم و مظلوم و تضرب بيديها على باب و تقول _ اسراء : هذه هي داري حلولي الباب ، بابا ، امي و هوما ما حب حد يحل هزت روحها و مشات تغفص في دموعها للبحر و بلاصة العادة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جود : سي غسان ، من قبيلة و انا قاعد قدام الدار و مدام اسراء ملي خرجت ما رجعتش _غسان: باهي تمشي دق الباب و تسأل عليها مشا جود كيف ما قالو دق الباب خرج بوها حل الباب _احمد : تفضل _جود : عسلامة سي احمد _احمد : يسلمك _جود : حاشتي بمدام اسراء كانها موجودة _احمد : باعثك هاكا الكلب ماهو بارا قولو لعاد تجيني و لا نعرفك و مفماش شكون اسمو اسراء لهنا _جود : ام... _احمد : سمحني يعيشك ربي يعينك خرج جود طلب غسان وقالو لحكاية كل par détail _غسان : باهي كمل تبعها لين نقولك ايجا و تخبرني بكل تفاصيل جود : واضح كمل جود يتبع فيها خاتر يعرف الي هيا ديما تمشي على بحر لقاها مازالت غادي هز التاليفون و طلب جود : الو سي غسان ، مدام اسراء خرجت من الدار و تو قاعدة وحدها على البحر _غسان : باهي رد بالك تضيع من عينيك مشات اسراء لأليف تجري مشاتلها للخدمة _اسراء : اليف أ... _أليف : اهلا بيك شبيك اسراء اش صار احكيلي ... اسراء مازالت ما كملتش الجملتها و طيح ما في عينها بلة داخت اليف تفجعت و بدات تضرب فيها على وجها و بعد بدات تصيح و تعيط اجرولي _اليف : يا جماااعة اجرولي يا ناس عاونوني هيا هاكا و ريان يخلط كان ماشي لدار اسراء باش يحكي معاها و يفركو الرمانة أما يسمع في حس عياط اليف دوب ما عرف و تأكد الي هيا اليف دعس يجري لقا اسراء ملوحة في قاعة و هاكا جود يشوف في كل شي و يعس _ريان : اسرااااء _اليف : عاوني امان _ريان : شييها _اليف : منعرفش داخت منعرفش _ريان : باهي ايجا نهزوها للسبيطار _اليف : هيا حملها بين يديه و ركبها في كرهبة من تالي ركبت معاها اليف و مشا طاير تسمع كان تزريط لفرامان نرجعو لجود _جود: الو سي غسان ، سي ريان تو جا للحومة و فما حاجة طلع هو و مدام اسراء و صاحبتها يجرو و مشاو _غسان : تشد جورتهم تعرفلي لحكاية و تخبرني بالوقت مريم ام اسراء تمشي و تجي في دار و متوترة كيما يقولو قلب لأم خبيرها _مريم : يا ناري على بنيتي ، فحنا فيها فم فم تو عندها قريب ساعتين ما رجعتش وين عندها تمشي _احمد : وين عندها تمشي اكيد راهي في دار راجلها تدخلت ايمان و هي خايفة اما يلزمها تدافع على اختها معاندها حد _ايمان : بابا خليني نمشي نشوفها ، ولا نطلبها وقف احمد و هو يعيط ووتعرفو الغش كي قلب و ثيقة يتكسرو _احمد : الي باش يخرج من دار هذه على خاطرها اعرف الي معادش باش يرجع ، انساها اختك ماليوم معاش عندك اخت دخلت ايمان بعد ماسمعت لكلام هذاكا متحملش في اختها و هي تغفص في دموعها جت على فرش اسراء و رقدت .
وصل ريان لقدام السبيطار هبط يجري قص على لحكاية جود _جود : سي غسان مدام اسراء و جماعة جاو لكلينيك و تو دخلو يظهرلي صارت حاجة لمدام غسان : كان قاعد يترشف في قهوتو في بيروه و يتفرج على اخر لخبار ساق على ساق تنفض جا واقف _ غسان : اما كلينيك انطق _جود : كلينيك الياسمين علق غسان التاليفون و خرج يجري عرضو مروان في الدروج _مروان : خالي لازم. ن..ح.. _غسان : مش وقتك _مروان : اما ميما باش تمشي تقص عليه ميرفت امو _ ميرفت : مروان ايجا حاشتي بيك _مروان : امي اخطاني بربي ، نعرفك باش تجبدلي على القراية _ميرفت : مروااااان كلمة وحدة _مروان : يا ربي صبرك اش تحب مرفيت كانت باش تحكيلو على ريم كيفاش معادش يحكي معاها باش يقارو مع بعضهم _ميرفيت : قولي قداش ليك ما قريتش مع ريم _مروان : شكون ريم _ميرفت : مرواان متهبلنيش _مروان : ااااااه ، ريم اخت خطيب خالتي ، يعني ريم اخت ريان ، _ميرفت : صحيتك يا بابا هاك عرفتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مروان : اش بيها وهو ينفخ مروان متاع كل شي يعديه بضحك و لعب اصلا حايرين كيفاش وصل يقرى هندسة _ميرفت : كلمتني قاتلي مروان ماهوش قاعد يجي يقرا _مروان : اووف متفهها و تخبر فيك زادا _ميرفت : مروان الطفلة قراية و تقرى بمنحة و جاية من لأوائل و قاتلك ايجا نعاونك و انت مولا الدار مش هوني _مروان : باهي ، باهي وجا ماشي خارج وهو لابس شوميز بيضا و سروال أكحل و سبادري ابيض و هاكي البرفان لدووووخ أه اه يا قلبي _ميرفت : مروان نكلم فيك ، تحكي معاها اسمممعني _مروان : بوسات مدام ميرفت . رجعت ميرفت وحدها وهي تمتم _ميرفت : اكهو كل واحد لاهي في همو خالو ميرفت راس الهم هيا هكاكا و جات امها من غادي وهي نافخة ريشها _سليمة : تعرف خوك اش عمل جاوبتها و هي متغششة _ميرفت : منعرفش و منحبش نعرف اعتقوني وصل غسان قدام لكلينيك طلع يجري بدا يجري و يفركس لين لقا ريان وهو ماشي و جاي و يستنى في الطبيب شافهم غسان مشا يجري و هو مش حاملو حد _غسان : ويني اسراء تكلم _ريان : وسع بالك وين تسخايل روحك _غسان : رد بالك تحاول تتقرب من اسراء و الا والله... شد غسان من كثر الغش بطبيعتو يسكر كي يتغشش و يتعمى و شدو في خناق بعضهم و بداو يضربو في رواحهم كان دمايات تتناطر هما هكاكا وسيلين جات بات تصيح و تعيط حتى لين دخلت لحالة هستيرية يتلفت غسان باش يهديها ياخي بدات تهرب منو هزها ريان من يدها و قعدها على كرسي و جابلها ماء هوما هاكا و طبيب خرج _الطبيب : شكون قريب اسراء _غسان : انا راجلها بعد الجملة هاذي حبست لدم في عروق ريان خاتر سيلين كانت تعرف و اليف زادا ريان استغرب و بدا يضحك _ريان : اش تحكي ياخي راجل شكون _غسان : احترم روحك خير قص عليهم الطبيب _الطبيب : يا جماعة يعيشكم شوية هدوء في كلينيك راكم سي غسان ، مدام اسراء تعرضت لتشنج عصبي تعرفش اذا كان صارلها حاجة خلاتها تتنرفز و تتوتر برشا _غسان : اي صار _الطبيب : واضح هذا يلزمها ترتاح عطيناها مهدئ كي تقوم تنجم تروح
