DAYO: Sa Lalim Ng Aking Pagsuyo

PAGTATAKSIL

PAGTATAKSIL
(Modern-12 pantig)

Ilang buwan at taon ang nakalipas,
Sa aki'y malinaw pa at di kumupas.
Mga masayang panahon ay lumipas,
Di ko akalaing lahat magwawakas.

Mga oras at panahong sinayang ko,
Kapiling ka akala ko ayos ako.
Ngunit di ko akalaing ako'y bigo,
Nagtiwala sa pekeng pagmamahal mo.

Akala ko ikakasaya ko lahat,
Akala ko di na matatapos lahat.
Akala ko tatagal ang lahat-lahat,
Akala ko kaya mong tuparin lahat.

Ngunit lahat ng iyon ay akala ko,
Inakalang lahat ay magagawa mo.
Inakalang lahat ay tutuparin mo,
Ngunit lahat ng pangako mo'y napako.

Ngunit kahit ganon ay salamat sayo,
Salamat sa lahat ng pekeng bigay mo.
Salamat sa ginawang pagtataksil mo,
Sapagkat ngayon ay masaya na ako.

_________
© Itsmeesnoopyy

A/N:

Project lang talaga na'min 'to sa Filipino subject na'min nung Grade 10 ako, eh. 🤣

Poem rin naman kasi siya kaya nilagay ko na. 🥴

Ps: Di po ako broken nung mga time na yan. Sadyang mabilis lang mag-function ang mga juices ko kapag about sa mga ganyan ang genre ng poem. 😩