مسحت دموعها و دخلت لدار الحس بايت كاينو مافما حد دخلت لصالة لقات كان امها تصلي خرجت بشوية و مشات البيتها غزرت للمنقالة مقابلة الباب لقاتها 8:45 طيشت ساكها فوق الفرش و حلت خزانتها هزت حوايج الدار لبستهم و مشطت شعرها و جات و قعدت فوق الفرشها قريب ساعة وهي كان نفس يطلع و يهبط تخمم في ريان و بوها في نفس الوقت .
بعد طبست جبدت من تحت الفرش صندوق صغير مسكر ب🔒 كانت حاطة فيه كل شي يخصها هي و ريان تصاور و الكادوات و حتى من كوبليات الي كان ريان يحطهملها بالسر و يهرب أيامات الجامعة
من بيناتهم كورة الثلج الي 🔮 حلتها فيها موسيقى و قعد تسمع فيها و تبكي وحاطة يدها على فمها باش ما تعملش الحس .و قعدت هكاكا لين هزها النوم .
حلت عينيها على صوت حس في كلوار غزرت للوقت تلقاها 7h...قامت تجري دوشت و لبست جووب أكحل موش قصير ياسر و تووب أبيض و فاست دجين و سبادري أبيض حلت شعرها و عملت شوياا مكياج و هزت ساكها و خرجت
_امها : صباح الخير بنتي هيا ايجي لفطور حاضر
_اسراء: صباح الخير ، لا أمي صحة معينيش
_امها : شبيك انتي هالأيامات معادش تاكل أمورك مش عاجبنتي اش فما بنتي
_اسراء : لا حتى شي انا لازمني نمشي
_امها : ستنى كيفاش حتى شيء و عينيك شبيهم حمر
_اسراء : امي قوتلك مفما شي توحشت بابا
باست امها و خرجت تجري و مشات تدب على سقيها للين وصلت لبلاصة العادة على البحر خذات نفس بالقوي
و بعد شافت للوقت لقاتها 7:23
غمضت عينها تنفست خذات شهيق و زفير
و مشات وقفت تاكسي
_اسراء : شركة ڨولد يعيشك
حاصيلو
وصل قبلها غسان تعدى لبيروها لقاه فارغ مشا لمدام نيروز باش يسألها
_غسان: ياخي سكريتيرة متاعي مزالت ماجاتش
_نيروز : اه نقصد اسراء
_غسان (بنبزة) : مادموزال اسراء
_نيروز( بعدما وقفت ): لا مزال موصلتش سي غسان
_غسان: اول ما توصل قلها تجيني
_نيروز : حاضر سي غسان
_غسان : قولهم يجيبولي قهوة .
اول ما وصلت اسراء لشركة دخلت وهي تصبح على الي يعرضها وهي جات داخلة للبيرو و نيروز نادتها وهي متحملهاش خاتر هي تحب على غسان اما هو مش معبرها .
_نيروز : اسراء
_اسراء : تفضل
_نيروز : سي غسان حاجتو بيك في بيروه
_اسراء (تمتم ) : لطف عاصباح و رباح ، باهي تو نمشيلو
وكملت داخلت لبيروها ياخي وقفتها نيروز
_نيروز : امشيلو تو قتلك قالي دوب ماتوصل تجيني
اسراء حطت يدها على رقبتها فازة ديما تعمل فيها باش تهدي روحها و تقربت من نيروز و كان هاكا الطالون حسو عمل ضجة
_اسراء : ماني قوتلك باهي يعني باهي ولا مينجمش يصبر عرفك .
مشت و خلتها ودخلت لبيروها
***
حطت ساكها في بيروها و تعادات لبيرو سي طابلة دقت الباب و دخلت اول ما دخلت لقات غسان يترشف في قهوة و حاط ساق على ساق و كلمة لا و قفت اسراء زادة حتى هيا و سكتت كمل شرب رشفة من قهوتو و تلكم :
_غسان : نستنى فيك
_اسراء : علاش
ضرب يدو على الطاولة شطر القهوة تبزعت و يعيط :
_غسان: لتو عندك نص ساعة روتار و تزيد تسأل من فوق
حاولت تمالك في اعصابها و جاوبتو بلكل برودة دم ؛
_اسراء : عندك الحق تليزت سمحني معاش تتعاود
_غسان : فما اجتماع مع 9:11 انتي باش تكون حاضرة و باش تقيد كل صغيرة و كبيرة سمعتني
_اسراء: d'accord
خرجت وهي تتنفض مش عاجبها شي دخلت لبيروها شافت الوقت لقاتها 8:34 طلبت قهوة وحلت الدوسيات و حضرت اوراقها كل و الي تستحقو كل ايا فيسع ما تعدى الوقت هيا هكاكا و دخل غسان عليها حل الباب بالقوي مالفجعة النفس تقطع عليها .
_غسان: تفجعت؟
_اسراء : تفضل حاجتك بحاجة
ضحك غسان خاتر اسراء رجعت لعنادها
_غسان: هيا تبعني جماعة يستناو فينا
_اسراء : تفضل
هيا دخل غسان و وراه اسراء كانو في اجتماع حاضرين لعباد كل من بينهم ريان هيا دخلو اول حاجة عملها غسان جبد مسجل صوت و حلو و بداو لإجتماع و اسراء تقيد في كل راي باقي ريان عينيه مرشوقة كان في اسراء و سعات يعمل طلة على جماعة باش مايشلقش هيا كمل هاكا الإجتماع هزت اسراء ساكها و خلاتو محلول غسان بقا يحكي مع مدير لإعلانات و هاكا ريان هز هاكا مسجل الصوت و رماه في ساك اسراء من غير ما تفيق ..
و خرج على روحو .
