اسراء تصدمت كانتلها صدمة حياتها مهياش عارفة اش تعمل كان عرست باش تقتل روحها و كان ماوفقتش باش تخسر بوها هي مازالت تخمم هكاك و غسان يجبدلها ورقة _غسان : هذا الي تلوج عليه ، براءة بوك عندي بكلمة مني يخرج مالصباح سكت شوي و تقرب لإسراء و شوشلها في وذنها _غسان : وكلمة مني يموت _اسراء : الله لا تربحك يا مجرم ، علاش ياخي انا اش عمتلك وهي تصيح و تعيط و تبكي فرد وقت بغصة غسان : حبيتك ! اي حبيتك متفهمش علاش تكرهني لهدرجة ياخي _اسراء : ياخي هكا الحب عندك بالقتل و الخطف دزت غسان و جات خارجة وقت لي وصلت قدام الباب شافت كرهبة وقفت قدام الدار .وقفها غسان على كلامو _غسان : العدول وصل عندك حلين يا تبقى و توافق تولي مرتي مقابل يخرج بوك ، يا تخرج من هنا و تخسر بوك في جرتك ، خير و اختار هاني على الطاولة . دخل هاكا العدول معاه زوز شهود و اسراء واقفة هدات شوي من الصياح قعدو كل على الطاولة شاف غسان اسراء الي ماخرجتش عرف الي هيا موافقة تقرب منها و جا باش يحكي ياخي قصت عليه _اسراء : نحبك توعدني ، نحبك توعدني الي متحطش عليا يدك و عرس هذا باش يكون على الورق _غسان : نوعدك قبل ما يجي نهار و تبادلني الحب هذا منحطش يدي عليك شدها من يدها و قعدو على الطاولة و كتبو صداقهم .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسراء بالحاج تقبل بغسان دبارة زوج لك ومن غير ضغوطات سكتت اسراء كان نفسها الي طالع هابط شادها غسان من يدها ياخي هربتها بالقوي و قالت _اسراء : نقبل غسان دبارة تقبل بإسراء بالحاج زوجة ليك و من غير ضغوطات _غسان : نقبل وانتوما يا شهود تشهدو على عرسهم _نشهدو ألف مبروك ، كتبو الصداق بالسر و حتى حد ما في بالو خرجو العدول و الشهود روحو تقدم غسان لإسراء بشوية و حط يدو على ضهرها تقفزت اسراء وبعدت ديراكت عاود مسها _غسان: ايجا يا مرتي ناكلو اكيد راك جوعت _اسراء : بعمري ماني باش نكون مرتك يا مجرم هاني عرست بيك ، هاني عملت الي حبيت عليه هيا اوفي بوعدك . تقدم غسان و هو يستفز في اسراء بعد ما لعب عليها و كذب : _غسان: قوتلك قبل و نزيد نقول ، كل شي يجي في وقتك يا مريتي . دوب ما سمعت اسراء كلامو عرفت الي هو خدم عليها مخو و لعبلها اللعبة باش يعرسو رجعت و قفت مسحت دموعها و خزرتلو بكل كره : _اسراء : عمري ما شفت واحد مسخ و مجرم كيفك وخرجت تجري مالدار على ساقيها خلط عليها غسان يجري مخلاهاش تمشي وحدها عقاب الليل _غسان: استنى _اسراء : رد بالك تقربني تسمع فيا ،رد بالك _غسان : اسراء يزي مالعناد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
