وصلت لقدام دار قديمة شوية دخلت طلعت الدروج ماشية للمحامي
_اسراء : عسلامة ماتر
_المحامي : عسلامة بنتي تفضل
_اسراء : اش فما جديد في القاضية
_المحامي : بنتي بوك باش ياقف قدام المحكمة و باش يتحكم عليه على اقل حاجة 15 سنة
_اسراء : شنوة (وقامت مفجوعة )
وقف معها المحامي و قعدها باش يفسرها اش صار واش يلزم تعمل .
_المحامي : بنتي بوك قبل كان يخدم عند غسان شوفور مش هاكا يعني وفي نهار هذاكا قولت بوك سليم ممشاش للخدمة أما مفماش حاجة تثبت الي هو غايب و الشخص الي ساق الكرهبة هو الي قتل الطفلة .وهذا كل مفاما حتى حاجة تثبت الي بوك برئ
_اسراء: صحيح ، نهارتها ممشاش يخدم ، أما مشا لطبيب و تعدى للشركة باش يعتيهم السرديفكا .
_المحامي : متأكدة يا بنتي الي مشا للشركة
_اسراء : اي متأكدة .
_المحامي : مالا لازمك تلقا الفديو متاع الكاميرا هذا ...
_اسراء : هذا شنوة
_المحامي : هذا كان مفسخوهمش
_ اسراء : دخلت باش نخدم في شركة انا بإسم مزور أما هاكا الكلب مش مخليلي فرصة
_المحامي : رد بالك اللعبة هذه مش ساهلة ،
أما يلزمك تحاول على خاطر بوك .
_اسراء: غسان نهار طول عينيه عليا و أنا مجبورة نمشي معاه يلزمي نخليه ياثق فيا
_المحامي : بنتي أعمل الي يلزمو يتعمل أما رد بالك نعرفك تنجم .
قامت اسراء سلمت عليه و خرجت وهي تخمم و معادش عارفة اش باش تعمل و كيفاش باش تخرج من هاكي الدوامة.
وصلت للحومة عرضتها أليف كلمتها أما مرددتش عليها خاترها سارحة و هي تكركر في ساقيها بهاكا الطالون خلطت تجري وراها اليف و وقفتها
_اليف : اسراء شبيك عندي ساعة نادي اش فما اش صار
اسراء قعدت تخزرلها و فيسع ما هبطت الدمعتها سخونة على خدها و عنقتها و بدات تبكي بشهقة حتى طاحت في قاع و أليف تعنق فيها و تهدي
_اليف : ياروحي قلي اش صار اش عملك
_اسراء: تعبت يا أليف معاش نجم ، قلبي يوجع فيا (ومنجمتش تكمل تحكي من كثر لبكاء )
_اليف : يا روحي عندك الحق هيا ايجى تو كل شي يوفى معاد مامزال .🥺
_ اسراء : لازي حكاية بابا زاد ظهرلي ريان اوووف
😭😭
_اليف : معادش تخمم فيه هذاكا اخطاك منو متعبروش .
