عروسة الميخالي [بالدارجة المغربية 🔞♨️مـكـتـمـلـه]

PART 32 [الـنـهـايـه]

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 32_____________

•بـعـد مـرور عـامـيـن 🍂

•واقفه فراس الجبل وندى ، لابسه بيجامه طويلة وباليه ، هازه واحد السطل كبير عامر ببقايا الدجاج ، كترمي فيه لواحد الجماعة ديال الذياب...سمعات صوت حماتها كتعيط عليها ، شافت فندى ، مدات ليها السطل وتمات نازله كتجري.

مهرة : كملي نتي ، أنا نمشي نشوف خوك مالو على هاد الحيحيه لي محيح علينا ليوم ، وإلى بان ليك كامارو ، شديه من ودنيه ونزليه ليا ، باش نوري مو ، ماكلة البط شحال ساويه.

ندى [وهي كتضحك] : واخا أماما .

نزلات ، حلات لباب ديال الدار ، حيدات لبوط لي عامر غيس وروث ، وتمات داخله لدار كتتسلت ، ويلاه بغات تدوز لبيتها تشوف ولدها ، شدتها ميلودة من ودنها.

ميلودة: آش هاد لحاله الموصيبه اااش! واش نتي مرا ولا فلاحه!

مهرة [وهي كتحاول تهرب ليها] : آخر مرة أمي والله ، غير طلقيني ، نرضع ولدي "طارق" وديك الساعه تفاهمي معايا.

ميلودة [على سيرة طارق وحسو طلقتها] : عام ونتي ما باغيه تسمعي لكلامي ، على قلة الأسامي باش تمسي ولدك على سمية المرحوم أبنتي!

مهرة [حاولت تبدل الموضوع ، لي فكل مرة كتيذكر كيبداو بالبكا ، و ما كيسكتوا حتى كينعسوا] : يا ميلودة ، آش فيها ، كولشي عاجباه ، ماما ، بابا ، خويا ، نسرين ، وحتى من راجلها بات بنتها عاجباه ، [عنقتها] وزايدون راني سجلتوا فالحاله المدنيه بيها ، ما بقى ما يتبدل.

ميلودة [وهي كتدوز بيديها على شعرها] : حقا فكرتيني ، نسرين راها كتتوحم ، السيمانة لجايه غادي تجي هي وراجلها نيت ، باش تدي ندى تدوز معاها شي يوماين فدار باها ، راه تزاد عليه الحال.

مهرة: ماشي عيب ، نيت تدوز شوية ديال الوقت مع باباها ، راها واخا من ديما كانت عارفاه كيف عاودتي ليا ، ما كتبغيهش كيف ما كانت كتبغي طارق الله ارحموا.

ميلودة [على سيرة حبيب قلبها،ورفيق عمرها تبسمات] : شكون هاذا لي ما يحب وليدي يا بنيتي ، هاذاك رآه تراب الأرض كيموت عليه ، بقى غا ندى لي يا ما سهر عليها الليالي وبكا عليها فمرضها بالدموع.

مهرة[يلاه بغات تنطق وهي تسمع صوت ولدها كيبكي ، دارت لعندوا ك تجري] : نرضع مسيخيطي ونجي...[وقفات عند باب بيتها وأضافت بصوت مرتفع] حقا لا ننسى ء الحيوان ديال منير راه فسبيطار ، قالتها مو لبابا ، مشات تزوروا فالحبس ، قالوها ليها ، ضربوا شي حباس للكلوى بموس ، راه فالإنعاش كيموت.

ميلودة [قربات لسجرم حلاتو ، طلات على قبر ولدها لي دفناتو تما ، قدام عينيها ، عند الإسطبل ديال عودوا ،بناءا على رغبتو من هو صغير ، تبسمات ونطقات بصوت خافت] : دمك ما بقاش على الأرض أولد كرشي ، ربي كاين ، وربي كبير ،[مسحات دمعة غدارة كيف الدنيا ، غدرتها وطاحت ،اضافت بصوت وصل لمهره] ما غاديش يهديك الله وتمشي ترجعي لقرايتك.

مهرة [وهي كتراري بوليدها لي كان نسخه طبق الاصل منها] : عاجبني الحال هنا ، حياتي وقلبي تدفنوا ،اش غادي نمشي ندير باقي بشي مدينه ولا قرايه!

ميلودة: خوك إيمتى غادي يدير السبوع!

مهرة [قهقهات بصوت عالي] : إلى قلت ليك شي حاجة غادي غا نكذب عليك ، عيالاتو ولدوا بتلاثه فدقه ، راه دوا معايا الصباح ، شكى عليا حتى ورم ليا قلبي ، قالك قهروه ، قلت نتا لي بغيتي لولاد.

ميلودة: إوا خليه ، مسكين دريويش ، يستاهل كل خير ، خير ربي من لي كيجي كيجي فدقه ، قولي ليه غا لا ينسى وما يعرضش علينا.

مهرة [وهي كتسمح فعينيها لي دمعوا بالضحك] : ونتي لي درتي ليهم الگديده وعطيتيهم لعشوب حتى حملوا ،ومن لي حملوا ولدتيهم ، وما يعرضش عليك!

ميلودة: وما نعرف ليه ، غا قولي ليه يناسنا ، لا ما شديتو وعلقتو وسخلتو كيف كنت كندير لوليدي الله إكمد عظاموا فجنة النعيم .

مهرة [هاد لمرة عمروا عينيها بدموع الحنين] : اللهم آمين أميمتي.

كانت روحي ترتجف خوفًا مِن فُقدان عزيزٍ على قلبي فَ فقدتُ أعزُ من فيهم..

#الـنـهـابـه🍂 07|11|2018

"عـن شـمـس الـضـحـى "

سالات! ما عرفتش كيفاش وعلاش كنت درت فديك الوقت هاد النهايه ، وعلاش طارق ،على أي شكرآ لأي كتكوته غادي تقراها فـ 2023 وشكرا لغيزو ديالي على تصحيحها وإعادة الصياغه معايا (العفو اكبيدتي) ، وكيف ديما ، بزاااف دالحب الحنينات والله 🤎