اسراء تكره غسان كيف يبدا كابس و ضاربها في روحو حاصيلو بقات ساكتة و هي تخمم كيفاش باش تدخل للبيرو غسان عاد تفكرت نسخت الدوسي
_اسراء: آه سي غسان ، الدوسي هذا نحطهولك فوق بيروك
_غسان : لا دوسي هاكا تهزو لسي ريان
_اسراء : سمحني منجمش سي غسان شوف شكون غيري
دارت باش تخرج ياخي جبدها . حط عينيه في عينيها و قربها ليه و تكلم في وجهها..
- غسان: مانيش نشاور فيك أنا نأمر فيك... أنت سكريتير متاعي و كي نعطيك خدمة من واجبك تنفذها ..
سكتت اسراء و بعلت ريقها بعد تشجعت و غزرتلو و قاتلو
_اسراء: وانا بصيفتي سكريترتك مانيش ماشية عيط لسكريتر متاع ريان تجي تاخذو و خرجت تجري خلات وراها كان ريحتها الي داخ فيها غسان
حلت اسراء الباب جات هي و سيلين صداف ارداف ڨحرتلها على جنب و بعد تبسمت و خرجت باين الغش على وجه اسراء
_سيلين : اش صار شبيها اسراء
_غسان : شبيها
_سيلين : خويا إنت تسكت لطفلة و تخليها تهز صوتها عليك و تجيبها لدار و تعرفها على العائلة
_غسان : سيلين الطفلة مساعدتي و كهو متبداش تألف ، قولي اش جاية تعمل هوني
_سيلين : جاية لخطيبي
_غسان : باهي أقنعو باش تجو لعشية مع 8 للقهوة الوتيل ***
_سيلين : علاش
_غسان : أعمل لنقولك عليه و اسكت
سلمت على خوها و مشات تجري لريان الطفل موش حاملها كان على خاطر غسان يهدد فيه انو كان مايعرسش بسيلين باش يدخل أمو للحبس بتهمة شيكات .
_سيلين : عسلامة حبي
_ريان : يسلمك ادخل
_سيلين : أشنو جديد
_ريان : هاك تشوف خدمة كل يوم و زيد طالعولي بحكاية التصميم جديد
_سيلين : اه ! متاع اسراء ، لحق محلاها هاك طفلة و مزينها ههههه تعرف حتى غسان يظهرلي طاح على راسو
سمع ريان لكلام هذا عينيه تقلبت و هكاا العرووق متع رقبتوو تكبست و قال :
_ريان: أخطاني منهم و من مشاكلهم ما نيش ناقص
_سيلين : شبيك ريان قولت حاجة غششتك
_ريان : لا لا نحب نقعد و حدي نجمو نحكو بعد
_سيلين : اي اما مع 8 نحبك تجي معاي
_ريان : وين
_سيلين: للقهوة لاوتيل *** نسهرو شوية ومنها تتفرهد
_ريان : أما ...سمحني منجمش
_سيلين : هيا عاد منحبش نمشي و حدي
تنهد و هو معينوش اما مجبور
_ريان : باهي تفاهمنا
تقربت سيلين منو و باستو و خرخت
***
خرجت اسراء للبلكون باش تشم شوية هواى و ترجع قوتها من جديد ليين سمعت حس خطوات و راها عرفتو غسان ماتلفتتش و راها و قعدت ساكتة و بقاو هكاا قرابة 5 دقائق حتى لين تكلم
_غسان : معجبتنيش فازتك قبيلة شوي
_اسراء : تفضل سي غسان فاش نجم نعاونك
_غسان : نحبك تركز في خدمتك و فازات هذه منحباهاش تتعاود سمعتني
دارتلو اسراء و رشقت عينها في عينو و بقت ساكتة شوي و بعد قاتلو :
_ اسراء : كي تخليني نخدم براحتي تو نخدم
قالتلو هالكلمتين و مشات و خلاتو هزت ساكها و خرجت
شاف غسان لمنقالتو لقاها 11:22 خرج من الشركة و ركب في كارهبتو
_غسان : باش نمشيو لريستو **
الشوفور : الله يبارك تفضل
أول ما وصل للمطعم جاه السارفور
_عسلامة سي غسان مرحبا بيك
_غسان : جيبلي حوت اليوم و معاهم كي عادة مشروبي المفضل يا صغيري
_حاضر سي غسان
بعد ما مشا السارفور بشوي جات مرا اخرى جبدت الكرسي و قعدت مع غسان ڨحرلها غسان اما قالتلو
_هي : نستناك اليوم في hôtel ***
_غسان : منجمش اليوم عندي موعد
_هي : و موعد ميتأجلش
_غسان : قوتلك عندي خدمة متفهمش قوم تحرك من قدامي
جات باش تقوم ياخي شدها من يدها و قربها منو و وشوشلها في وذنها
_غسان : الليلة 10 نلقاك في اوتيل رد بالك توخر
