Uni
71.
အစားထိုးလေးတစ်ယောက် သင်တန်းမှပြန်လာသောအခါ ဥက္ကဋ္ဌမှာ သူထွက်သွားသည့်အချိန်ကလိုပင် ဆိုဖာပေါ်၌ လှဲလျောင်းနေဆဲဖြစ်သည်။
သို့သော်လည်း အတွင်းရေးမှူးလာပို့ထားသော စာရွက်စာတမ်းများအား လှည့်ကြည့်လိုက်သည့်အခိုက် လက်မှတ်ထိုးရန် ကျန်နေသေးသည့်အရာ မရှိတော့သည်ကို တွေ့လိုက်ရသည်။ ထို့ပြင် ထိုစာရွက်စာတမ်းများဘေးတွင် ရှိသော ကွန်ပျူတာမှာ အနည်းငယ်ပူနေဆဲပင်။
အစားထိုးလေး၏ နှုတ်ခမ်းထောင့်က ကွေးညွှတ်သွားသော်လည်း ဘာမှတော့မပြောခဲ့ချေ။
ညပိုင်း၌ အစားထိုးလေး အစားအသောက် ပြင်ဆင်ပြီးသည့်အချိန်တွင်လည်း ဥက္ကဋ္ဌက ဆိုဖာပေါ်၌ လဲလျောင်းနေဆဲပင်ရှိသေးသည်။ ဘာမျှလည်းလာမစားချေ။
အစားထိုးလေးက ထိုသူအား ခေါ်ကာပြောလိုက်သည်။
" စားလို့ရပြီနော် ... "
ထိုသူက မလှုပ်ပေ။
" ဥက္ကဋ္ဌ ... ညစာစားချိန်ရောက်နေပြီလေ .. "
အစားထိုးလေးက ထပ်မံအော်ကာပြောလိုက်သည်။
ထိုသူက မလှုပ်မယှက်ရှိနေဆဲပင်။
နောက်ဆုံး သူ ဥက္ကဋ္ဌ၏အမည်အား ခေါ်လိုက်တော့မှ ဥက္ကဋ္ဌတစ်ယောက် အနည်းငယ် လှုပ်လှုပ်ရှားရှားဖြစ်သွားသည်။
" ZZ "
အစားထိုးလေးက ထိုသို့ထပ်အော်ခေါ်ရန် ကြိုးစားလိုက်တော့ ဥက္ကဋ္ဌတစ်ယောက် ခုန်ထလာပြီး သူ့အား စိန်းစိန်းဝါးဝါးကြည့်လေသည်။
နောက်ဆုံးမှာတော့ စားဖို့မငြင်းဆန်တော့ချေ။
" မနက်ဖြန်တော့ အလုပ်သွားလိုက်ပါ ... "
" မသွားဘူး .. "
" ခင်ဗျားရဲ့ဝန်ထမ်းတွေ ခင်ဗျားကိုသတိရနေမှာပေါ့ ... "
" F**k , ဒီလောကမှာ ကိုယ့်ကိုသတိရနေမယ့်သူ တစ်ယောက်မှမရှိဘူး ... "
သည်လိုအချိန်မျိုး၌ အစားထိုးလေးက ဥက္ကဋ္ဌအား နှစ်သိမ်ရန်အလို့ငှာ အနည်းဆုံး ကျွန်တော်ကတော့ ခင်ဗျားကို သတိရနေမှာပါဟုတော့ ပြောသင့်သည်။ သို့သော်လည်း အစားထိုးလေးက အစားကိုသာစားနေပြီး ဘာမှမပြောခဲ့ချေ။ ညစာစားပွဲ၏ ထူးဆန်းသော တိတ်ဆိတ်မှုက ဥက္ကဋ္ဌအား ဒေါသထွက်သွားစေသည်။
![](https://img.wattpad.com/cover/337789987-288-k950660.jpg)
YOU ARE READING
လရောင်ဖြူလေးပြန်ရောက်လာပြီးနောက် အစားထိုးလေး အလုပ်လက်မဲ့အကျပ်အတည်းကျရောက်သွား
Short Story[ဘာသာပြန်] * Completed * If you want to read eng - [ https://www.mtlnovel.com/after-the-white-moonlight-came-back-the-stand-in-fell-into-unemployment-crisis/ ] Alternate Title : 白月光回来后,替身陷入失业危机 Author : 项绿瓜 Status : Completed, 30 chapters & 1 extra...