🥀SHAPE of LOVE🥀 ( 𝑃𝐽𝑀 𝑓𝑖𝑐𝑡𝑖𝑜𝑛 )𝙲𝙾𝙼𝙿𝙻𝙴𝚃𝙴𝙳✔

🥀14

පහුවදා උදේ ටේහී ඇහැරෙනකොට හිටියේ ජිමින් ගේ අත් අතරේ.... ජිමින් ආපහු ආපු වෙලාවක මතකයක් ටේහීට තිබුනේ නෑ... ඒත් ටේහීගේ ඉනවටේ ජිමින් ගේ අතක් පැටලිලා තිබුනා....
තද නින්දක හිටපු ජිමින් දිහා ඇහිපිය නොහෙලා මොහොතක් බලාගෙන හිටපු ටේහීට කලින් දවසේ සිද්ධ වුන දේවල් ආපහු මතක් වුනා.... හිතේ දෙගිඩියාවක් තිබුනත් ඒ මොහොතේ කලබලේට හිත රිදව ගත්තත් ටේහීට මේ වෙලාවේ ඒ ගැන හිතන්න ඕන වුනේ නෑ.....
මූන පුරා ඉහිරිලා තිබුන අකීකරු කොන්ඩේ, උල් වෙලා තිබුන තොල් ,පියවිලා තියෙන ඇස්, ඉනවටේ ආරක්ෂාකාරීව පැටලිලා තියන අත, කම්මුලට දැනෙන උනුසුම් හුස්ම එක්ක ටේහීට ඕන කලේ නෑ තව දුරටත් හිත රිදවන දේවල් ගැන හිතන්න....
පුංචි උනුසුමකට, ආරක්ෂාකාරී හැගීමකට, එක පුංචි වචනෙකෙට ගැහැණු හැමදාමත් දුක් කන්දක් අමතක කරලා හිත හදාගත්තා... ටේහීත් සුපුරුදු ගැහැණු ගතියට පෙරදවසේ හැමදේම අමතක කරලා හිනාවුනා.......

නිදාගන්න කොට පරක්කු වෙලා තිබුන නිසාම ටේහී ඇහැරෙනකොට වෙලාව දවල් දොලහා පහුවෙලා තිබුනා....එහෙමම දවල් කෑම අරගෙන හවස් වරුවේ බීච් එකේ ඇවිදලා ඩිනර් එකත් එලියෙන් අරගෙන ටේහී ජිමින් එක්ක ආපහු එයාලා නැවතිලා හිටපු රූම් එකට එනකොට වෙලාව රෑ අටට ලං වෙලා තිබුනා.....

ආපු ගමන් ම ටේහී වොෂ්අප් වෙලා රූම් එකට එද්දී බැල්කනී එකේ හිටපු ජිමින් හිටියේ කෝල් එකක... ජිමින් ටත් එක්ක කොෆි එකක් ලෑස්ති කරපු ටේහී ජිමින් එනකම් බලාගෙන හිටියත් පැය බාගයක් තිස්සේ ජිමින් ගේ කෝල් එක ඉවරවෙන පාටක් තිබුනේ නෑ....

බලාගෙන ඉදලා අන්තිමට ටේහී බැල්කනි එකට ඕපන් වෙන දොර ඇරලා ජිමින් ට කථා කලා....ටේහී කථා කරනවත් එක්කම කෝල් එක කට් කරපු ජිමින් රූම් එක ඇතුලට ආවා.... වොෂ් කරගෙන ආපහු ආපු ජිමින් සෝෆා එකෙන් වාඩි වෙලා ලැප් එක අතට අරගන්න කොට ටේහී අලුත් කොෆි එකක් ජිමින් ලගින් තිබ්බා....

"නිදාගන්න ටේහී!! මට මේල්ස් ටිකක් චෙක් කරලා රිප්ලයි කරන්න තියනවා!!"

ඇස් උස්සලා ටේහී දිහා බලලා කියපු ජිමින් ආපහු ලැප් එකට අවදානේ දෙද්දී හුස්මක් අතෑරපු ටේහී නිදාගන්න ලෑස්ති වුනා.....
තේරුම් ගන්න බැරි වෙනසක් ජිමින්ගේ හැසිරීමේ තිබුනත් ටේහී ට ඕන වුනේ නෑ අනවශ්‍ය ප්‍රශ්න ඇති කරලා කාවවත් කලබල කරන්න...ඒ නිසාම ටේහී තීරණය කලා ටික දවසක් ඉවසීමෙන් බලාගෙන ඉන්න....