وصلو لدار غسان سألت اسراء :
_ فاش قام جايبني لدارك
_غسان : اهبط
_اسراء وهي تتكمر : متخلف
هيا هبطو الزوز مشا الشوفور هز الكرهبة و قعدت اسراء تتفرج على غسان و ترجع في قوتها قبل ما يتلفت غسان و يقوللها هيا مشات في جرتو دوب ما وصلو حلتلهم الفاطمة الباب
_فاطمة (الخادمة) : مرحبا سي غسان ، عسلامة بنتي .
اسراء : عسلامة مدام
_غسان : هاني في بيرو مايقلقني حد مفهوم
_فاطمة : الله يبارك ولدي
دخل للبيرو هاذا و يكركر في اسراء و راه وهية تمشي ساق القدام و ساق التالي شامتها قارصة
عاد حل الباب دخلت اسراء و دخل وراها و سكر الباب
البيرو حاجة خيالية من كثر الضخامة الي فيه لين بدنك يقشعر من لخوف الله و اعلم شنو صار فيه وهو فيه كوادروات كولهم متاع تصاور عباد ملطخة بدم ولا حاجات مش مفهومة جاء غسان وهو يغزر لإسراء كيف باهتة في البيرو و حل الخزانة كلها تسجيلات مرتبين قد قد
_غسان: ايجا ، شنو تحب تسمع
_اسراء : شنو هذا
_غسان : نحبك ترضي فضولك , اختار اناهو تحب تسمع
قدمت اسراء متحبش تزيد معاه حتى كلمة لقات كاسات جاية وحدها هزتها و مدتهالو بشوية بدا يضهر عليها الخوف .
هز غسان هاكي المسجل و خدمها بدات تسمع اسراء كيفاش كان بوه غسان يعذب فيه و يضرب فيه اسراء متحملتش و فيسع ما قاتلو
_اسراء: سكتها
_غسان : زيد اسمع
_اسراء : قوتلك سكتها
_غسان: 23 سنة تعداو على نهار هذا
_اسراء : قوتلك ساكتو سي غسان معادش نحب نسمع
_غسان : متأكدة ماهو
بلعت اسراء ريقها و هي ترجف من لخوف سكت غسان هذا المسجل و بدا يقدم من اسراء بشوي بشوي هو يقدم و يحكي و اسراء توخر :
_غسان : 24 سنة ، 24 سنة و البيرو هذا متحلش لحتى طفلة 24 سنة حتى حد مايدخل للهوني حتى من منظفة ما تدخل كان كي نبدى هوني إنتي اول وحدة تسمعو .علاش .
_اسراء : سي غسان
دزتو وخرجت لجنينة قدام الدار قعدت حكاية درجين و خلط عليها غسان .
****
