Uni
83.
ဥက္ကဋ္ဌအမေတစ်ယောက် တိတ်ဆိတ်သွားလေ၏။
အစားထိုးလေးက ထိုအမျိုးသမီး၏ မျက်နှာကိုကြည့်ပြီး သတိထားပြောလိုက်သည်။
" မဒမ်အနေနဲ့ ရှေ့နေတစ်ယောက် ငှားချင်သေးလား။ ' ထွက်သွားပေးရမယ် ' ဆိုတဲ့ အဓိပ္ပာယ်ကို တိတိကျကျလေး ပြောပေးလို့ရမလား မဒမ်။ ပြီးရင် ကျွန်တော် မဒမ့်တောင်းဆိုချက်အတိုင်း ထွက်သွားပါ့မယ် ... "
ဥက္ကဋ္ဌအမေက နှာခေါင်းတစ်ချက်ရှုံ့ကာ အေးစက်စက်ပြောလာသည်။
" ပိုက်ဆံကိုပဲမြင်တဲ့ မင်းလိုလူတစ်ယောက်ကို သူဘယ်လိုများ ချစ်နိုင်ရတာလဲ ... "
အစားထိုးလေးက သူလည်း သိချင်နေသလိုပုံစံလေးဖြင့် ပြန်ပြောလေသည်။
" ကျွန်တော်လည်း မပြောတတ်ဘူး ... "
အစားထိုးလေး၏ ကတိကဝတ်က သူ စိတ်ကူးထားသည်ထက် ကျော်လွန်ပြီး အလွန်ပင် ရိုးရှင်းလွန်းနေသည်။ ထို့ကြောင့် ဥက္ကဋ္ဌအမေက ပြောလိုက်လေသည်။
" မင်း သူ့အနားကနေထွက်သွားပြီး သူ့ကို လုံးဝလက်လျှော့ပေးရမယ် ... "
ထိုအရာအား စဉ်းစားပြီးသည့်နောက် အစားထိုးလေးက ပြန်ပြောလိုက်သည်။
" လုံးဝကြီး လက်လျှော့လိုက်ဖို့ကတော့ မလွယ်ဘူး ... အချိန်နည်းနည်းတော့ယူရလိမ့်မယ် ... "
" ကျွန်တော်သာ ရုတ်တရက် ထွက်သွားလိုက်မယ်ဆိုရင် မဒမ်က ကျွန်တော့်ကို အတင်းအကျပ်ခိုင်းပြီး ဒုက္ခရောက်အောင်လုပ်လိုက်တယ်လို့ သူအထင်မှားသွားလိမ့်မယ် ... "
အစားထိုးလေးက ဆက်ပြောလေသည်။
" ကျွန်တော့်မှာ အကြံတစ်ခုရှိတယ်။ မဒမ်က နားထောင်ချင်ရဲ့လားတော့ မသိဘူး ... "
ဥက္ကဋ္ဌအမေက မေးဆတ်ပြကာ ပြောပြရန် ကိုယ်ဟန်ပြလိုက်လေ၏။
" ကျွန်တော့်ကို မုန်းသွားအောင်လုပ်ရမယ် ... "
" အရင်ဆုံး ကျွန်တော် သူနဲ့အတူ ဟန်ဆောင်နေလိုက်ဦးမယ်။ နှစ်လကြာရင်တော့ သူ့ကိုထားခဲ့လိုက်မယ်။ ကျွန်တော်သာ ပိုက်ဆံနည်းနည်းအတွက် သူ့ကိုထားခဲ့တာ သိသွားရင် သူ ကျွန်တော့်ကို မုန်းသွားလိမ့်မယ်။ အဲ့အချိန်ကြရင် သူ့အမေရဲ့ ကောင်းစေချင်တဲ့ရည်ရွယ်ချက်ကို နားလည်သွားလိမ့်မယ်လေ .. "
YOU ARE READING
လရောင်ဖြူလေးပြန်ရောက်လာပြီးနောက် အစားထိုးလေး အလုပ်လက်မဲ့အကျပ်အတည်းကျရောက်သွား
Short Story[ဘာသာပြန်] * Completed * If you want to read eng - [ https://www.mtlnovel.com/after-the-white-moonlight-came-back-the-stand-in-fell-into-unemployment-crisis/ ] Alternate Title : 白月光回来后，替身陷入失业危机 Author : 项绿瓜 Status : Completed, 30 chapters & 1 extra...
