دخلو للرستورون مضخم اول ما دخلو عرضهم راجل مكستم ظاهر فيه مولا المطعم هذا سلم على غسان _هو : مرحبا بيكم سي غسان تفضل طاولتكم حاضرة _غسان : مرسي عليك شد اسراء من يدها و قالها _غسان : تفضل اسراء _اسراء : هيا اسراء هدت شوية معادش تتصرف كيما امس وصلو لطاولة جابدلها الكرسي قعدت جبد كرسيه و قعد جاهم ديراكت السارفور _السارفور : تفضل سي غسان شنو تحب نجيبلك _غسان : خلينا ساعة نشربو قهوة انا جيبلي قهوة كحلة و مدام جيبلها قهوة بالحليب تكلمت اسراء بعد ما كانت تتفرج على المنظر الي يطل على القهوة كورنيش و طيور بحر و عباد تمشي و تجي و كوبلوات _اسراء : نحب قهوة كحلة . قالت هذا و هي عينيها معبية بالكره و تبسيمة خباثة مرشوقين في غسان .وهي كان تلقى ملك الموت تسيبو عليه . _غسان : شوف خدمتك _السارفور : حاضر سي غسان ، مرحبا تبسم غسان و تلفت الإسراء كيفاش مش حاملة حتى تشوفولو في عينه _غسان : قولي قص عليهم السارفور هبطلهم لقهاوي و مشا شد غسان ترشف قهوتو و بعد كمل كلامو _غسان : حكيت مع عايلتك على العرس ، نحب نعمل حفلة نعلن فيها الصحافة و لصحاب _اسراء : ياخي من انهي طينة انتي _غسان : احكي معا عايلتك ساعة و بعد تو نحكو في دارنا على كل شيء يا مرتي وقفت اسراء و ضربت بيدها على طاولة حتى لين لعباد كل بات تغزرلهم و مشات بجنب غسان و قاتلو بالقوي قدام لعباد كل . _اسراء : مرخسك و مسقطك عبد
غسان توتر علخر و تغشش كيفاش تحكي هكاكا بالطبيعة هو غسان حد مايلزم يعرف الي فما شكون منجم يهز صوتو شهدها من يدها بالقوي و كبس عليها و جبدها عندو حتى لين يدها زراقت اما قعدو ملامحها يبينو على قوة و محبتش تنهار قدامو . __غسان: فيدك ثلاثة ايام ، اخر الجمعة باش نعمل الحفلة ، يا تحكي مع عايلتك ، يا نحكي معاهم انا فهمتني سيبها خزرتلو شوي و مشات تلفت غسان لقا لعباد كل تغزورلو _غسان : اش فما كلهم كل واحد خاف و غسان بقا يتفس بالقوي قطع الفلس لولين متاع سوريتو و بدا يرعش كل و حط يديه على طاولة بزع هاكي القهوة و عروق يدو و لاو ظاهرين عاد غش غسان اللهم عافينا هيا هو هكاكا و هاز هاكي طاولة و قلبها شعرو ترفش لمو بديه لتالي و جا خارج وصل للباب وبعد رجع جبد فلوس و ماش لأول طاولة و حطهم بالغش و خرج يعني حق الي دڨدقو . تعدت اسراء لبلاصة العادة و هي تبكي بالشهقة وصلت قعدت على كرسي الي موجود غادي تلفت بجنبها لقات فيه مرسوم عليه اسراء و ريان رسموهم في اللوح وقت كانو مع بعضهم دوب ما شفتها طرشقت بالبكاء لين حست بيد شدها من كتفها تلفتت تلقاه ريان اول ما شافتو جات باش تقوم شدها ريان من يدها و عينيه كلهم يقولو متمشيش _اسراء: اش تحب مني _ريان : خلينا نحكيو _اسراء : معادش فايدة من لحديث _ريان : علاش اسراء ، _اسراء : ريان انتي تو خاطب عندك خاطيبتك تستنى فيك قالت كلامها و جات باش تمشي باش متشلقش الي هيا موجوعة و متقولوش الي غرست بغسان جبدها من يدها مرة اخرها حتى لصقها ليه في لحضة هاكي اسراء بحركة لا ارادية دزتو و عطاتو كف و مشت تجري و خلات ريان وحدو يدور المغبون مش فاهم علاش برغب الي شاف الحب في عينيها هيا هكاكا و سيلين الي كانت تبع في ريان بعد نا شافت ريان واسراء مع بعضهم هزت التاليفون و طلبت اسراء _سيلين : عسلامة اسراء _اسراء : اهلا سيلين _سيلين : منجمتش نوصل لريان تعرف هو وينو _اسراء : لا منعرفش محكيتش معاه اليوم _سيلين : اه برسمي قولت بالكشي عرضك حتى بالصدفة ولا حكاية اسراء عرفت الي فما حكاية مش نورمال تلفتت لريان و بعد بدات تفركس على سيلين منغير ماتشلق _اسراء : اي عرضني في الكورنيش بكري شوي. سيلين بدات تتأكد من علاقت اسراء و ريان خاصة بعد ما شافت التقرب منهم الزروز _سيلين : امس حسيتو متقلق اذاكا علااش نسأل _اسراء : منعرفش سلمنا على بعضنا اكهو مضهورلي شي . _سيلين : عيشك اسراء بسلامة نشوفك _اسراء : نشوفك علقت سيلين و هي تلعب في عينها من ريان الي قاعد على حافت الشط و ضاهر مهموم و اسراء الي على حافة الكياس تستنى في تاكسي هزت التاليفون و طلبت غسان _سيلين : غسان وينك _غسان : نعم ، يا روحي _غسان : شبيه صوتك هكا _سيلين : نجمو نحكو _غسان : اي بعد مع حكاية العشرة متاع الليل نلقاك في دار _سيلين : نستناك ، متعطلش _غسان : رد بالك على روحك اسراء بعد ما خذات تاكسي مشات للدار شافت الوقت لقاتها 15:52 وصلت للحومة قعدت على كرسي وحاطة يدها على راسها ماهياش عارفة اش تعمل شافتها اليف منغير ماتكلمها جت و قعدت بجنبها تلفتت اسراء لقاتها اليف رجعت حاطة يدها على راسها تخمم و قاتلها _اسراء : مازلت متغششة مني جاوبتها اليف اما منغير ما تقول كلام قالتلها لا اما بصوت (تون ) هزت اسراء راسها و غزرتلها و بعد تكت و غرست راسها في سماء _اسراء : سامحني اليف ، سمحني _اليف : منغير ماتطلب ، حاسة بيك نعرف الي تتعدى بيه مش ساهل _اسراء : قلبي يوجع فيا _اليف : اش باش تعمل تو كيفاش باش تخبر عايلتك _اسراء ::منعرفش _اليف : ايجا عندي عنقتها و قعدت تمسح على شعرها بعد مشات
16:27 دخلت اسراء البيت عرضتها ايمان _اسراء : أهلا ايمان _ايمان: عسلامة اختي _اسراء : ايجا عنقت اختها و بعد مشاو للبيت _اسراء : قولي اش باش تلبس في عيد الميلاد _ايمان : و الله نعرفك متنسانش يخليك ليا _اسراء : يجي منو ننسى أختي الغالية _ايمان : منعرفش هوما باش يعملوه في صالة مضخمة برشا سكتت اسراء و سرحت حتى لين عينيها زغلو بالدموع _ايمان : اسرااء رعشت اسراء مسحت على عينيها باش مايهبطوش دموعها شافتها ايمان حبت تفهم علاش الدموع اما اسراء فيسع ما بدلت الموضوع _ايمان : علاش بتبكي ياخي ماكش ناوية تحكيلي راني اختك _اسراء : تره خلينا نشوفو اش باش تلبس اليوم قامت اسراء من الفرش كانو متكين عليه و حلت خزانتها بدات تقيس خرجت روبا صفراء قصيرة برشا تره شوف هذه قعدو يغزرو لبعضهم _ايمان : هذه تفدلك _اسراء : عاد شبية اهيكا صفرا كي تكسي هههه _ايمان : هاكا اش ناقصني ، و زيد قصيرة برشا مش متاع عمري زادت اسراء تفركس لقات روبا كحلة الكادو متاع ريان وقت كانو مع بعضهم و الي هيا مازالت ملبستهاش ، الروبا طويلة و فيها فونط على جنب تهبل مش نورمال _اسراء : اهيا لقيناها ايجا قيسها _ايمان : يا محلاها أما ، منجمش نلبسها هذه مازالت جديدة وانتي ملبستهاش لتو لا شوفلي حاجة اخرى قعدت اسراء تتفرج على روبا و المتحسرة على اياماتها مع ريان و بعد تفكرت الي هو مع سيلين وهي عرست _اسراء : شد خوذها من قدامي و برا البسها خلي نشوف فيما اخترتلك الصباط و مشطة _ايمان : عيشك اسراء خرجت ايمان فرحانة بهاكي الروبا دخلت لبستها و خلات اسراء هيا هكاكا تلوج على صباط و تاليفونها نوقز هزت لقاتها نيروز __اسراء : ألو _نيروز : اسراء يلزمك تجي لشركة اليوم _اسراء : اش فما زادا _نيروز : شنيا تستخايل روحك ، بديت بمشروع يلزمك تكملو ماكش في غابة فما قوانين راهو ، وكان يسمع سي غسان الي انتي ماكش قاعدة تجي يهد الدنيا فوق روسنا جرتك _اسراء : باهي ، باهي اسكت شوي ، تو نجي مع 17 _نيروز : مطبطاش علقت اسراء التليفون و قالت بينها و بين روحها _يرزيك فيه سي غسان متاعك سمعتها ايمان و بعد ما لبست الروبا و رجعت لاسراء _ايمان : شكون اختي حبست شوي اسراء بعد ضحكة و تقربت من ايمان و مسحت على شعرها و شدتها من يدها تشوف في قدها _اسراء : ياا ايمان محلاك مشا الله _ايمان : عيشك اختي _اسراء : ايجا اقعد خلي نقدلك شعرك معاش بكري _ايمان : عندك وين ماشية _اسراء : طلبوني من الخدمة لازم نمشي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
