عروسة الميخالي [بالدارجة المغربية 🔞♨️مـكـتـمـلـه]

PART 31

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 31_____________

•حلات عينيها على صوت طارق وندى ، شدات فراسها ونطقات بصوت خافت.

مهرة: فين أنا!

ميلودة لي كانت عاطياها فخضها متكيه عليه ، طبطبات على كتفها وتبسمات.

ميلودة: باقا ابنتي فالمحكمه ، يلاه نوضي باش تمشي معانا لدارك.

مهرة [بدات كتحاول تنوض] : المحاميين ديالي فين!

طارق [ببرودة وعينو على ندى] : الجلسات تأجلوا ، ما بقى عندهم ما يدار هنا ، داكشي علاش قلت ليهم غير يمشوا.

مهرة [ناضت جلسات ، هزات عينيها فيه ، عقدات حواجبها ونطقات بنرفزة] : وعلاش بالسلامه!

ميلودة يلاه بغات تنطق وهو يقاطعها منير لي لمح مهرة من بعيد وتم مقرب لعندها كيجري ويلهث ، طاح عند رجليها ، شد ليها فركابيها ونطق وهو كيحاول يضبط أنفاسوا.

منير : أنا جيييت احياتي ، قالت ليا ديك الحيوانه آش قالت ليك ، كنعتاذر منك والله ، راه كنت سكران وهي ستغلتني بز.....

مهرة[ببرودة قاطعتوا]  : حيد يديك عليا وسير بحالك تتقود.

منير [عينيه دمعوا] : علاش كتخسري فالهدره آ مهره! حشومه عليك ، [حول عينيه لناحية طارق] وعلاش نتي جالسه مع هاد الهيماجيين ، ياك جيتي هنا باش تتطلقي منو !

مهرة [تبسمات] : ما بقيتش غادي نتطلق.

منير [عقد حواجبو] : وقع شي مشكل فالوراق! ماشي مشكله ،انا غادي نتكلف ليك بكولشي.

مهرة [مدات يدها ليد طارق، خللات صباعها فوسط صباعوا،ونطقات بتعالي] : تئ ، مشات على عينيك ضبابه ، راه انا لي ما بقيتش باغيه نتفرق على راجلي أولد عمتي ،[فيكسات عينيها فعينين طارق] غادي تمسح ليا ياك!

ميلودة [وعينيها كيشعوا بالفرحة] : علاش غادي يسمح ليك! راه نتي لي خاصك تسمحي ليه ، لي فاقصك وداي عليك ونتي واحله فراسك أبنيتي.

مهرة [خرجات عينيها] : أوييييلي! [دورات راسها بالعرض البطئ لعند ميلودة] كيفاش واحله فراسي! [زينات ثغرها بابتسامة عريضة] و و واش أنا حاااامله!

ميلودة[عينيها دمعوا]: غا امنيه وربي حققها ليا أميمتي.

طارق [ببرودة وعينيه على منير] : تمشي ولا نمشيك!

منير ناض وقف على رجليه ، حنا راسوا ، تنهد ، تبسم بسخرية ودار خارج بلا ما ينطق ولا بحرف... مهرة تبعات ليه العين وناضت وقفت أو وقفات طارق معاها .

مهرة: يلاه نمشوا لشي فارماسي ناخد التيست ونديروه بجوج ،باش نتأكدو ، ونمشوا لعند الطبيبه نشوفوا واش بنيه ولا وليد.