ايا حلت الباب بيرو غسان ومن غير ما دق و لا سلام و كلام طيشت هاكي التصاميم على الطاولة
_اسراء : تفضل سي غسان
_غسان : واو ! مكنتش نتصور الي خدمة تهمك لدرجة هذه , كيفاش كملتهم في ليلة
_اسراء : مايهمش كيفاش كملتهم ، الفايدة الي كملتهم وتو نحب نرجع الخدمتي كان مفماش مشكل
وقف غسان بكل برودة دم وقت لي كان حاط ساق على ساق في بيروه و بدا يمشي في اتجاه اسراء و عينيه مرشوقة بين عينها و شفايفها و يدور عليها بعد قرب من وذنها و وشوشلها :
_غسان : كل يوم تزيد تكبر في عيني أكثر يا اسراء
غمضت اسراء عينيها كارهة روحها و خرجت مالبيرو منغير ما تتكلم هزت روحها و خرجت للسطح متاع الشركة دوب ما شافها ريان خلط ورها يجري وصل بحذاها و جبدها من يدها :
_ريان : عرفت كل شي
_اسراء: اش عندك تعرف
_ريان: نعرف بحكاية بوك ، مكنتش نعرف الي هو بوك
_اسراء : مكنتش تعرف شنوة ... تكلم
وقف ريان ساكت و تفكر لحظة شهد بالزور باش يحمي أمو :
_غسان : باش تمشي معايا للمحكمة و تقول الي راجل هذاكا هو كان يخدم و ماكنش في دار
_ريان : منجمش نظلم لعباد مانيش كيفك
_غسان: كان باش تنقذ الراجل هذا باش تخسر أمك ، شوف الشيكات أهوما عندي و تصحاحة متاع أمك عليها خمم مليح
_ريان: رد بالك تمس أمي يا كلب ،
دوب ما عرفت اسراء لحكاية بعد ما قللها كل شي تضربت جات تدور و ما غير ما تتكلم حتى كلمة خلات ريان و رجعت البيروها .
ــــــــــــــــــــــــــــــــــــــــــــــــــــــــــــــــــــــــ
هز غسان التلفون و طلب راجل يخدم عندو
_غسان : فهمي ، نحبك تجيبلي تقرير مفصل على اسراء بن علي شكون أمها و عايلتها و وين تسكن و ين عاشت حتى قداش من شربة ماء تشربها في نهار سمعتني
وهو متغشش يحب يعرف الغموض الي عند اسراء
بعد حل هاكا دوسي لقا التصاميم عجبوه علخر لحق أما بقا يغزر و يتمم و حدو
_ غسان : شكونك انتي،
هز التاليفون و طلبها
_غسان: ايجاني للبيرو
_اسراء : هاني جاية سي غسان
وبداد تمتم وحدها :
_ اسراء : يرزيني فيك
دقت الباب و دخلت
_ تفضل سي غسان
_غسان : اقعد
بهتت اسراء أما محبتش تناقشو قعدت و هي تحب تسأل اما منجمتش زي شمتها قارصة
_غسان : شكونك إنتي
ضحكت اسراء :
_ اسراء : اش تقصد
ضرب يدو على طاولة كبس روحو و اول مرة يعامل اسراء بطريقة هاكي
_ غسان : تضربت فيا بالغالط في بار و من غدوة نلقاك في شركة متاعي و تو وليت السكريترة متاعي و تبقى تسهر لصباح باش ترجع لهوني ، متحاولش تقولي لي هذه حب الخدمة
خافت اسراء كاينو شاك فيها بلعت ريقها و جات باش تجاوبو و هي عينيها يهربو من بلاصة لبلاصة
لين قص عليها التليفون متاع غسان هزو لقاه فهمي .
