عروسة الميخالي [بالدارجة المغربية 🔞♨️مـكـتـمـلـه]

PART 9

"عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 9_____________

•فالمراح فين كانت جالسة مهرة مقابلة مع نسرين لي كانت معنقة ندى وكتبوس فيها.

نسرين [وعينيها واكلين مهرة] : شتك خفيفة بزاف ما راسك ، ياك والو باس الزينه!

مهرة [بنبرة ساخرة] : إوا لا خفيفة جات معايا ، يلاه مكملة 18 عام...خلينا ليك الثقالة ليك ولأمثالك من الشارفات.

نسرين [وهي كتحاول تكتم غيضها] : خبارك دايعة ، يعلم الله آش درتي حتى هرب عليك عريس الغفلة ديالك ، [اضافت والغضب عامي عينيها] ولصقوك فطارق مسكين.

مهرة [ضمات يديها لصدرها] : من لي حطيتي تريمتك الكارمه للأرض ونتي طارق ما طارق [ضيقات عينيها فيها وأضافت بنبرة ساخرة] العشيقة السابقة ولا كيفاش!

نسرين [زادت ضمات ندى لعندها حتى خنقاتها] : بحال داكشي ، ومت بنتوا گاع .

مهرة: هكاك ، قولي ليا هاد ديك لبرهوشه لمنمشه بنتك!

نسرين: هييه حتااارمي راااسك شوية ،كيفاش لمنمشه! راه والله ويسمعك طارق كتخصري فالهدرة حتى يهرس ليك الفم ويصفيها ليك.

مهرة: إوا داكشي لي بقى ، غا داك الميخالي يمد يدو عليا [غمزتها] راني بنت الحاكم احبيبة يعني ماشي اي وحدة فالبلاد أنا.

نسرين [لمحات ميلودة داخلة بالصينية وهي تبعد بنتها عليها أو وناضت وقفات] : حرامت عليا بنتي إلى طولتي معاه ، وياكي اعمتي ميلودة ، هادشي لي نسوا عندك! خليتي طارق لي كان ناوي مسكين يتزوج بيا أنا باش نتجمعوا على ديك لبنية، يتزوج بهاد قليلة العقل وطويلة اللسان!

ميلودة: باراك من اللغا قدام لبنية وسيري لدار مك خلاص ،راه الظهر قريب يدون والشتا جايه.

نسرين يلاه كانت بغات تدور فيها وهو يبان ليها طارق لي كان كمل نكيس الكوري بلا ما يديها فيها ،قربات لعندوا ،شدات ليه فدراعو ونطقات وهي مبسله عينيها فيه.

نسرين: طلقها اطارق راه وجهها ما هو وجه الرباح!

طارق [بنبرة هادئة] : مي دوات معاك لا![نتر يدو من يدها ومشا جلس فجنب ندى] ما تجيش مرة أخرى حتى نعلمك أنا.

مهرة [عجبها لحال] : يلاه لݣاي المنمشه لكلـ...

طارق [قاطعها] : بيتك آ مهرة.

مهرة [بنرفزة وهي مخنزرة فيه] : كتآمر فيا قدامها بلعاني ياك! إوا غا برد ، والله لا نضت ليك ولا ليها ولا لغيركم بجوج.

طارق [تبسم ونطق وهو كيدوز بأطراف صباعوا لي كانوا كيترعدوا على لحيتوا] : ما كنحملش التجاويب ا مهرة ، لآخر مرة غادي نقول بيتك ، وإلى مشيتي حتى عاودتيها معايا والله ما غادي يعجبك الحال!

ميلودة [شافت ولدها بدا كيترعد بالأعصاب وهي تقرب لمهرة ،نوضتها بنترة من يدها وتمات غادا بيها لبيتها وهي كتتنتر] : زيدي الله إخزي إبليسك يا بنتي ،واش لحمك رخيص عليك!

مهرة: لحمي غاالي عليك وعلى داك الشارف الميخالي ديال ولدك ، وبزاف عليه حتى يمد يدو ، باقي ما عاش لي يضرب بنت سهلية.

ميلودة [بصوت خافت] : يا بنتي سهيلة وكان كيشبع فيها عصا ،بقيتي غا نتي لي بنتها!

نسرين بقات واقفة فبلاصتها كتتقلى بغيضها ، شافت طارق لي كان ضم بنتو لعندو وهي تنطق قبل ما تخرج بحالها.

نسرين: آخرتك تتزوج ببرهوشه قد بنتك! يا خسارة العمر لي داز وأنا كنتسنى فيك يا خسارة.

نطقات بآخر كلامها ومشات رجعات لدارها فداك الريح والشتا.

طارق [بنبرة هادئة وهو كيدوز بيديه على شعر ندى] : ما باغيش نوريها وجهي لخايب ، ولكن بان ليا ضروري نخرجوا ليها ، حيث على ما بان ليا ما مربية لا شوية لا بزاف.

ميلودة [وهي داخلة كتمسح فجبهتها لي ندات] : سديت عليها بزز ، قالت ليك بغات تفطر فالبيت بوحدها [جلسات للأرض] أنا سخفت ، يلاه يلاه نتكافى مع توجاد لغدا ولعجينه.

طارق [ناض وقف] : أنا غادي نديه ليها ،منها نيت نتفاهم معاها شوية.

ميلودة [شدات ليه فيدو] : بغيت رضاتي عليك كيف هاد الشتا لي كتصب أوليدي لا تقسى عليها ولا تحط يدك عليها ، رآه على ما بان ليا صحتها غا على قد الحال.

طارق [ببرودة] : خليك فحالك أمي ،وديها غير فصحتك ، بيني مع مراتي ،نتي إلى سمعتيها شكات ولا بكات سدي ودنيك وهجريها ، وخليني أنا مني ليها.

ميلودة: حقا أوليدي كنت باغية نسولك ولا تديرهاش مني قلة الصواب [شافت فندى لي كانت حاضيهم وهي تجروا من سروالو نزلاتو لعندها وأضافت بصوت خافت] واش دخلتي عليها ولا باقي!