خرجت اسراء من شركة بعد ما خذات البشارة و و هزت تلفون باش تطلب أليف أما لقاتها لحقتها حتى لشركة خاتر منجمتش تصبر و تحب تعرف اش صار
_ أليف : اش عملت يا طفلة ، قبلوك
_اسراء : بالطبيعة قبلوني
_اليف : ياااااا ، مبروك عزيزتي فرحتلك
_اسراء : يعيشك يا أليف
_اليف : اي و اش باش تعمل تو ، فاش تخمم
_إسراء : منعرفش و الله أما لازمني نخلي هاكا الكلب ياثق فيا
_ أليف : رد بالك على روحك ، نعرفك تنجم
_اسراء: إنشأ الله يا أليف ...إنشأ الله ، أما يلزمك تعاوني نحبك دبرلي شوية دبش يليقو بالشركة
_أليف : اي اي باهي ، تو نتفاهم أنا و عرفتي متخممش .اما قولي باش تخبر امك و اخواتك ولا لا .
_اسراء : رد بالك منحب حد يسمع بالحكاية .
_ اليف : باهي يا روحي ... هي خليني نمشي وخرت على خدمتي ..
بعدها مشات اسراء للبحر عندها بلاصة سرية كانو يتقابلو فيها هي و صاحبها ريان قعدت واقفة مديدة و بعد رجعت لدار اول ما وصلت لقات امها في كوجينة
_امها: جيت اسراء، اش عملت
_ اسراء : اهلا امي ، شي مشيت للخدمة و قبلوني من غدوة باش نبدى
_امها : مبروك لبنتي نعرفك باش تنجح ، كان يسمع بوك لما يطير مالفرحة، اما قولي شبيك ماكش فرحانة احكيلي
_ اسراء : شي أمي أما تاعبة نحب نرقد
_ امها : باهي بنتي هاني خارجة ارتاح
رقدت اسراء و دموعها على خدها و هي تخمم في روحها الي مكسرة من داخل و بوها الي في حبس و مسؤولية خواتها ....
🔞🔞🔞🔞🔞🔞🔞🔞🔞🔞🔞🔞🔞
هذا غسان الي قاعد يحضر في بيرو متاع السكريتيرة جديدة
_غسان : البيرو نحبو غدوة حاضر .
_بسام ( موضف) : حاضر سي غسان
_غسان : شوف خدمتك
دخل غسان لبيروه هز تليفونو و مفاتح كرهبتو و خرج من شركة وصل لدارو دار كبيرة قصر على حالو بيسين و ڨازون و جنة على وجه لأرض هو مازال ماوصلش للباب و خادمة تحل الباب
_ عسلامة سي غسان تفضل
_غسان : ويني سيلين
_الخادمة: في جنينة سي غسان مالصباح و هي قاعدة غادي متحب تكلم حد .
مشا غسان لجنينة باش يشوف اختو اش بيها هذا سيلين اخت غسان عندها مرض نفسي تحب على راجل و هو مايحبهاش و تمرض كي ماتلقاشي بحذاها و لا كي ميهزش عليها التليفون
_غسان : سيلين عزيزتي
_سيلين : علاش مايجاوبش ، علاش ، هو ميحبنيش
_غسان : لا يحبك
_سيلين: لا تكذب عليا انت تكذب عليا باش ما نتغشش ريان ميحبنيش
🔞اي .. اي .ريان لكس اسراء 🔞
_ غسان: هيا أختي ايجا ندخلو
دخلو لدار و هزها لبيتها و عطاها دواها و قعد بحذاها حتى لين رقدت .
خرج بعدعا مشا لبيروه و بدا يخدم نادا للخادمة :
_اعملي قهوة من غير سكر
_الخادمة : حاضر سي غسان
💎نهار جديد 💎
فاقت اسراء من بكري لبست بالبيج و ابيض و خرجت بشوية باش ماتفيق حد
اول ما وصلت للشركة عرضها بسام
_بسام: صباح خير اسراء
_ اسراء: صباح النور
_ بسام : تفضل معايا للبيرو متاعك
_اسراء : البيرو متاعي ؟؟
_بسام : اي ! ياخي مش باش تخدم هوني
_اسراء : ياخي شنو باش نخدم بالظبط
_بسام: باش تولي مساعدة سي غسان
_اسراء : اما انا جيت على اساس باش نخدم في قسم التجاري
_بسام : هذه أوامر سي غسان ، تفضل يعيشك
_ اسراء :A bon
وصلو دخلو مع بعضهم للبيرو متاعها و بعد خرج و خلاها هي تتفرج على المكتب و تلفون سونا هزت عليه لقاتو غسان :
_غسان: مبروك عليك الخدمة
_اسراء: تفضل سي غسان
_غسان : كان كملت استكشافك ، ايجاني حاشتي بيك
_اسراء : اوك ، جاية
