دقت الباب و دخلت
دق دق دق
_ اسراء : تفضل سي غسان حاجتك بيا .
_غسان : هز الدوسيات هاذوما و أخلط عليا .
_اسراء: سمحني ؟ وين ؟
_ غسان : منحبش شكون يسأل برشا أعمل الي نقولك عليه و اسكت
هزت راسها الفوق و قاتلو بكل ثيقة :
_اسراء : كي تحكي بوضوح تو نولي معاش نسأل يا... سي غسان
ضحك عليها عجبتو الشجاعة متاعها و قال:
_ باش نمشيو نكملو الخدمة في داري غدوة عندنا لإجتماع و لازم نخلطو نخدمو الدوسيات الي في يدك كل .
_اسراء: سمحني منجمش .
_غسان : أما انا مانيش نشاور فيك ، هاني نستنى فيك في كرهبة متبطاش .
بعد ما خرج مشات اسراء للطاولة هزت هاكو الدوسيات بغش و خرجت وهي تمتم
_اسراء : ساقط و نذل زايد
تعدات للبيرو متاعها هزت ساكها وخرجت جبدت تاليفونها تلقاه الوقت يجري جري تو 13:58
خرجت من الباب الي يدور لقات كرهبة و شوفور يستنى حللها الباب ركبت و سكر الباب و مشاو
ثنية كاملة السكات و ما ڨلت الناس هي سارحة في شباك الكرهبة تخمم على صغرها و شبابها و على المصايب الي عندها و هو سارح في زينها و خايف ليطيح في حبها و يكيح بريستيجو خاتر ما عمرو ماحب قبل يعرف لبنات كان في ليالي باش يعدي معاها ليلة و لا في بار باش يسهرو مع بعضهم . وكل طفلة تجيه يغرقها بالفلوس و بعد يرميها أما حتى وحدة ماتنجم تتكلم .
وصلو قدام دار كبيرة ، زمر الشوفور بالكرهبة تحللو باب حديد بلنز كبير أول ماتحل بهتت اسراء و خافت كملت الكرهبة دخلت في ممشى بين الشجرات النخل وبعد وقفت بجنب النافورة هبط الشوفور حل الباب لغسان و بعد تعدى حل للإسراء
و مشا على روحو .
قدم غسان باش يدخل تلفت يلقى اسراء حابسة في بلاصطتها رجعلها و قال
_غسان : فما مشكل ماديموازال اسراء
_اسراء: لا علاش
_ غسان : باهي برشا هيا تفضل يعيشك .
دخلو مع بعضهم أول ما دخلو لقاو العائلة كل في صالة أما المفاجأة إلي ريان لكس إسراء قاعد غادي و يتعشى مع خاطيبتو الي هي في نفس الوقت أخت غسان
دخلت اسراء وراء غسان
_غسان : هاو سي ريان هوني ، تبركالله على هالعايلة كل ملمومة
_سيلين : عسلامة خويا ، شكوني المزيانة الي وراك
_غسان : آه ! هذه إسراء سكريتير متاعي
هز عينو سي ريان لقاها قدامو اسراء ترعب و وجه لخلخ أما إسراء قعدت مصدومة ملي شافتو
كيفاش ريان الي كانت تحبو الي مشا و خلاها منغير مايقوللها حتى شي تو قاعد مع خطيبتو و أخت عدوها
تقدم غسان باش يقول لإسراء تتفضل على الطاولة أما هي مسمعتوش تقرب منها و حط يدو على خصرها و قاللها
_غسان : سفا !
_اسراء : اي سفا
_غسان : ايجا تفضل معانا على طاولة فاطمة (الخادمة) جيب صحن اخر لإسراء
_اسراء : خليني نغسل يدي قبل
_غسان : باهي الفوق على اليمين
مشات اسراء دخلت للسال دو بان و هي مهمشة معادش عارفة اش تعمل
