نهار جديد فاقت اسراء من بكري قاعدة في فرشها الدمعة سالت وحدها تخمم في عرسها الي مخبياتو على أهلها فاقت من سرحانها في الهم على حس التاليفون دوب ما قرات لإسم لقاتو المحامي نقزت جات واقفة وهزت ديراكت _اسراء : الو ماتر صباح الخير جاوبها المحامي و هو يضحك _المحامي : هات لبشارة بننتي بوك ساي باش يخرج _اسراء : تحكي بجدددك يا ربي مش مصدقة أحلى خبر سمعتو ياااااا يعيشك ماتر اما قلي كيفاش صار هاكا _المحامي : فما شكون سلم روحو و محامي الشركة أثبت برائتو اسراء مرتاحتش للوضع اما يفرح _اسراء : يعشك ماتر _المحامي : باهي بنتي خليني نسكر عندي جلسة _اسراء : تو نجي انا _المحامي : لا يا بنتي لازمني نحكي معاه تو نجيبو لدار انتي إتلهى بروحك قبل عندك خدمة لازم تسكرها اسراء معادش عارفة تفرح ولا تبكي تفرح لخروج بوها و لا تبكي لندابة عمرها و مصيبت قلبها هيا مهتمتش و مشات تجري لاختها _اسراء: ايمان قوم قوم ... تي قوم يزي مالدلال _ايمان : تي امان اليوم منقراش خليني راقدة _اسراء : هايا عاد تحب يجي بابا يلقاك مازلت راقدة دوب ما سمعت ايمان لكلام فاقت _ايمان : فاش تحكي ياخي بابا.. _اسراء : اي بابا باش يروح _ايمان : كيفاش صار هاكة _اسراء : عرفو الي هو خاطيه _ايمان : يااااااااا مش مصدقة أنا فرحاااااااانة ملفرحة ايمان قامت تجري غسلت وجهها و دخلت للكوجينة _ايمان : باش نطيب الماكلة الي يحبها بابا _اسراء : اه تفكرت خلي نطلب أمي نخبرها هي هزت التالفون باش تطلب مريم امها و الباب تحل _امها : شنوة هالعياط نسمع فيكم من برة _ايمان : بابا باش يروح امها : تحكي برسمي _اسراء : اي تو طلبني المحامي _امها : يا ....ر..بي ورررررررري كان جاء مش عيب راني زغرطت .. حمد الله يا ربي راني تعبت _اسراء : ايجا ارتاح . الوقت تو 8:55 الشركة كانت عادية لين سمالله لعضيم المانع الستار ماتسمع كان فيسع فيسع وسع وسع اجري سي غسان جا . دخل غسان وهو كل خطوة وراها نار اول ما وصل دخل لاسونسور و طلع البيروه عرضو بيرو اسراء فارغ زاد جن جنونو لين قامت نيروز حلت باب بلا على روحها _نيروز : سي غسان اسراء عندها نهارين مجاتش حبيت نعلمك اذا كان نعملو اللازم باش نعطيوها حسابها غسان مايكونش مالعاكسي و يرجعها شدها من حنكها شوي لا كسرهولها و هاكي الموظفين كل تغزر _غسان : مداموزال اسراء _نيروز : مد...ا.م.وا...زال ...اس.راء سيبها غسان و بعد قالها _غسان: استكفى بروحك و بخدمتك و ماتدخلش في حاجة متخصكش _نيروز : سمحني سي غسان مشا غسان لبيروه و عيط لفهمي مديدة و جاه _فهمي : عيطلي سي غسان صباح الخير غسان قاعد في بيروه و حاط ساقيه فوق الطاولة ساق على ساق و في يدو كورة بلاستيك صغيرة يلعب بيها بين صوابعو _غسان: اش عملت في الي قوتلك عبيه امبارح _فهمي : كل شي مشا كيما تحب سي احمد بالحاج تو حاليا كيف وصل بدار حسب رجالنا الي تبعوه وصلو المحامي متاعو _غسان : كي سبة ما عرضتوش بنتو لعزيزة بعد ضحك ضحكة كلها شر و خباثة و سئل فهمي _غسان : أش قوتلي اساميهم مالا عايلة اسراء _فهمي : اسراء عندها زوز خوات عندها سليم واحد هامل و خامج نهار كامل من ديار لقمار مايخرجش و من بار لبار و اختها ايمان بنية عاقلة و رزينة عمرها 19 سنة و أمها اسمها مريم _غسان : تنجم تخرج . هز غسان التاليفون و في نفس القعدة حط تاليفونو هوت بارلور _غسان : حمد الله على سلامة بوك يا مرتي _اسراء : علاش ناوي _غسان : الله يسامحك في عوض تشكرني عمتلك سوربرييز _اسراء : اش تحب _غسان : نحب نجي نطل على نسيبي _اسراء : رد بالك _غسان : جود قريب يوصل اعرضو في راس النهج _اسراء : اوك لبست حوايجها و خرجت بسرقة أما شافها بوها _احمد : اسراء وين خارجة _اسراء : اه اه ماشية لأليف عندها برشا خدمة قاتلي ايجا عاوني _احمد : متبطاش خرجت تجري خايفة لحد يشوفها ركبت في كرهبة و مشاو هزها غسان او بلأحرى شوفور غسان للقهوة هبطت لقات غسان يستنى و حظر طاولة فيها كل شي تحبو اسراء و فوق الطاولة اوراق _اسراء : علاش جينا لهوني _غسان : اقعد _اسراء : هاني قعدت _غسان : حكيت مع عايلتك _اسراء : اوووووف غسان اوووف هوما هكاكا و هاكي سليمة هدت عليهم لا سالام و لا كلام هدت عليهم _سليمة : اسمعني نقولك رد بالك تجرب تلعب بعقل غسان انبه عليك _اسراء : اسمعني مدام اعرف اش تحكي _سليمة : كيفاش لعبتلو بعقلو _غسان : مانسمحلكش تحكي هاكا مع مرتي تشوكات امو _سليمة : شنوة فاش تحكي _غسان : انا و اسراء كتبنا صداقنا تنرفزت و جها حمار ملقات ماتعمل شدت ناب متاع الطاولة و جبدتو لوطا تكسر كل شي تكلم مروان الي كان مع جداتو _مروان : اوووه شنوة خالي ضربة قاضية هذه _غسان : نقص من حديث و برا اخلط على ممامتك _مروان : دبر على روحك ماشي نسهر مع صحابي يزي ما عيشتوني تراجيديا اليوم _غسان : متاخوش على كلام امي _اسراء : علاش كان امك ما يلزمنيش ناخو رايها _غسان : اسرااااء قام ملكرسي شدها من يدها و بدا الشونتاج _غسان: مازال في يدك نهارين بعد نهارين حفلة العرس باش تصير أما قبل العرس فما حاجات يبزمك تحكيلي عليها في بالي اسراء بدات تتوجع كي العادة اما ما تبينش خلات عينيها مركزة بقوة و سالت _اسراء : سيبني ساعة , اش تحب _غسان : نحبك تحكيلي على حياتك _اسراء : اش تقصد ضرب غسان بيدو على طاولة و طيش هاكو لاوراق الي كانو على طاولة في وجهها _غسان : يظهرلي فهمتي اش نقصد اسراء ، شوف حلت هاكو لاوراق لقاتهم تصاور متاتها هي وريان و جوابات الي كان ريان مخبيهم لقاتهم سيلين اسراء عينها لمعو بالدموع أما ماخلاتهمش يهبطو و قاتلو وفي صوتها رعشة _اسراء : وبعد ... _غسان : شنيا علاقتك بريان ضحكت اسراء من تحت و بعد قالت _اي قبل كنا مع بعضنا نقصد من عامين لتالي نعرف الي ستغربت قص عليها غسان بكل برودة دم _غسان : لا مستغربتش ، خاتر كونت نعرف
_اسراء : تعرفنا على بعضنا في الفاك ، مشا في بالي معاش باش نراه اما اول ما شفتو في شركة ع... _غسان: ماتحكيليش اش صارك ، احكيلي الي بيه الفايدة سكت شوية و تقرب منها اكثر _غسان: احكيلي الي في قلبك _اسراء : ريان نسيتو من نهار الي مشا و خلاني نحا الحب هذاكا و حط في بلاصتو كره تبسم غسان عجبتو الفازة
هذه سليمة مشات لدار اسراء اول ما وصلت بدات تعيف و تنفخ بعد قاللها الشوفور _هو: هذه الدار مادام _سليمة : باهي لبست لينات متاعها و هبط الشوفور حللها الباب و طلعت الدروج و دقت الباب اول ما حلتلها ايمان _ايمان : تفضل _سليمة : بوك هوني ولا امك _ايمان : اي هوني ... بابا يا بابا فما مرا حاشتها بيك خرج احمد باش يشوفها شكون لقاها مضخمة و كلاس علخر عرف الي حكايتها مش عادية _احمد: تفضل شكون سياتك _سليمة : عسلامة سي احمد ، انا سليمة دبارة ام غسان وجهو تقلب و فيسع ما بدا يظهر في الغش على وجهو _احمد : اش تحب _سليمة : يظرلي مش من معقول تخلي بنتك تعرس بولدي حاجة ما تليقش بينا بكل _احمد : باش تاحكي ياخي اما عرس _سليمة : ما تقوليش ما فيبالكش مش معقول بالطبيعة حتى هيا معرسة بالسر تحب على الفلوس وحدة طماعة في ولدي _احمد : أ....ن...أنا _سليمة : متعبش روحك أحكي مع بنتك تسيب ولدي و راهو ماعندهاش بلاصة في دار هاذيكا قالتلو لكلام هذا و هي اش يا ذبانة ما فما في دنيا كان انا تتفشفش خلات الراجل مقهور علاش اسراء بنتو نوراة عينو عملت هكاا و طيحتلو راسو في قاع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
