နောင်တတို့ပါဝင်နေသောချစ်ခြင်းတရား 🖤⚜

Part-52

နောင်တတို့ပါဝင်နေသောချစ်ခြင်းတရား
Part-52

~^~~^~~~^~~~^~~~^~~

""ကျွန်မဘက်က တောင်းပန်မှုကိုမလိုအပ်တဲ့အတွက် ဒီကနေလှည့်ပြန်လိုက်ပါ ဒေါ်ခက်ဂုဏ်လင်း

မင်း ခွင့်မလွှတ်နိုင်တာကိုအန်တီသိပါတယ် ဒါပေမယ့် မင်းအပေါ်လုပ်ခဲ့တဲ့လုပ်ရပ်အတွက် ခွင့်လွှတ်မှုရဖို့အန်တီ့ဘက်ကမမျှော်လင့်ထားပါဘူး

မျှော်လင့်လို့လည်းမရပါဘူး.........ရှင့်လိုပဲ ကျွန်မကလည်းအတ္တကြီးတယ်ဒေါ်ခက်ဂုဏ်လင်း ကျွန်မဘက်ကတောင်းပန်မှုကိုမလိုအပ်တဲ့အတွက် ရှင့်အတွက် ခွင့်လွှတ်မှုဆိုတာ ဘယ်တော့မှ ရှိလာမှာမဟုတ်ဘူး
ရှင့်ရဲ့တန်ဖိုးရှိလှတဲ့အချိန်တွေကို ဒီနေရာမှာ လာမဖြုန်းပါနဲ့.....ပြန်လိုက်ပါတော့""

ခက်ဂုဏ်လင်း သူမစိတ်ကိုမနည်းဆွဲဆန့်ပြီး ညသံသရာခွင်းအား တောင်းပန်စကားဆိုနေပေမယ့် ထိုမိန်းကလေးရဲ့အပြုအမူနဲ့စကားတို့က သူမမာနအားလာဆွပေးသလိုဖြစ်နေသည်
နဂိုတည်းက စိတ်ဆက်ပြီးမာနကြီးတဲ့သူမို့ ဒေါသကထွက်လာရသည်
""ဒီမှာ မင်းကိုငါကလူကြီးတစ်ယောက်အနေနဲ့တောင်းပန်ဖို့လာတာကို မင်းကအခုလိုပြန်ဆက်ဆံတာ မင်းသိပ်ကိုရိုင်းတယ်ညသံသရာခွင်း

ရှင့်ထင်ချင်သလိုထင် ကျွန်မကနဂိုတည်းကယဥ်ကျေးတဲ့မိန်းကလေးမဟုတ်ဘူးရှင့်.....ပြီးတော့ ရှင့်ဘာသာဒီနေရာကိုလာတာလေ
ကျွန်မက လာတောင်းပန်ပါလို့ပြောခဲ့မိလို့လား

မင်းကစိတ်နှစ်ခွနဲ့လူပဲညသံသရာခွင်း
မင်းအမေအရွယ်ရှိတဲ့အမျိုးသမီးကို နေပူပူမှာစကားရပ်ပြောခိုင်းတာက မင်းရဲ့အကျင့်စာရိတ္တကိုဖော်ပြပေးလိုက်တာပဲ
ငါ့သားက မင်းကိုဘယ်လိုစိတ်နဲ့များချစ်ခဲ့မိတာပါလိမ့် အခုမင်းလုပ်ရပ်ကိုငါ့သားသိသွားရင်မင်းအပေါ်တော်တော်စိတ်ပျက်သွားမှာပဲ

ကျွန်မကဘာကိုဂရုစိုက်ရမှာလဲ ရှင့်သားကထားခဲ့ခံရသူနော် သူကကျွန်မကိုထားခဲ့တာမဟုတ်ဘူး
သူသိသွားတော့ရောဘာဖြစ်လဲ သူနဲ့ကျွန်မက ဆက်ပြီးပက်သက်စရာဘာအကြောင်းမှမရှိဘူး
ရှိလာခဲ့ရင်လည်း အေးစက်တဲ့စကားလုံးတို့ကိုပဲ သူရမှာ.......