عروسة الميخالي [بالدارجة المغربية 🔞♨️مـكـتـمـلـه]

PART 13

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 13_____________

•جالسه فوق الناموسية كتدور فعينيها بعدما نشفوا دموعها ،حتى تم داخل عليها طارق لي مشا على سعدوا أو وعدوا طيب ليها ما تاكل ، حط ليها الصينيه على الأرض ونطق وهو كيدوز بيديه على لحيتوا.

طارق: نزلي جلسي للأرض ، كولي ماكلتك وإلى ساليتي دي لماعن لندى فالكوزينة تغسلهم.

مهرة [بتعالي وعينيها على ما طيب] : آش ديك الرونيه طيبتي ليا الميخالي.

طارق [تنهد] : شوية ديال فالبصله أو واحد فلفلة ،الربيع أو جوج ماطيشات العطريه ،الزيت أو ربعة ديال البيضات ، يلاه دوزي قبل لا يبرد.

مهرة كتمات إبتسامتها، حيدات لغطا على فخضاها حتى بانو ، تحنات جلسات للأرض ، قطعات ليها شوية ديال الخبز وبدات كتاكل وتتبنن ، طارق طول فيها الشوفة وتبسم ، سد لباب ، حيد صندالتو ورجع لبلاصتوا تكا ، غمض عينيه وستسلم لطيف النعاس لي زاروا حتى سمعها نطقات عند وجهوا.

مهرة [بصوت خافت] : على هاد لمقيله لي عمري دقت بحالها ،تستاهل بوسه كادو من عندي [رجعات شعرها ورا عنقها، دوزات بلسانها على شفايفها وتحنات لحنكوا طبعات بوسه خفيفة ودافيه وحنينه ] شكرا الميخالي.

طارق ما حرك حتى ساكن ، حس بيها بعدات ، سمع لباب تسد عاد حيد دراعوا على عينيه ، زفر بضيق وناض جلس على طرف الناموسية ،حنا عينيه لسيدي خلخل لقاه رفع علام الزاويه ، شد فراسوا وناض وقف ، قرب للمجر جبد منو لفوطه ديال الحمام ، حطها على حجروا باش ما يبان والو...دخل للكوزينة باش يهز لمقراش ديال لما لقا مهرة واقفه فيها كتغسل فالماعن فاش كلات ، لمحاتو واقف وراها وهي تطلعوا ومع عاودت هبطاتو مشاو عينيها نيشان لما مخبي ،وسعات البؤبؤ ديالهم ونطقات بعدما تزنگوا حنيكاتها.

مهرة: ومالك عليها الميخالي!

طارق [بنرفزة] : سدي فمك حسن ليك سدي.

تحنى هز المقراش وتم خارج للحمام ، في حين مهرة تبعات ليه العين حتى خرج ، تبمسات ونطقات بصوت خافت وهي عاضه على شفايفها.

مهرة: ويلي على ديال الميخالي شحال كبيييير!

•العشيه تعاشات ، ولالة ميلودة ما خلات ما وجدات ، سمنات وبغررات وحتى من الحرشه راها حرشات ، بقات ليها غا مرات ولدها لي حلفات لا قلعات ... دوات معاها بالخاطر باش تبدل حوايجها وتلبس القفطان لي عطاتها ، الساعة ما كاين شاي ،شافت راسها غير غادي تجيبها فصحتها وهي تخليها بوحدها فديك الكوزينة ومشات جلسات فوق واحد الكرسي حدا الزريبه ، ملݣاها ما البݣر ولا مع مرات الولد...وبين ما هي ساهيه تم مقرب لعندها طارق لي كان يلاه رجع هو وندى من البحيرة لي زارعين فيها النعناع والشيبه ، شاف مو گارنه حواجبها وهو يتبسم ، طبطب على راسها ونطق بصوت خافت وهادئ.

طارق: ياك والو باس أمي!

ميلودة [هزات عينيها فيه وجاوبتوا بنرفزة] : دخل ليها ، دوي معاها تبدل وتحيد دوك الشريوطات وتلبس ما عطيتها ، راه لعيالات هادي رجلهم أوليدي.

طارق [ببرودة] : فين هي دابا!

ميلودة: ما نعرف ليها ،يمكن فبيتها.

طارق [هو وغادي داخل] : حطي معاك داكشي فالكوزينة أبنتي [حل باب بيتو ودخل، لقاها لبسات لقميص لي عطاتها عكوزتها وجالسة على طرف الناموسية شاده لمرايا فيد واليد الثانيه كتصاوب بيها فوجهها، تبسم ونطق وعينيه كيتفحصوا ملامح وجهها] جابك الأصفر زوين.

مهرة [هزات عينيها فيه ،قلباتهم ونطقات] : كولشي كيجي معايا الميخالي ،[تبمسات بسخرية] بحالك خاصوا يضل يصلي ،نهار وليل ويحمد الله عطاه وحدة بحالي أنا.

طارق طول فيها الشوفة ،تنهد ،ومشا للمجر حلو ، جبد تيليفونو منو، شاف فيه الساعه ونطق.

طارق: غادي يجو دابا يمكن ،نتي حطي ليهم غير الصينيه وخرجي من عندهم ، حيت غالبا ما غاديش يعجبك الحال معاهم.

مهرة حطات ما فيدها وناضت وقفات قداموا ، مدات يدها للگول ديال القبيه لي لابس ،جراتو منو لعند فمها ، تبمسات ونطقات بصوت خافت.

مهرة: كتفكر فيا!

طارق [وعينيه على شفايفها لمنفوخين] : خايف عليك.

مهرة بلعات ريقها وطلقات منو ، رجعات شعرها اللور وحطات يدها على حناكها لي تزنگو .

مهرة: من آش خايف عليا الميخالي!

طارق كان ساهي فيها ،سمع آخر ما قالت وهو يدور خرج بحالوا... هو خرج وندى دخلات.

ندى [وهي كتطلع وتهبط فيها] : لعيالات جاو وراهم جالسين دابا فالصالون ، قالت ليك مي تعالي.

مهرة: حتى داك لمريح يوقولوا عليه الناس صالون ، صافي سيري أنا تابعاك سيري.

ندى: طرقي الكوزينة هو الأول ، هزي الصينيه معاك.

مهرة [بنرفزة] : هاد الليمونيه هادي ، سيري بحالك قبل ما نجي ليك سيري.