أحداث قبل بنهار :
تقابلت اسراء مع أليف
_اليف: اش صار احكيلي
_اسراء : قلبي مش مطمان
_اليف : اش فما
_ اسراء : غسان بدا يبربش ورايا
_اليف : تحكي برسمي
_اسراء : اي حاط شكون يتبع فيا و هوكا تو واقف لبرا و امس بعث شكون لطلال
_اليف : رد بالك أختي
_اسراء : يلزمني نخرجلو الشك من راسو
_اليف : اي اما كيفاش ، ستنى ساعة ، ياخي فركست على الورقة .
_اسراء : اي حكاية طويلة ، فركست الدنيا قلبتها بيروه كل فركستو مفماش
_اليف : ما شافك حد
_اسراء : اوووف ريان .
_اليف : كونت باش نقولك ارتاح ، اما يمشيش يقول لغسان في لخر يبقى نسيبو
_اسراء : تي لا ، حتى ولو ماهوش خايب لهدرجة
ريان ظاهر عندو سبب مخليه مع سيلين
_اليف : بربي لا تجبد هاكي المخلوقة قدامي
_اسراء : المهم تو لازمني نهرب من هالكلب الي لبرة
_اليف : ستنى خبرت المحامي
_اسراء : اي بابا سي باش يتحكم ، انا فاشلة و مجمتش روحي ،
_اليف : متقولش هكا ، انتي عملت الي تقدر عليه
***
غسان في بيروه و فهمي قدامو يعطي فيه في المعلومات متاع اسراء و بعد جبد الكاميرا
_فهمي : سي غسان هنا اسراء كيفاش قعدت في بيرو بعد ما خرجت انتي وهنا تقص التسجيل لمدة نص ساعة و بعد رجع و غادي وقف و رجع كل شي نورمال
_غسان : طلعلي المقطع الي تفسخ
_فهمي : اما
_غسان : اما شنوة
_فهمي : اما يلزم وقت طويل باش يخرج
_غسان: كلمة وحدة تو تخرجو و هنا هاني نستى في ميساجك
(وبعد تعدى لبيرو اسراء في حلقة السابقة)
حل التايفون غسان وصلو الفيديو متاع اسراء كيفاش تفركسلو في دوسيات
اسراء : اش فما ماو لباس
_غسان : انتي شبيك خايفة
_اسراء : علاش جايبني لهنا
_غسان: نحب نتعرف عليك اكثر
_اسراء : مش مهم
_غسان : من راي تعترف الي انتي تحبني وقيت
_اسراء : حاجة متخصكش
و مع كل كلمة غسان قاعد يتقرب من اسراء و اسراء توخر و عينيها مرشوقة في عنيه كره
_غسان : مالا شبيك كل ما تنقرب منك تترعب
_اسراء : الي نحبهم في حياتي كل ماتو زعما كان جيت في بلاصتي اش تعمل
_ غسان : مش هذا السبب
_اسراء : لا من راي انتي تعرف بلقدا شنو السبب
غسان وقف و دور راسو باش تقصد
_اسراء : انتي تعرفني بالقدا انا شكون تعرف الي انا بنت احمد بالحاج
_غسان : اي نعرف و نحبك تعرف هذا زادا
عمل هاكا و حل فديو فيه كيفاش يعذبو في بوها في حبس اسراء متحملتش و ديراكت هبطت الدمعة من عينها
_غسان : كان مازلت تحب على بوك يلزمك تعمل لقولك عليه
_اسراء : اش تحب يا كلب سيب بابا لتربحك
_ غسان : نعرسو
_اسراء : شنوة
_غسان : نعرسو
