بعد ما خرجو كل ضرب غسان على هاكا المسجل ملقاهوش بدا يفركس فوق الطاولة قلبها كاملة سافيه على عاليها اما شي حل الباب بالقوي و عيط لنيروز
_غسان : المسجل متاعي كان فوق الطاولة شفتو
_نيروز : لا سي غ....
قص عليها و هو كشاكشو طالعة
_غسان : يلزمك تلقاه تفهم فيا
وخرج في وسط الشركة و بدا يصيح الي سرق المسجل ننصحو يخرج خيرلو ولا باش تصير حاجات ما هيش باش تعجبكم و تلفت الى وحدة تخدم غادي
_غسان: مثلا نطردك انتي
سمع ريان صياح غسان و قعد واقف و يغزر لبيرو اسراء
بعد ما مشو لعباد كل لخدمة قال لشكون باش ينادي لسكريتي و دخل لبيرو اسراء
_ريان: هات ساكك
_اسراء : نعم نعم
_ريان : قوتلك هات ساكك هوني
_ اسراء : سيب متاع شنوة نمدهالك
_ريان : شنوة مخبية فيها علاش خايفة
_اسراء : معندكش الحق تفركسلي ساكي فيها حاجات تخصني
وهوما هكاكا تطيح من يدهم و يتبزع كل شي فيها لين شافت هاكا المسجل الصوت
_ريان : شنوة هذا
_اسراء : نعم شنوة هذا فاش تحكي
وخر ريان و قال لسكريتي
_ريان: وصلو مادموازال اسراء قدام الباب و متخليوهاش تدخل
_حاضر سي ريان
_اسراء : دقيقة ، دقيقة ، شنية لحكاية
هيا كركروها بسيف حتى وصلوها لقدام الشركة وقتها عرفت الي هيا سسي ايست .
هزت تلفونها و طلبت المحامي باش يقولها اش تعمل
_اسراء : الو ماتر . صارت حاجة مش في صالحنا
_المحامي : اش فما بنتي
_اسراء : لعبولي لعبة و سرقوني اووف
_المحامي : هذه برسمي حاجة خايبة
_اسراء : اش باش نعمل تو
_ المحامي : تو روحي لداركم ارتاحي و غدوة ايجي نزيدو نحكو
_اسراء : باهي ماتر
***
دخل ريان لبيرو غسان وهو هاز كتفو و في يدو المسجل
_غسان: وين لقيتو
_ريان : تحب نقولك وين لقيتو مالا
_غسان : احكي و يزي بلا كلام فارغ
_ريان : لقيتو في ساك السكريتارة متاعك يا غسان
_غسان : كيفاش
_ ريان : اسأل روحك عاد
قال لكلام هذا و خرج هز غسان التليفون و طلب réception
_غسان : ويني اسراء
_اهيا قدام الباب تحب تدخل اما مخليناهاش
_غسان : خليها تدخل
_ اما ...
_غسان : كلمة وحدة
دخلت اسراء بعد ما خمممت مليح و قالت لازم ترجع شوي علاقتها مع غسان
هي كيف وصلت تقابلت مع ريان قدام لاسونسور
_ريان: اش تعمل انتي هوني
_اسراء : انتي بذات معندكش الحق تتدخل فيا نعرف مليح انو انتي الي حطيتلي المسجل في ساكي باش نخرج من هوني
مشات و خلاتو و دقت الباب و دخلت لقات غسان يستنى فيها بقا ساكت شوي وبعد قالها
_غسان : اي تفضل فسرلي علاش سرقتها
_اسراء : انا مسرقتش
_غسان : اه تحب تقولي الي فما شكون حطها في ساكك و لفقلك التهمة
_اسراء : بظبط .. منعرفش شكون الي عملها اما انا مسرقتهاش
_غسان : و انا لازمني نصدق يعني
تنرفزت اسراء و من غير ماتخمم
_اسراء : اسمعني نقولك سي غسان ، انا مسرقتش
وهاني مانيش باش نستناك تطردني هاني خرجة وحدي
ضربت يدها على طاولة و حطت عينها في عينيه و قاتلو
_اسراء : باش تندم على الكلام هذا .
و خرجت وخلات غسان يدور وحدو وهو مش عارف اش يعمل عاجبتو قوة اسراء اما مش فاهم تصرفاتها المدة لخرة ظاهرة عندها حاجة مخبيتها و خاصة بعدما لقاو المسجل عندها ..
