عروسة الميخالي [بالدارجة المغربية 🔞♨️مـكـتـمـلـه]

PART 12

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 12_____________

•دخل لبيتوا سد عليه ، حل لمجر ،جبد منو واحد القبيه بسروالها ،حيد لي كان لابس وبقى غير بالسليب ،لبس السروال ومع بغا يلبس القبيه منها للحم حلات عليه مهرة لباب ودخلات بلا دقان ، مشاو عينيها للعضلات  لي فكرشوا وكتافوا، كمشات حواجبها وحولات عينيها لفين بان ليها واحد لوشام...سدات لباب وتمات مقربه لعندوا ، وقفات قدامو ومدات يدها حطتها مباشرة على الوشام لي شاد من نص كتفوا حتى لناحية عنقوا ، دوزات طراف صباعها ونطقات بصوت خافت وهي حاله فمها وعينيها.

مهرة: زوين بزاف ، فين درتيه الميخالي!

طارق [ببرودة وعينو على فمها] : حيدي يدك.

مهرة: حتى تقول ليا فين ،وشكون هاد الفنان لي دارو ليك.

طارق [شد ليها يدها لواها ليها ورا ضهرها حتى آنات،تحنى لعندها بحكم أنه طويل عليها ،ونطق بنبرة هادئة] : درتوا غير هنا وبوحدي [زاد زير عليها حتى خرجات عينيها] وآخر مرة تحطي يدك عليا ، حشومه ، سمعتي.

مهرة [عينيها دمعوا] : علاش حشومه! ياك نتا راجلي الميخالي! [حسات بيدها غادي تتهرس] صافي واخا غير طلق.

طارق [طلق منها ، لبس القبيه ديالو ، دوز بيديه على لحيتوا ، وطلع فوق الناموسية ، جر السرجم سدو الشي لي خلا البيت يضلم ، حط راسوا على لمخده ،دار دراعوا على يدو ونطق] : دوزي حتى نتي تتكاي.

مهرة [بنرفزة] : فين خليتي ليا فين نرگد ، [حنات عينيها ليدها وأضافت بصوت خافت] الله اعطيك موصيبة الميخالي.

طارق: سمعتك.. أجي حدايا أجي.

مهرة [بنبرة ساخرة] : مالي مسخوطة مي حتى ننعس حدا واحد بحالك.

طارق: إوا سيري خرجي برا عاوني مي حسن ليك.

مهرة [وهي خارجه] : ها هي غاديه... أصلا ما عندي فاش نعاونها.

سدات عليه لباب ورجعات لعند ميلودة لقاتها جمعات لميده ومسحتها وبدات كتغسل فالطاجين ... بلعات ريقها ونطقات.

مهرة [وهي مخرجه عينيها] : ما تقوليش ليا رميتي داكشي لي فالطاجين فوسط الزبل!

ميلودة [ببرودة] : لا ما لحتوش فالزبل ، لحتوا للكلاب على برا.

مهرة [قربات لعندها ،وقفات فجنبها ونطقات بنرفزة] : وأنا آش غادي ناكل دابا! واش ما شتينيش قبيله ما كليت والو.

ميلودة: سيري لعشة الدجاج جيبي ليك شي بيضات ودوزي طيبيهم فالزيت.

مهرة: إيه ولا نقبني الدجاج ، آش غادي ندير.

ميلودة [مسحات يديها وتمات خارجه لبيتها باش تتكى] : شغلك هاداك ، قلتي فيك الجوع قلنا ليك سيري حد الحماس فوق لعواد باقي سخون ، ما بغيتيش خلي جوعك فكرشك وفرقيني عليك ، يلاه يلاه نرتاح باش ننوض نشوف ما ندير تاني للعيالات.[دخلات لبيتها وسدات عليها]

مهرة بقات واقفة كتدور فعينيها ، شافت حتى عيات وخرجات لعشة الدجاج ،ومع حلات لباب ودخلات ليها طارو عليها الذكوره حتى تكفات للأرض على فمها...العشة عمرات عجاج ، الدجاجات ولفلالفس كلهم دازو عليها وخرجوا لبرا ، حسات بالضيم طاح عليها ، عينيها عمروا دموع ، حبسات النفس حتى حبساتها وهي تطلق حلوقها للغوات.

مهرة [بصوت كاسر الدنيا] : وااا ميلووووودة ،عتقووووني ،واااااا الميييييخالي جري.

فينك نتي وفين طارق وميلودة ،الاول الباب سادو لا هو لا السرجم وهاداك ماشي بيت عندوا*توفري* والثانيه دارت القطن فودنيها وغمات راسها ،جاب الله ندى فايقه كتقرا فواحد الكتاب سمعتها ، عارفه جداها ما كتحملش لي يقطع نعاسها ،جمعات النوضه ومشات لعند باها كتجري ، حلات عليه لباب ،قربات لعندوا ونطقات وهي كتحرك فيه.

ندى: بابا عتتتق مراتك على برااا كتغوت.

طارق حل عينيه أو هو واقف ، لبس فرجليه ، زاح بنتوا من طريقوا وخرج كيجري أو هو دايخ بالنعاس ، لمح الدجاج عند لباب ، دور راسوا لناحيه العشة وهو يلمحها فيها طايحه ، قرب لعندها ،وقف عند راسها ، مد يدو لدراعها العاري هزها منو حتى وقفات ونطق وهو كيسوس ليها فالشورط والدوني لي عمروا بالنخالة.

طارق [بنبرة هادئة] : آش ليك مع الدجاج!

مهرة [وهي كتتنخص] : واناااا آش ليا هنااا كااامل فهاد الجايحه الكحله ماشي غا فالعشه ، [زادت فوتيرة بكاها] آش من ذنب درت فحياتي حتى ينفيني سيدي ربي لهنا آش...[ما حسات براسها إلى وهي مرميه فحضنوا] وا أنا بغيت غا ناكل الميخالي وصافي ، شوف فين وليت ، شعري وحوايجي ما كفاهمش التبهديل لي مهدله كرامتي هنا ، زادوني حتى هوما.