هيا دخلو معا بعضهم عرضهم السارفور
_عسلامة سي غسان تفضل طاولتك حاضرة
دخلو للقهوة وصلو بحذا الكونتوار جبدلها الكرسي قعدت و هي تتسومم و بعد قعد هو و سارفور واقف مزال بحذاهم
_تفضل سي غسان شنوة تشربو
_غسان: أنا جيبلي كاس كيعادة و مدماوزال اسراء اش تحب زعما
_اسراء : قهوة بالحليب
غسان غزارلها :
_أما القهوة ما تجيش مع الحليب
_اسراء ( وهي تهز فيه و تحط ) كل واحد حر شنيا باش تتدخل حتى اش نشرب .
غسان ماجوبهاش ضحك و أمر السارفور باش يجيب ايا دريج هكاكا جا السارفور و عطا الكاس شراب لغسان و مد قهوة كحلة لإسراء هزتو و حطاتو وهاكا غسان يضحك من تحت طبست للكونتوار لقات كاس فيه لحليب هزتو من تحت الكونتوار و صبتو في قهوة بشماته و شربت تمتم غسان بشوية
_غسان: مكسح راسك
سونا تلفون اسراء مرة اخرى شافتو لقاتو المحامي متاع بوها قاللها غسان
_غسان : علق مانحبش التلفونات في خدمة
قحرتلو اسراء و هزت على تلفون و خرجت باش تتكلم على راحتها هي هكا و غسان قاعد وحدو و سيلين و ريان دخلو يديهم في بعضهم سلمت سيلين على خوها و سألتو
_سيلين : كي سبة وحدك
_غسان : و شكون قالك الي أنا وحدي أغزر
_سيلين : أه مالا غسان يا سيدي
ريان اول ما شاف اسراء دخل بعضو و جهو لخلخ و جاء باش يروح أما شدتو سيلين و باستو هما هكاكا و اسراء شافت كل شي زاد انتقامها ..
***
دوب ما وصلت سلمت على جامعة
_اسراء :دقيقة هاني جاية
_سيلين ستنى هاني جاية معاك غسان اطلبنا حاجة نبدلو الجو
_غسان : حاضر يالة
مشات اسراء لتوالت و هي مش حاملة روحها ماهيش باش تتحمل ريان وهو يتمعشق مع طفلة اخرى حلت السبالة جسلت يديها و رقبتها هيا هكاكا و تحل سيلين الباب
_سيلين : اسراء لباس
_اسراء : اي سفا
_سيلين : حسيتك متقلقا من حاجة خاتر
اسراء: تاعبة شوية كهو
_سيلين : كيفاش مشات الخدمة مع خويا
_اسراء : انا باش نمشي سي غسان يستنى فيا
خرجت من غادي و هيا شادة روحها بالسيف ، تنفست بالقوي خذات قوتها كل و مشات بحذا غسان اول ما وصلت جبدها غسان و حط يدو على خصرها باش يغايض ريان خاتر شم ريحة حاجة غزرت اسراء ليديه و فيسع ما جبدت روحها
_اسراء : سي غسان يلزمني نمشي
_غسان: مزال بكري اسراء فيسع فديد
اسراء هزت ساكها بعين صحيحة و خرجت هيا كيف مشات خطوطين خلط عليها غسان غزر المنقالتو لقاها 6:38 و تفكر حكاية الاوتيل مع هاكي طفلة عاد قدم غسان وقالها
_غسان : ستنى حتى يجي شوفور يوصلك
اسراء كانت باش تقولو لا هزت عينها جات على عينين ريان الي عينيه يقولو لا متمشيش معاه ابعد ياخي غزرت لعينين غسان
_اسراء : هيا وصلني انتي معاش بكري
_ غسان : هههه تحكي بجدك
_اسراء : اي نحكي بجدي
غسان كل يوم يبهت في قوة اسراء و العناد متاعها الي باش يهبلو أما في نفس الوقت هو مخليها تسيطر على الوضع خاتر عمرو ما شاف طفلة بزين هاكا كل و قوية .
هو مازال سارح و اسراء تتبسم بخباثة :
_اسراء : bonne nuit
_غسان : وين
مشا يجري باش يخلط عليها لقاها خذات تاكسي و طارت تجري
