عروسة الميخالي [بالدارجة المغربية 🔞♨️مـكـتـمـلـه]

PART 18

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 18_____________

•واقف ليها عند راسها ، واحد الراس كيقول ليه شبع فيها عصا أو واحد الراس كيقول ليه دوي معاها كيف بديتي كتولفها غير بالخاطر ، شاف حتى شاف ودار بالثاني.

طارق: آخر مرة تلبسي بحال هكا على برا ،وما باقيش تقربي لحوايجي ، حيت ماشي ديالك وماشي قدك.

مهرة [قلبات عينيها ،ومدات يدها حطتها فوق ركبتوا لي كانت قريبه ليها وتمات طالعه بيها ببطئ] : بحال ديالي بحال ديالك الميخالي ، [وصلات يدها ••بو لي كان بازر من تحت السروال وأضافت] علاش خليتيها تبات معانا ، [دوزات بلسانها على شفايفها] ناوي تدير نتا وياها السي السلطان الخلوة ولا كيفاش!

طارق [رجع اللور ، دوز بيديه على وجهو لي حتاقن فيه الدم ونطق بصوت خافت] : ما حتارمي حد ، راه غادي تكبريها فيا وغادي تولي واحله وكتطلبي فالسلاك.

مهرة [بلعات ريقها] : صافي هاني ساكته.

طارق [وهو خارج] : لبسي حوايجك وسيري دوشي الى بغيتي ، وجلسي مع مي ، ما تخليش نسرين تدير لي خاصك نتي تديري ، أنا غادي خارج.

مهرة: فين غادي!

طارق  : للمدينه ، نقضي شي شغال ونرجع.

مهرة [ناضت وقفات] : تيليفونك فين!

طارق [قبل ما يسد لباب] : تحت لمخده.

سدو ومشا داز على مو علمها بخروجوا ، في حين مهرة حيدات لمخده ، هزات التيليفون وبقات كتحاول تتفكر النمره ديال ولد عمتها وحبيبها منير ، صونات وما جاوبها حد ، بقات كتصوني حتى وصلات لسبعه ديال المرات ، عاد حنو فيها جوادو وفتح الخط.

مهرة [بتوثر] : مـ مـ منيييير!

منير: شكون معايا ؟

مهرة [تبمسات] : مهرة أنا مهرة ، نسيتي صوتي بالزربه!

منير [ببرودة] : وي ختي مهرة ، علاش مصونيه عليا فهاد الصباح!

مهرة [كمشات حواجبها] :ختي! كيفاش ختي آ منير!

منير: من نهار رجعتي لداركم وخليتيني وليتي ختي ، راني عرفتك تزوجتي بشي طلاب ولا ما نعرف ، خلي شوية ديال الإحترام بيناتنا وما تبقايش تصوني عليا.

مهرة ما جات فين تنطق حتى قطع عليها فوجهها ، حيدات التيليفون من على ودنها ، ورماتو فوق الناموسية ، شدات فراسها ، ونطقات بصوت خافت ودموعها على طرف عينيها.

مهرة: يا خسارة عشرتنا وأيامنا وليالينا آ منير.

قالت اخر كلمه ليها وطلقات العنان لدموعها لي ما قدرتش تزيد تحبسهم ، تحل لباب وتم داخل منو طارق لي كان نسى ما يهز القلع يتغطى بيه على الشتا ، طاحوا عينيه فعينيها لحمرين ، رفع حاجبوا وقرب لعندها بخطوات سريعة ، جلس على ركابيه قدامها ، طبطب على يديها ونطق بنبرة هادئة.

طارق : مالك![لمح التيليفون] دويتي مع شي حد!

مهرة [بصوت مخنوق] : قال ليا ختتتتي.

طارق [ببرودة] : شكون!

مهرة: صاحبي ، شكون غادي يكون من غيروا ، صونيت عليه و بلعاني ما جاوبنيش ومن لي جاوب قال ختي وقطع عليا.

طارق [جمع يديه عندو] : غادي يكون عرفك تزوجتي وبقى فيه لحال.

مهرة: ماشي مبرر آ طارق والله.

طارق ناض وقف ، دوز بيديه على وجهوا ، مشا حل لمجر ، هز من ما كان رجع على قبلوا ومشا خرج ، مهرة شافت حتى عيات وناضت جبدات واحد الشوميز فالأحمر قصيره بالپينوار ديالها طويل ، حيدات گاع لي لابسه ولبستها منها للحم ، حزمات لپينوار، جمعات شعرها لي ترخى لفوق ، مسحات وجهها ، خشات رجليها فبونطوفتها وخرجات ، لقات ميلودة واقفه كتغسل فالماعن ، ونسرين جالسه كتمشط لبنتها فشعرها ، جلسات مقابله معاها ونطقات.

مهرة: واش درتيها بصح ، وغادي تبقاي لينا هنا!

نسرين [وهي كتطلع وتهبط فيها والسم واكل روحها] : حتى نكون دارك وفسميتك عاد دوي.

مهرة [قلبات عينيها] : دار راجلي هي داري الزوينه.

نسرين [زيرات لبنتها على شعرها حتى دمعوا عينيها] : طارق ماشي راجلكككك.

مهرة [بنبرة ساخرة وهي كتحاول تفرغ ما فقلبها فنسرين] : ننوض نجيب ليك العقد تشوفيه!

ميلودة [وعينيها على ندى] : نسرين طلقي من لبنت راكي بكيتيها.

نسرين [بابتسامة صفرا وهي كتطبطب على ضهر بنتها] : سمحي ليا أبنتي ما قصدتش.

مهرة : ميلودة جابك الله [ضيقات عينيها فيها] كيفاش حتى طاح ولدك فعقروشه بحال هادي وحملها! واش ما لقاش فين يفرغ كبتوا غير فيها!

ميلودة [ببرودة] : كلامك عيب أبنتي [حولات عينيها لنسرين لي تبدل لونها] دي بنتك وسيروا جلسوا فبيتي بجوج ، [رجعات عينيها لمهره] ونتي أجي معايا للكوزينه نعلمك ما غادي ينفعك من بعد.

#يتبع