عروسة الميخالي [بالدارجة المغربية 🔞♨️مـكـتـمـلـه]

PART 5

"عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 5_____________

•الليل طاح...مفرشين زربية عند لباب وجالسين بثلاته قدام النار ، حاطين قدامهم الصينية بكويساتها ديال القهوة معطرة ،وطبسيل ديال مسيمنات صغار معمرين طايبين فالخباز على لعواد.

ميلودة : غادي تمشي فهمتها ،ولكن أوليدي داك العقد لي جامع بينكم دابا ، كي غادي تديروا ليه!

طارق [بنبرة هادئة] : حتى أنا أمي ما عرفتش ، غادي نخليها تدير لي بان ليها ، لا هي واقفة عليا ولا أنا واقف عليها ، بغات تمشي الله اسهل بغات تبقى مرحبا بيها.

ميلودة : سهلية باقا هي هي ياكا أوليدي!

طارق : راني عاودت ليك أمي كولشي... هاديك عمرها تتبدل وأنا لي عارفها... شافتني تبدل فيها اللون ،قلت ليها فخاطري غا بردي ،راه حنى نسيناك من هادي سنين.

ميلودة: هادي بنتها ، شحال غادي تكون عندها من عام !

طارق: يمكن 18 ولا 19 عام ،كتلعب بينهم.

ندى: واا صغيرة بزااف عليك أبابا ، بيناتكم 27 عام ديال الفرق تبارك الله.

طارق [تبسم ونطق وهو كيدوز بيديه على لحيتوا] : إيه أبنتي عارف...[طبطب على ضهرها] نوضي سيري لعندها كلميها باش تجي تشرب حتى هي القهوة حدها باقية سخونة سيري.

ندى حطات كاسها ومشات للبيت لي كانت فيه مهرة ،حلات عليها لباب ودخلات لقاتها يلاه حلات عينيها وكتتكسل وكل ب"وله من بزازلها خارجه من جيه...شافت ندى وهي تجر عليها لكوفرلي.

مهرة [بتوثر]: بغيتي شي حاجة!

ندى[وهي ضامه يديها]: قال ليك بابا يلاهي تشربي القهوة ، دابا شوية غادي تبدا ميمه تصاوب لعشا وما غاديش تخليك تشربيها.

مهرة [كمشات حواجبها] : لعشا! [دورات عينيها لناحية السرجم وهي تلقى الحال ضلم، خرجات عينيها وأضافت] أويلي طاح الليل ، نعست بزاف [ناضت وقفات، هزات لگوفرلي رماتو على راسها، هزات التيليفون وتمات مقربة لندى] ما مولفش ليا هاد النعاس كامل.

ندى [وهي سابقاها] : ماشي موشكيل... مزيان من لي نعستي بنهار ، باش فالليل من لي يكون الصداع ولغوات ،تكوني نتي شابعه نعاس.

مهرة: ديال آش لغوات!

ندى: ليوم بالليل غادي تجي واحد لمرا من لغابه... ومي غادي تولدها ، داكشي علاش.

مهرة هزهزات براسها وبقات تابعاها حتى خرجوا على برا ، لقاو مليودة واقفة عند الزربية وهازة فيدها لپيل... وطارق باقي جالس فبلاصتوا... شاف بنتوا ومراتو ،تبسم ليهم ونطق وعينيه على مهرة.

طارق: علاش مغنبره فالكوفرلي!

مهرة: حوايجي لي كنت لابسة مطليين حنه وتراب...واش عندكم لماكينه ديال الصابون نصبنهم!

طارق: لماكينه! لا ما عندناش ، ولكن كاينة لفراكه ، خلي حتى لشوية ونصبنهم ليك.

مهرة [جلسات مقابله معاه ، نزلات لكوفرلي على كتفاها حتى بان صدرها ونطقات بعدما زفرات بإرتياح] : غادي تدير فيا خير كبير والله .

طارق [حنى راسو وناض وقف] : غادي نمشي نهرس شوية ديال الخشب ونرجع.

ندى [تبسمات ونطقات بصوت مرتفع وصل حتى لجداها] : وغير أجي أبابا بلا ما تحشم وتمشي ، راه ماشي غير نتا لي شفتي صدرها رآه حتى أنا.[وبدات كتضحك]

مهرة [حنات عينيها لصدرها ونطقات وعينيها على طارق لي كان مخرج عينيه فبنتو وكيحك فلحيتو] : واش عيب عندكم بحال هاد اللبس! [رجعات لكوفرلي على كتفاها وغطات بيه صدرها] ظنيت بلي عادي.

ميلودة [وهي مقربة لعندهم] : عادي بينك وبين راجلك فبيتكم ابنتي ماشي قدام هلوا وناسو.

مهرة [هزات كاسها ديال لقهوة ونطقات وهي كتحاول تدفي يديها بيه]: ما يحسابش ليا هكا ، أنا عند عمتي كنلبس غير هكا وما كثر..عمر شي حد لا من ولادها ولا راجلها دوا معايا وقال لي لا وكذا ولا حقا.

ميلودة [وهي كتدور فراسها] : لا حول ولاقوة إلا بالله العلي العظيم... الله إهدي كل من شاف شي منكر قدام عينيه وما نهى عليه ، هاذا ما كان .

طارق [وعينيه على مو لي تمات داخلة بحالها لدار] : خاصاك شي حاجة أمي!

ميلودة: خاصني غير شي شوية ديال الحطب باش نطيب وسلامتك أوليدي .

مهرة: واش ما عندكمش البوطه!

مليودة: كانت عندنا وحيدناها، ماكلتها باسلة، ماشي كيف لي على لكانون ولعواد ولبريم والروث.

ندى [وعينيها على التيليفون لي كان كيصوني] : تيليفون بابا كيصوني أمراتو ، شوفي واش ليك.

مهرة [كمشات حواجبها وهزاتو لقات نمرة عمتها وهي تطير من بلاصتها بالفرحة ، فتحات الخط ونطقات بالزربة] : آلووو عميييتو ،علاش ما كنتيش كتجاوبيني!