هبطو الزوز للبيت لفطور وين الجماعة الكل موجودين غادي أم غسان و اختو لكبيرا و ولدها مروان ستناو شكون مروان هذا هذا مروان 21 سنة ولد مدلل و خامج يعني أومور بنات و انحراف مايلعبش أما في نفس الوقت يقرى هندسة و أمو ميرفت 54سنة مطلقة و تخدم مع غسان في شركة كانت تعيش في ايطاليا مع راجلها الي عرست بيه بسيف بسبب غسان أما وقت طلقو رجعو هيا و ولدها للتونس . هيا قعدو غسان و سيلين جات فاطمة سربت ليهم الماكلة و قعدو ياكلو وهما كي العايلة السعيدة و هو كل واحد قلبو مغوش ضد لاخر ، روح ريان لدارهم يعيش مع امو غزالة و خوه الصغير حمزة و اختو ريم _غزالة : عسلامة ولدي _ريان : أهلا بيكم _غزالة : هيا نحط. تتعشاو _ريان : وانا نجم نقول لا ياخي ناض خوه حمزة _حمزة : هيا يا ريان زح موتنا بالجوع و امك قالت ما نحط لعشا كان ما يجي ريان ناظت ريم و طيشت عليه لمخدة _ريم : يزي مالبلادة و قوم رجع عليها لمخدة و هو يضحك _حمزة : قوم انتي عاون امك بقاو يضحكو كل و برسمي هنا وين تلقى الضحكة مالقلب و نية الصافية . كلهم ساكتين ياكلو على طاولة لين تكلمت سيلين _سيلين : مقوتليش غسان شنوة حاولك انت و اسراء سكتو كل و قعدو باهتين اما امو تكلمت وهي مضروبة في روحها قد ما نوصفلكم و شيء _امو ( سليمة ) : شكون اسراء ، متقوليش هاك السكريتيرة الي جات هاك النهار ضحكت بتمسخير وكملت حديثها _ سليمة : واش عندو يعمل خوك معا وحدة كيما هاكي ، ميزيناش من ريان متاعك بتزيدنا زبلة اخرى تحبنا نوليو فضيحة قدام الناس _غسان: امي يزي _سيلين : امي ياخي لتو لحبيت تفهم الي ريان خطيبي و باش نعرسو و يلزمك تحترمو _سليمة : يظهرك ،
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تكلم غسان بعد ما كان ياكل بالفرشيطة و سكينة و مش لهنا اما منجمش يسكت _غسان : يزيتش تو كملت يا امي ، اسراء باش تحترمها كان مش بكيفك ، بسيف عليك مفهوم قامت امو من فوق الطاولة الي كيف العادة مينجموش ياكلو منغير ما يتعاركو _سليمة : غسان ، تنجم تعدي وقتك مع البنات كيما اسراء و تتفرهد أما انك تجيبها لداري على جثتي غسان بكل دم بارد غزر لامو و ضحك ضحكة فيها خباثة و مجاكرة _غسان : وسع بالك امي الغالية بعد ما مشات قام غسان متنرفز و مشا لجنينة حكاية درجين و خلطت وراه سيلين و في يدها زوز كيسان قهوة مدتلو كاس و بدات تحكي _سيلين : اليوم عرفت حاجة اما مش متأكدة منها _غسان : شنو فما اش تقصد _سيلين : يخص ريان و ..ا...اسس... _غسان : احكي اش فما سيلين _سيلين : باهي خويا اما اوعدني متتغشش _غسان : باهي _سيلين : اوعدني _غسان : اووف طبست راسها سيلين و غزرت لغسان باش تقولو هيا اوعدني فهم روحو غسان و غمض عينيه و خذا نفس _غسان: نوعدك احكي سيلين : شاكة الي فما علاقة بين اسراء و ريان _غسان : شنوة كيفاش عرفت _سيلين : فما مرة تبعت ريان مشاو تقابلو و كيف طلبت اسراء باش نقولها شوفتش ريان قاتلي ريتو اما سلمنا على بعضنا من قريب اما غسان بدا يتنرفز اما ما حبش يظهر قدام اختو في يدو كاس القهوة بدا يفرغ في غشو فيه و بدا يكبس _غسان : اما شنوة _سيلين : اما شفتهم كيفاش متقربين من بعضهم هيا منعرفش اذا مازالت تحبو ولا لا أما ريان كل ما يشوفها يتمهمش و عينيه ماتهبطش جملا . غسان كيف سمع لكلام سمع حس تكسير الكاس ، غسان كسر الكاس في يدو اما مانتبهش خاطر سرح كان كيف سيلين بدات تعيط _سيلين : غسان لا لا يدك غسااااااان ، وينكم اجرووو _غسان : سيلين اهدء ماصار شي اهدء _سيلين : علاه عملت هكاكا تره يدك _غسان : ما فما شي جرح صغير و كهو ماتخافش _سيلين : جيييبووولي معقم فيسع ، ايجا معايا اقعد هزت سيلين غسان و قعدتو بجب الشوميني ، جابولها المعقم و كل شي و بدات تنظف في جرحو و تنحي في قزاز الي في يدو و غسان يحاول الي هو مش متنرفز أما مبين من عيونو و شر يطناطر من عينيه كملت سيلين باسها من جبينها و دخل لبيروه هز تاليفونو و طلب فهمي _غسان : فهمي تو تسيب الي في يدك و تجي _فهمي : سي غسان تو في هالوقت _غسان : قوتلك تو تجي بعد ساعة نحبك قدامي غزر غسان للوقت لقاها 10:39 حل خزانة فيها الشراب انواع و اشكال هز دبوزة وسكي و بدا يصب و يشرب و هو متغشش كيفاش ريان و اسراء يخونو فيه ولا واحد شلق و هو لاعرف اما فاش قاعد يخمم زعما "دق دق دق " حلت اسراء الباب لقاتها ايمان _اسراء : اهلا اختي هاك مبطيتش _ايمان : فديت و معجبنيش الجو و عرفتك قاعدة وحدك جيت باش نتوانسو _اسراء : خليلي ڨدك دخلو الزوز لصالة لقات ايمان لاوراق مش مفهومة كلها ارقام و كتيبة و تصاور صبابط _ايمان : اختي ، انا و الله لا فهمت كيفاش تفهم فيها هالخدمة ضحكت اسراء و مشات باش تلم هاكو الاوراق و قالتلها. _اسراء : هيا ايجا ناكلو حاجة عملتلك كارب بشكلاطة نعرفك تحبها _ايمان : يااااا عيشك اختي ، اما ستنى نحي هالروبا و طالون معاش نجم نمشي بيهم ههههههه _اسراء : هاني نستى فيك متبطاش بدلت ايمان حوايجها و رجعت لقات اسراء حضرت كل شي _ايمان : ايجا نقعدو في صالة و نوريك الحفلة _اسراء : اي أي ايجا وريني _ايمان : اما نقولك الطفلة لبست طالون عالي برشا ماهياش منجمة حتى تاقف بيه عملت العار _اسراء : اه ياغيبتي مالا رانا شبعنا ضحك قعدو هكاكا و اسراء تحاول باش تنسى لحقيقة عندها نهارين ماشفتش غسان فرهدها شوي و كملت سهريتها هي واختها لحكاية 00:12 و بعد مشاو رقدو باب تحلل حس كرهبة دخلت وقفت قدام الدار هبط مشا جود يجري حل الباب هبط فهمي طلع جود في الكرهبة و هزها لبلاصتها _فاطمة : مرحبا سي فهمي _فهمي : اهلا بيك ، صحتك لباس _فاطمة : الحمد الله وليدي _فهمي : سي غسان وين _فاطمة : وليدي اهوكا في بيروه و يمشي و يوصي ما يقلقو حد _فهمي : باهي عيشك طلع فهمي الدروج عرضو مروان خارج يسهر كي العادة ، _مروان : salut monsieur fahmi ...bay _فهمي : اهلا سي مروان وتعدا وصل قدام بيرو غسان حتى هو خايف خاتر ماوصل يطلبو اخر الليل كان اكيد خلت و جلت دق الباب دخل _غسان : اجا اقعد _فهمي : الله يبارك بعد ما قعد قام غسان و دار وراى بيروه حل الخزنة السرية جبد ورقة و رجع ورا فهمي بعد ما حط هاكي الورقة قدامو فوق الطاولة و قرب الوذنو يوشوشلو _غسان : هذه الورقة تعرف شنيا _فهمي : لا سي غسا.. قص عليه غسان و هو يعيط _غسان : بالطبيعة متعرفش شد اقراها جا فهمي باش يقرا هاكي الورقة ياخي بعدها غسان و قال لفهمي بخباثة اصلا ضاهرة عليه السكر أما يعرف اش قاعد يقول _غسان : غدوة احمد بالحاج نحبو في دارو بين مرتو و صغارو _فهمي : أما سي غسان كيفاش باش تظر راك هكاكا شو اسم...ع...ن..... ضرب غسان بيدو على طاولة حتى لين الدنيا تزعزت و هاكا الشر الي في عينه زاد كبر _غسان : ماهو الي عندو رجال كيفكم لازم يتعب و يشقى ، غدوة فما راجل باش يسلم روحو و ياخذ التهمة و باش يخرج بو اسراء غدوة هاني نبه عليك _فهمي : حاضر سي غسان أما يلزم برشا حاجات تكون ضد السيد الي باش يسلم روحو _غسان : مالا باش محامي تصرف _فهمي : تصبح على خير _غسان: اخرج
