سليم : وين على خير
طفاتو اسراء و شدت ايمان من يدها و جاو خارجين
_سليم : نكلم فيك
وجا باش يدزها ياخي دزتو اسراء و قاتلو
_اسراء : ابعد من قدامي وهف يلمك
سليم عمل روحو راجل الدار وهو مروح من ديار لقمار و ريحتو تفشفش بالشراب و بدا يعيط
_سيلم : امي ، يا امي. ، اخرج شوف بنتك الهاملة فاش قاعدة تعمل
_اسراء : يزي مالعياط امي راقدة
_سليم: ياخي قلي بالك تسخايلني طرطور هوني انا راجل الدار في غياب بابا
_اسراء : يكب سعد الرجولية كان جات هاكة
_سليم : اسمعني يا طفلة كلمتين تمشي تشد بيتكوخير م...
جن جنونها اسراء كي سمعت لكلام هذا و هيا مش ناقصة هم و مشاكل و طرشقت على خوها تصيح و تعيط
_اسراء : خير مالي شنوة تكلم ، انطق تو ظهرلك باش تولي راجل و رد بالك على عايلتك وينك وقت بابا مشا للحبس بالظلم وينك وقت أمي تمشي من دار لدار باش تجيبك السم متاعك تو عامل فيها صيد بوقلادة و تحكي في خواتك اسمعني نقولك ، وقت إنتي تفندق في الفلوس على القمار أنا نسهر الليالي باش نعيش الدار و اخواتي و تو ابعد من قدامي لنرتكب فيك جريمة
دزتو و خرجت هي و ايمان و سكرت الباب بقوة
_سليم : سمعتها مريم و باقي ساكتة
امهم قاعدة قدام باب بيتها
_مريم : علاش بالك تكذب عليك هيا
_سليم : انا الي غالط الي جاي لدار الحرفة هذه
اقعدو فيها هز جاكيتو و طرشق الباب وراه
_مريم : أه يا احمد .. يا عشير عمري لشكون خليتني .
هيا نرجعو لإسراء الي وصلت ايمان قدام باب دار صحبتها
_اسراء : تفرهد و متتخمم في شي ورس اختي تو تتحل
_ايمان : رد بالك اختي
_اسراء : متخافش عليا ايجا عندي
عنقت اختها اسراء متعلقة بأختها علخر خاتر ديما هما زوز المظلومين في دار بالرغم الي امهم تحبهم اما عندها مويول لسليم اكثر .
هيا مشات اسراء شوي عيطلها ايمان
_ايمان : اسراااء ، اش باش نعمل منغيرك
_اسراء : ماكش باش تكون من غيري هيا ادخلي
قعدت تعس على اختها حتى لين دخلت لدار فريال صحبتها
مشات شوي على ساقيها و بعد خذات تاكسي لقاتها قدامها .ركبت و مشات ديراكسيون قولد
هزت التاليفون و طلبت بسام هذا كيما قولنا موظف و كيما مساعد لشركة يعرف كل كبيرة و صغيرة عليها .
_اسراء : عسلامة بسام
_بسام : اهلا اسراء اش حالك
_اسراء : cv merci
_بسام : هاكي الفايدة
_اسراء : يعيشك ، اسمعني نحب نقولك
_بسام : تفضل
_اسراء : في شركة انت
_بسام : اي فما حاحة تحب نعاونك فيها .
_اسراء : بربي سي غسان غادي
_بسام : (بعد ما ضحك ) سي غسان شكون خلط عليه عندو من امس فليل ريحتو مفماش انا فهمي قال باش يرجع غدوة اما سي ريان موجود ، علاش انتي تحب حاجة
_اسراء : لا لا شيء كان نسأل هاني جاية ديجا
_بسام : باهي هاني نستنى توحشناك
_اسراء : لا يوريك ما يوحشك
علقت اسراء من بسام طلبت نيروز
هيا بيدها متحباش لمرا هاكي ظاهرة خبيثة
_نيروز : الو تفضل
_اسراء : حضرلي الدوسيات هاني جاية
_ نيروز : تحبش حاجة اخرى يالة
_اسراء : لا يعطيك الصحة
وعلقت عليها
وصلت لقدام الشركة اما هية مش منتبهة تلفتلها التاكسيستي
_هو : اختي و صلنا
_اسراء : اه سمحني خويا ، هيا تفضل فلوسك، خلي الباقي عندك
هبطت من التاكسي وقفت قدام الشركة متوترتش برشا المرة هذه خاطر غسان مش غادي أما متعرفش الي سيلين غادي و تبع فيها
