اسراء : سي غسان نحب نرجع نخدم
_غسان: اما انتي وفات الخدمة معاك
_اسراء : اعطيني فرصة اخرى
_غسان: فرصتك وفات
_اسراء : غدوة الصباح يكونو عندك 10 تصاميم متاع صبابط جدد
عجبتو غسان الشجاعة و اصرار متاع اسراء
_غسان : غدوة مع 8 متجيبش التصاميم معادش تحط ساقيك في شركة ولا توريني وجهك
مشات اسراء تجري فرحانة و ديراكت دوب ما خرجت من الفيلا كلمت المحامي و خبرتو بكل شيء و بعدها تعدات للبلاصة العادة لقات ريان قاعد غادي يستنى فيها اول ما شافتو حبت تمشي اما خلط عليها
_ريان : اسراء ستنى
_اسراء : اش تحب
_ريان: فاش تخطط
_اسراء : وانتي اش دخلك
_ريان : اسراء متخلينيش نعيط فاش تخطط علاش لقبك بن علي مش بالحاج
خمتت اسراء و بعد قاتلو بغش
_اسراء : خاطرني عرست
ومشت و خلاتو تعادات لصاحبتها لقاتها هيا زادة كيف مروحة مالخدمة
_اليف : اسراء ، قولي اش عملت
_اسراء : مشيت لغسان قوتلو انا الي هزيتلك المسجل
_ اليف : شنية ؟ علاش عملت هكاكا ملقيت ماتعمل
_اسراء : اي اليف ماعندي منعمل . معنديش حل اخر ،
_اليف: اي وبعد اش قالك
_اسراء : اش عندو يقول كالعادة المفيد الي رجعت للشركة
_اليف : برسمي هيا باهي ، ديجا هاني جبتلك حوايج تلبسهم
_اسراء : يعيشك يا أليف أما...
_أليف : اما شنوة
_اسراء : ريان شلق بلي لقبي مبدل
اليف : اي و اش قوتلو تكلم شبيك تقطر عليا باكلمة
_اسراء : قوتلو عرست
_اليف : شنية ، لا عاد اسراء ياخي هبلت
اسراء : اي هبلت اش نعمل مالقيت حتى كذبة وقتها المهم نهرب
_اليف : اي و صدقك
_اسراء : منعرفش أخر همي اصلا
_اليف : اي مقتليش كيفاش قنعتي غسان برجوعك :
_اسراء : باش نصمم 10 تصاميم لغدوة
_اليف : اي و باش تنجم تخلط
_اسراء : منعرفش اما يلزمني نخلط حتى لوكان باش نبقى ليل كل يلزمني نتحمل على خاطر بابا .
***
دخلت لبيتها بدلت حوايجها جبدت اوراقها و بدات تخمم مش بساهل باش باش تلقى تصاميم 10 في ليلة واحدة بدات تخطط و اي حاجة تجي لبالها تعملها
رسمت لول كملت الثاني حتى لين و صلت عملت عشرة تصاميم وهي سي عينيها تحل فيهم بسيف و يدها و تنفخت من كثر شدان لقلم تلفتت للوقت لقاتو 3:13 لمت أوراقها كل و حطتهم في ساكها و شدت فرشها عمرت تاليفونها 7:00 و رقدت شوي ..
صونا تاليفونها فاقت بسيف قامت مالفرش مشت غسلت وجهها و لبست كوستوم اكحل و طالون اكحل و ربط شعرها كوب شوفال لوطة و كي العادة هزت هاكي الساك و خرجت فطرت مع عائلتها :
_امها : بنتي ماشين نزورو بوك تحب تحي معنا
_اسراء: مذبيا امي اما عندي برشا خدمة سلملي عليه بارشا و قولو راني نحبك و اتو نخرجك في اقرب و قت
_امها : كيفاش باش تخرجو يا بنتي اش تقصد
_اسراء : يلزمني نمشي معاش بكري
باست امها و اختها و خرجت تجري خذات تاكسي و مشات ديراكسيون شركة قولد
دخلت تسمع كان طق طق طق بالطالون متاعها و الي في شركة كل يوشوشو من تحت التحت كيفاش رجعت بعد ما عملت هكاكا في غسان
