اسراء قعدتت تخمم اش باش تعمل اش باش تعمل قبل ما يوصلو بشوي جبدت تليفونها بسرقة و بعث location لريان و مكتب. وراها حتى شي
وصلو لدار في خلا هي مزيانة تهبل اما الشي و الفراغ الي داير بيها تخوف تحلو بيبان الكرهبة هبط غسان و تعدى حل الباب لإسراء بيديه و مدلها يدها باش تهبط من الكرهبة العالية طفتو و هبطت و حدها المرة لولا خايفة أما بعد عرفت الي اكيد ريان باش يجي و ينقذها
خذات نفس قوي و بعد رسمت تبسيمة خفيفة و مشات لبحذا غسان وقاتلو
_ اسراء : اي هاني جيت معاك و بعد
تقرب منها غسان عاجبتو الشجاعتها و تغلبها على خوف برغم الي يعرف الي هيا خايفة
_غسان : ايجا ندخلو برد عليك هوني
_اسراء : نبقى في برد احسن يا سي غسان
زاد تقرب منها و مسح بيدو على خصلات شعرها و اسراء وخرت شوي و هبطتلو يدو بكره وهي تڨحر
_غسان: ماليوم نحبك تعيطلي غسان
_اسراء : الحجات هذه تصير وحدها ما يتطلبوش
قالتلو الكلمتين هذو و دخلت لداخل اول ما تدخلت الضوء. شعل وحدو فما كولوار طويل و في أخر الكولوار شافت ورقة معلقة على الباب تقدمت اسراء وهي تحسب في خطواتها و مغمضة عينيها و تتخيل في ريان باش يجي ينقذها من وحش هذا حلت عينها لقات روحها قدام الباب
هزت الورقة لقاتها مكتوب عليها
"غمض عينيك و تبسم "
شدت الورقة كمشتها في يدها و تلفتت وراها باش تشوف غسان أما مالقاتوش خاترو دخل من باب الوراني
حطت ايدها على الباب و حلتو لقات قدامها كل شي منظم خيوط من سقف بالورد الأحمر طاولة مفروشة بناب حرير أحمر فوقها بوكي ورد و دبوزة شومباني مغطسة في ثلج و شمع و ماكلة مضخمة و شوميني تشعل و بجنبها كرسي لوح هزاز عليها صندوق
مشت تجري لهاكا صندوق حلتو لقات فوق منو ورقة
"متأكد الي باش تخرج عليك "
لقاتها روبة حمراء قصيرة شدتها بيديها و مالغش رماتها في هاكي شوميني هيا هكاكا و غسان دخل
_غسان : لا عاد متقوليش ماعجبتكش السوربريز
_اسراء: وين تحب توصل
_غسان : انا
_اسراء : غسان اسمعن....
قص عليها غسان بشهقة مستفزة
_غسان : يا روح غسان شوفت كيفاش مسهلها منغير مقدمات
_اسراء : اش تحب مني
_غسان : ايجا اقعد ساعة و بعد تو تفهم كل شي
_اسراء : اي باش نفهم
شدها غسان من يدها و بدا يتقرب منها لصقها على حيط وهي معدش تنجم تعمل حتى شي حست بنفس متاعو سخون في رقبتها غمضت عينيها هيا هكاك و غسان حصرها بيديه و هو يتكلم
_غسان: كل شي في وقتو باهي تو تفهم
غسان جا باش يبوسها قربلها علخر و تليفونو سونا طلع فهمي ظاهرة الي هو مساج واتساب
