خرجت اسراء تجري خذات تاكسي و مشات لبلاصتها على البحر و طلبت أليف حكاتلها لحكاية كل اما مش بالتفاصيل كل و تفاهمو باش يتقابلو غادي .
_اليف : اسراء حيرتني شنية لحكاية .
_اسراء : ريان لعبلي لعبة و حطلي المسجلة في ساكي و سرقني قدام لعباد كل
_اليف : شنوة فاش تاحكي ياخي
_اسراء : اوووف
_اليف: اما برسمي طاح من عيني ريان
###########################
مشا ريان لنيروز و قاللها
_ريان : تره نحب السيفي متاع اسراء بالحاج
_نيروز : دقيقة ميسو نشوفلك
بعد شوية فركست ملقاتش شي على اسم هذا
_نيروز : سامحني سي ريان مفماش شكون بالإسم هذا فما اسراء بن علي مساعدة غسان نقصد الي كانت ما...
قص عليها و هو متنرفز
_ريان: يزي من كلام الفارغ و جيبلي الدوسي للبيرو
هبطتت عينيها نيروز و بدات تمتم
_نيروز : مالا اسراء لعباد كل ميتة عليها
كملت اسراء حديثها مع صاحبتها و مشات للمحامي
اول ما وصلت دخلت و بدات تحكي
_اسراء : الي ميحشمش لعبلي لعبة و خرجني من الشركة المفتاح الي كان في يدي ضاع لازمني نلقى حل
وهي متوترة تلم في شعرها و تمشي و تحي في بيرو كي رقاصة المنقالة و قفها المحامي
_المحامي : اهدا شوي و اقعد الي صار مش في صالحنا يلزمك كان متوصلش للكاميرا المراقبة و لا للورقة متاع الطبيب منجموش نعاونو بوك
_اسراء : كيفاش اوف يا ربي
_المحامي : شبيك متقوليش عملت حاجة ...لا متقول هالكلام .
_اسراء : كي لقيت روحي في موقف هاكا منجمتش نتحمل إهانتهم انو يسرقوني و خرجت وحدي
_المحامي : لا يا بنتي .
_اسراء : شنو الحل
_المحامي : استنى نعملو قهوة و نخممو في راحتنا بنتي متخافش . بوك عندو زهر لعندو بنية كيفك .
_اسراء : الله يبارك عمي
بعد ما جاب القهوة بقا المحامي يخدم على دوسي اخر و اسراء بجنبو تترشف في قهوة و قاعدة تتخمم في حل باش ترجع للشركة .
قعدت قريب نص ساعة وهي تخمم بعد شهقت و بدات تصيح :
_اسراء : لقيتها و الله
_المحامي : ههههه ، اش لقيتي تره قولي
_اسراء : باش نرجع لغسان و باش ناخو التهمة هاكي و نقولو انا الي هزيتها
_ المحامي : و باش يصدقك
_اسراء : ماعنديش حل اخر لازم نجرب على خاتر بابا.
****
خرجت اسراء تجري لوجت على تاكسي ملقاتش مشت على سقيها حتى لين لقات تاكسي ركبت و مشت لشركة .
اول ما وصلت شدوها السوكريتي و مخالاوهاش تدخل غافلتهم و هربت منهم تجري
طلبو غسان لفوق باش يعلمهم اش يعملو ياخي قاللهم خاليها
طلعت للطابق الخامس وين بيرو غسان غزرت للامراية الي قدامها اخر مرة تنفست بلقوي وقالت الروحها
اسراء:انا قوية ميوقفني شي
تبسمت 😉ركحت شعرها وكملت مشيتها
كانت تمشي بخطوات واثقة دخلت لبيرو دوب ماشافها تبسملها
_غسان : نسمع فيك
_اسراء : تحب تعرف لحقيقة مالا
_غسان : اي نحب نسمع
تقدمت اسراء خطوتين و غزرت لسقف و خذات نفس و بعد هزت راسها و حطت كلعادة عينيها في عينيه
_اسراء : ايه نعم انا الي هزيت المسجل هذاك
اما مكونتش باش نسرقك
بهت غسان و كان حاط ساق على ساق و قف وهو مصدوم من شجاعة اسراء و خاصة بعد ما شاف الكره و قوة الي خارجين من عينينها .
_غسان: مالا علاش هزيتو
قصت عليه اسراء و بنفس نبرة الصوت اما بدات تمشي و توخر بعد ما بدا يتقرب منها غسان
_حبيت نعرف شنوة فيه ، فضولي غلبني
غسان: فضولك مالا ..
تنطر جاء وراها... خطفها من يديها و هي ترعش من الخوف اما مش مظهرتلو .. هزنيها للباب ياخي دازتو
_اسراء : رد بالك تحط يدي علية ، كان تحب تهزني نمشي بإرادتي تفهم فيا
_غسان: تفضل مالا قدامي
خرجو مع بعضهم شافهم ريان عرضهم
_ريان : اش فما غسان
غسان عمل روحو ما سمعش و كمل في طويل ركبو في كرهبة الزوز و مشاو .
