عروسة الميخالي [بالدارجة المغربية 🔞♨️مـكـتـمـلـه]

PART 23

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 23_____________

•حطات ليهم ديك البلبوله لي فورت هي واللبن ،عزلت لمهره حقها وداتو ليها تاكلوا وحدها ، هي أصلا شبعانه ما قداتش تزيد تاكل ، مشات لبيتها تتكى ترتاح ، بقى غا طارق وبنتوا ونسرين لي كل شوية كتهز عينيها فيه وتبدا كتتلوى غا فبلاصتها ، غا حنش مقطوع ليه الراس صافي...كال حتى سخن كرشوا وناض وقف ، ويلاه تم غادي لبيتوا وهي توقفوا من لي نطقات .

نسرين: طـ طـ طارق ، صبر باغيه ندوي معاك.

طارق [ببرودة وبلا ما يشوف فيها] : فاش!

نسرين: على المستقبل ديال بنتنا وصافي.

طارق: كانت بنتك قبل ما تخليها ليا وتمشي ، دابا بنتي غا بوحدي ، كولي وسيري تنعسي ، وغدا قبل لفجر سيري رجعي بحالك ، تلاقيت مع باك وقال ليك عگبي.

حشاها ليها ومشا كمل طريقوا ، داز عند مو هي لوله ، باس ليها راسها عاد مشا دخل لبيتوا وسد عليه وعلى مراتو لباب ، لقاها جالسه كتاكل بشوية عليها ، رجع فيها اللون ،تبسم وقرب لعندها ، طلع فجنبها ، مد يدو طبطب على فخضها ونطق.

طارق [بنبرة هادئة] : مزيان دابا!

مهرة : هي هاديك ، ماماك نعسات! خاصني نقول ليها شكرا ،عذبتها معايا.

طارق [حيد ليها الصينيه وحطها فوق الأرض] : معليش ، راها بحال ماماك ، داكشي كتديروا مع لبارني، بقى غا نتي لي مرات ولدها وعروستها.

مهرة: شكون لي دق قبيله!

طارق [ببرودة] : ما دق حد ، [قلب الموضوع] تبغيني ننعس حداك ولا ننعس فالأرض!

مهرة [حطات راسها على صدروا حتى طيحات ليه راسوا فوق لمخده ، هزات رجلها بشوية وحطتها ليه ما بين فخاضوا] : خليك حدايا، راه كاين لبرد.

طارق [وهو كيدوز بيديه على شعرها] : غدا تبغي تمشي مع مي للغابه تحضري لداكشي لي دايرين!

مهرة: نتا غادي!

طارق: لا أنا غادي خدام.

مهرة [علات عينيها لعينيه] : فاش!

طارق: ندور نشوف لا كاين شي قراعي ولا لي كان نجمعوا ،ونديه نعاود فيه لبيع.

مهرة [تبمسات ومدات يدها لوجهوا] : ميخالي صافي.

طارق طبطب على ضهرها وبقى كيدوز بيديه على شعرها حتى غفات ، شافها نعسات وهو يتنهد ، حك عينيه لي بداو كيتغمضوا ، هزهم فالسقف وبقى ساهي حتى داتو عينوا.

• أصـبـحـنـا و أصـبـح الـمـلـك لـلـه 🍂

فاقت على صوت ندى وهي كتدق عليها فالباب ، دورات عينيها ما لقاتش طارق ، ناضت بشوية عليها بحكم انها موعته شي شوية ، تسندات على الحيط وحلات عليها.

ندى: قالت ليك مي راه الظهر هاذا ،دوزي لبيت لما راها حطات ليك فيه السطل باش تغسلي حالتك وتمشي معانا لا بغيتي.

مهرة: فين غادي نمشي!

ندى: للعرس لي فالغابه.

مهرة [وهي كتحك فشعرها]: صافي واخا ، سيري أنا غادي نهز حوايجي وندوش ونجي لعندكم.

ندى تبمسات ليها ومشات ، مهرة تبعات ليها العين ، عزلات ملابسها الداخليه ، هزات لا تروس ديالها أو واحد لقفيطين فالأبيض ديال جوهره بالرانده خفيفه ، خرجات لدوش دخلات غسلات شعرها وتوضات ، تفكرات لفوطه لي نسات وهي تطل من لباب ومع بغات تبدا تنادي على ميلودة لمحات طارق واقف عند السرجم....تبمسات ونطقات بصوت خافت وهادئ.

مهرة: طاااارق ، وااا طارق [دار لعندها وهي تبدا كتشير ليه بيدها] أجي لعندي.

طارق عرفها نسات لفوطه ، مشا جابها ليها قرب لعندها ، ومع مدها ليها جرتوا من يدو ، دخلتوا لدوش لي كان غير صغير ، لصقاتو مع الحيط ، ونطقات عينيها على شفايفوا.

مهرة: علاش مشيتي بلا ما تعلمني الصباح!

طارق يلاه بغا ينطق وهو يحس بركبتها فوق**و ،كمش حواجبوا ومد يدو حيدها ليها.

طارق: راه كتوعتيني فيه ، غادي تهرسيه ليا وتخليني الله كريم.

مهرة نزلات يدها ليه ويلاه بغات تزير عليه وهي تسمع ميلودة من ورا الدفا نطقات.

ميلودة: خرج آ طارق خرج ، راك ما ساكنش أوليدي وحدك ، إلى بغاتك وبغيتيها ، سيروا لبيتكم ، وتعاشقوا فيه معززين مكرمين ، ماشي منذلين فبيت لما وممسوخين.

#يتبع