Run to (you) (U&Z)

RT(Y)-22 (U&Z)

(Unicode)

အိတ်အတွက် Pre-order တွေ ရောင်းအားတက်သဖြင့် ရှောင်းကျန့်တို့ ပျော်နေကြသည်။

*ကဲ...အခုတော့ စက်ရုံက ဖြန့်ဖြူးနိုင်အောင်...များများ ထုတ်ပေးဖို့ပဲ လိုတော့တယ်...

ဝမ်ရိပေါ်က ရှောင်းကျန့်ကို ကြည့်ကာ ပြောလိုက်သည်။ ကျန်လူများကလည်း စိတ်အားထက်သန်စွာ ရှိနေလေသည်။

*ဒါဆို စက်ရုံကို ကျွန်တော်နဲ့ ထိုက်ယုံ ထပ် သွားပြီး...ညှိနှိုင်းလိုက်ပါမယ် CEO...

ရှောင်းကျန့်က ထိုက်ယုံကို လှမ်းကြည့်ကာ ပြောလိုက်သည်။

*ဒီတခေါက်တော့...ကျွန်တော်နဲ့ အတွင်းရေးမှူးရှောင်းပဲ သွားရအောင်...
ထိုက်ယုံ...မင်း ဆွဲနေတဲ့ မိုးကာသား ဝတ်စုံတွေကို...မြန်မြန် လက်စသတ်ပေးပါ...ငါ final design ကြည့်ချင်တယ်...

*ဟုတ်ကဲ့ပါ CEO...

ထိုက်ယုံက ဝမ်ရိပေါ် စကားကို ခေါင်းငြိမ့်လိုက်သည်။

*ဒါဆို ကျွန်တော်ပါ လိုက်ခဲ့မယ် CEO...စျေးနှုန်း ညှိဖို့အတွက်...

လျန်ရှန့်ပေါ်က သွက်လက်စွာ ပြောလိုက်သည်။

*ချင်းချင်းလည်း လိုက်မယ်နော် ကိုကိုလျန်လေး...

*ဟာ...ဘာလုပ်ဖို့ လိုက်မှာလဲ...နေခဲ့...

လျန်ရှန့်ပေါ်က ငြင်းဆန်လိုက်သည်။ ဝမ်ရိပေါ်က ဖွဖွရယ်လေသည်။

*မင်းတို့ကိုပါ ခေါ်နေရင်...ဒီမှာ ဘယ်သူက တာဝန်ခံ​​ပေးမလဲ...နေခဲ့ကျ...ဒီလောက် စျေးကိုတော့ ငါ ညှိနိုင်ပါတယ်...မလိုပါဘူး...
ရှောင်း...နေ့လည်စာ မစားခင်သွားမယ်...အပြင်မှာပဲ စားလိုက်ကြတာပေါ့...ညနေ သင်တန်း မရှိဘူး မဟုတ်လား...

*ဟုတ်...မရှိပါဘူး CEO...

ရှောင်းကျန့် ခေါင်းငြိမ့်လိုက်သည်။

*ဒါဆို မနက်ဖြန် ပိတ်ရက်ဆိုတော့...အတွင်း​ရေးမှူးရှောင်းက အေးဆေးပေါ့...

*ဒါပေါ့...

ထိုက်ယုံ စကားကို ရှောင်းကျန့်က လက်မ ထောင်ပြလိုက်​ေလသည်။

✏ ✏✏ ✏✏✏

ကားမောင်းနေတဲ့ ဝမ်ရိပေါ်ကို နံဘေးမှ ထိုင်ရင်း ရှောင်းကျန့် ငေးနေမိသည်။ အရင်ကလို အလုပ်ကို စိတ်မဝင်စားတဲ့ ပေါ့ပျက်ပျက် CEO မဟုတ်တော့ပဲ အလုပ်ကို စိတ်နှစ်ကာ လုပ်တတ်ပြီး အမြင်ရှိတဲ့ CEO ဖြစ်နေပြီ။ အရင်လို ရယ်ရယ်မောမော ပြောင်ချော်ချော် အကျင့်တွေ မရှိတော့ပဲ တည်တင်းတင်းနဲ့ အနေအထိုင်သေသပ်တဲ့ CEO ကို မြင်နေရသည်။