زواج اجباري

الحلقة 6

قامت بعد غسلت وجهها و بدلت حوايجها و لبست البيجاما متاعها و مشطت شعرها و عملتو كعكة و حلت ال PC و بدات تخدم
مع 02:54 كملت غزرت للوقت لقاتو معاش بكري لمت ادواتها و طفت الضو و رقدت و عمرت التليفونها مع 7:30 باش تنجم تحضر للإجتماع مع 10:00  
⏰تن تن تن "⏰
حلت عينيها على ريفاي لقاتها سبعة و نص حكت عينيها الي منفخين من كثر السهر فاقت دخلت لسال دو بان غسلت وجها و سنيها و خرجت لبست روبا صفرا و حلت شعرها و خرجت فطرت مع عائلتها و بعد مشات على اساس للخدمة
خذات تاكسي و مشات للحبس باش تقابل بوها
_اسراء : بابا توحشتك
بعد ما عنقتو
_بوها: بنتي اسراء توحشتك انا زادة يا عيوني
_اسراء : تحمل تو نلقى حل و نخرجك نوعدك
_بوها : بنتي هذم ناس ما يخافوش ربي رد بالك تدخل معاهم راهم قويين عليك
_اسراء : أما أنا منخاف من حد و متخافش عليا نحبك ديما راضي عليا بابا
_بوها: راضي عليك بنتي ، نعرفك صنديدة
وقت الزيارة وفا خرجت اسراء من الحبس و دموعها على خدها شافت الوقت لقاتها 9:34
مسحت دموعها و خرجت تجري خذات تاكسي باش ماتوخرش على الإجتماع
و أول ما وصلت طلعت تجري للبيرو غسان
_غسان : وينك لتو اسراء من النهار لول روتار
_اسراء : تعطلت في سوركيلاسيون تفضل كملت الدوسيات متاع البارح .
_غسان : تو تتحاسب امبعد على الغلطة الي عملتها
_اسراء: حاضر سي غسان
_غسان : اخلط عليا
_اسراء : وين
مشا خطوتين و رجع قدامها غزرلها و سكت...و هي تمهمشت بغزرتوو و تهرب في عينيها .تحب تخرج من قدامو أماا خايفة.
_غسان : يلزمنا نلقاو حل للأسئلة متاعك
حاصيلو مشاو دخلو للإجتماع و ريان كان موجود غادي و هو مش عاجبو التقرب متاع اسراء و غسان
_اسراء : هذا الي قدامكم تصاميم جديدة حبيت تكون حاجة جديدة و مفماش منها في سوق
_ريان : أما التصاميم هذه صعيبة و نادرة قليل باش يتفاعل معاها
_اسراء : النساء اليوم يحبو كل حاجة جديدة و زيد  حسب تصاميم الي خدمت عليهم لمرا كي تمشي تحس روحا مرتاحة
_ريان : حاجة صعيبة إن...
_غسان : فكرتك حلوة برشا مادموزال إسراء ، و يظهرلي كل موافقين عليها نحب نعرف كان سي ريان علاش مش عاجبتو
_ريان : باش نخسرو هاني قولتلكم
_اسراء: نتحمل كل مسؤولتي
_غسان: الإجتماع وفا تنجمو تتفضلو
خرجت اسراء وهي تتنفس بسيف ماعادش تنجم تتنفس مشات طلعت لسطح و قعدت تبكي و بعد مسحت دموها و هبطت لبيروها اول ما وصلت حلت الباب لقات غسان قدامها يستنى فيها
_غسان : عجبتني شجاعتك في أول لإجتماع ليك
كيفاش خليت مجلس لادارة كل مقتنعين
_اسراء : أما ريان متقنعش
_غسان : تو يقتنع