عروسة الميخالي [بالدارجة المغربية 🔞♨️مـكـتـمـلـه]

PART 17

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 17_____________

•الفجر والدنيا باقيه هي هي ، الشتا خيط من السما ، وكل شوية رعدة من جهه كتتكلم... فايقه بكري هي ومها كيف عادتهم ، مقدره حداها فالكشينه لي كانت داخلاها القطره ، مها كتخبز فالمسمن وهي كتسوس ليها فيه.

نسرين [بنرفزة]: حتى نتي أمي شحال فيك ، غا خايفه من داك راجلك ، تقولي غادي يسوطنا.

منانه [وهي مكمشه حواجبها] : مالي كذبت عليك! وما سميتوش راجلي سميتو باك.

نسرين [تبمسات] : طارق وخالتي ميلودة عزيز عليهم الملوي ديالنا ياكي أمي.

منانه: يخوي ليك النياب والجناب ، منين خالتك منين ، هاديك راها عمتك ماشي خالتك ، وبقاي مقابله طارق لي دار الطيسيه لراسوا ودا لالة لبنات ، بنت لحااكم مول المطرقه ، لي كيآمر ويفاصل بين الناس ، ونتي تالية بوك غادي تضفري معايا الشيب.

نسرين [ما رضاتش] : لا لا أختي ، بزاف عليك حتى نضفر معاك الشيب ، ونزيد آ منانه ، باااينه تزوج بيها غير بزز ، حيت نهار مشيت نشوفهم ، عاطيها غا للقميع ولعصا ، وفين ما دوات كينهصرها حتى كيدمعوا عينيها.

منانه يلاه كانت غادي تنطق ،الساعه شافت راجلها داخل عليهم بسطيلتو ديال لوضو وهي تسكت.

عزيز: الشتا تبارك الله باقا ما سحات [حول عينيه لبنتو] نوضي الله إرضي عليك شوفي الزريبه يا كما دخل ليها لما وغرقات.

نسرين [قلبات عينيها] : البرد ، ما فيا لي يخرج.

منانه [عارفه راجلها عندو السكر وبالزربه كيشلع ، مسحات يديها وناضت ، شدات ليه فدراعو وتمات مخرجاه ومبعداه على بنتها] : غا سير تصلي ، أنا غادي نشوفهم ، ونجي نحط ليك فطروك قبل ما نمشوا عند ميلودة باش تفطر.

•ناعسه فأخر بلاصة كانت فيها مع طارق قبل ما تديها عينها ، حسات بأصباع صغار كيلعبوا فشعرها بحنيه ، تبمسات وبدات كتتكسل حتى تحيد عليها لغطا وبانت ذاتها لعاريه ، حلات عينيها وهي تلقى ندى جالسه ليها عند راسها ، كمشات حواجبها ونطقات وهي كتدوز بيديها على عنقها.

مهرة [وهي كتتفوه] : أشنو كتديري فبيتي آ ندى [دورات عينيها لبلاصة طارق ما لقاتوش وهي تنوض جلسات] وفين مشا باباك!

ندى [وعينيها على صدرها لي كان واقف] : علاش معريه فالشتا.

مهرة ناضت هكاك قدامها وقفات ، قربات للمجر حلاتو جبدات واحد لميني بوط على شكل دي سوتيان لي ستغنات عليهم ، سمعات الحس على برا وهي تكمش حواجبها.

مهرة: شكون لي كاين!

ندى [تمات خارجه] : ماما نسرين وخالتي منانه ، مامات ماما ، وسربي تاكلي قبل ما تجمع ميمه لميده ، رآه حنا فطرنا.

مهرة: وطارق!

ندى: حتى فطر معانا ،وراه جالس.

مهرة دوزات بلسانها على شفايفها ، تبعات لندى العين حتى ردات الباب ، حلات جهة طارق ، بقشات فيها وما تطيح غا فواحد البوكسر ديالو فالأبيض ، هزاتو ،شماتو لقاتو مصبن ونقي ، لبساتو ، طلعاتو مزيان حتى باتت فرقة ••ونها ، لبسات لفوق حتى لي كان فالأبيض ، جمعات شعرها لفوق وتمات داخلة عليها كتتلوا ، منانه شافتها ، خنزرات ، دورات عينيها لميلوده لي غا شافت عروستها حشمات ونطقات.

منانه: واش جايبين عروس ولا وحدة ديال الطروطوارات [حولات عينيها لطارق لي كان مضيق عينيه فهرة لي بدورها تلاحت فجنب ميلوده وندى جلسات] هادي هي آخرة الزواج من وحدة كبرات بين دروب المدينه أوليدي.

نسرين [والسم من بين سنانها كيتقطر] : دار حتى دار وداها من هادوك أمي.

ميلودة [ما عجبهاش كلامهم على مرات ولدها ، علات حاجبها فيهم وناضت وقفات] : منانه ، دي بنتك أختي وعگبي بحالك لخيمتك قبل ما تتجهد عليكم الشتا راها جايه وكثيييره.

نسرين: لا غا خلينا أخالتي ، غادي نباتو عندكم الليله ، ما تابعنا لا صابون لا تسياق.

منانه [هزات إيزارها وناضت وقفات] : يا راها كتجري علينا حيت ما عجبهاش كلام الحق [نغزت بنتها] نوضي نمشوا بحالنا ،ياك صواب لي زعما كتتسمى بالعروسه درناه ، آش غادي نبقاو نديروا هنا!

نسرين [عرصت] : سيييري نتي ، أنا غادي نبات عند خالتي هي غادي نبات [حولات عينيها لطارق لي گاع ما شاف فيها حتى الشوفه] ياك ماشي موشكيل آطارق!

طارق [ببرودة وعينو على مهرة لي قربات ليها لميده وبدات كتخشي فوجهها بحال إلى ماشي هي بيتاتو بلا نعاس] : مرحبا بيك ، الدار داركم [ناض وقف، قرب لعند مهرة، وأضاف] قدامي للبيت.

#يتبع