DAYO: Sa Lalim Ng Aking Pagsuyo

RP 14

•~

Ikaw ang nobelang ayokong wakasan,
Ikaw ang kantang paulit-ulit kong papakinggan.
Ikaw ang istoryang ayoko munang basahin,
Ikaw ang tulang ayoko pang tapusin.

Sapagkat katumbas ng nobelang magwawakas,
Ay isa na namang kwento at tauhan ang aking ilalabas.
Kanta ma'y paulit-ulit,
ay hindi ako magsasawa.
Istoryang kahit nais ko pang basahin, sa ngayon ay hindi ko pa magagawa.

Dahil natatakot ako, na sa oras na matapos ang tulang aking ilalathala para sayo...
Ay matatapos din at lilipas ang oras sa ating dalawa.

Kaya mas pipiliin kong hawakan ang iyong kamay, habang nakatingin sa papalubog na araw.
Nais ko pang masilayan ang iyong ngiti, mahal.
Sana'y 'wag kang bibitaw.

CM || Lelang