عروسة الميخالي [بالدارجة المغربية 🔞♨️مـكـتـمـلـه]

PART 19

عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 19_____________

•روينه هنا و روينه لهيه ، حتى بلاصه ما سلمات منها ، ودقولي حاجه عرفت ليها ، لا هي من لي عرفوا يعجبنوا گرونات ولا من لي يعرفوا ينصبوا طويجنات ، فقصت ميلودة وهي تخرجها من لكوزينة.

ميلودة: التسليم أبنت سهليه ، بركي أبنتي تم فالمراح ما تنوضي ما تتململي.

نسرين [وهي داخله كتدور فعينيها] : ياك لباس أعمتي ، من قبيله وانا كنسمع لخبيط ولغوات ، [لمحات الروينه فالكوزينة] أويلي واش ناضت الحرب بلا خباري!

مهرة [بنرفزة وهي كتجمع فشعرها بعدما حطات قاعها فوق لفراش] : الحرب لي غادي ننوض ليك فوق راسك إلى ما دخلتيش سوق راسك الفضوليه.

نسرين [ما داتهاش فيها] : نعاونك أعمتي!

ميلودة: بغيت ننزل للغابه ، غادي تديري فيا خير ابنتي ، الخبز راها عجبنتوا ، بقى غا التگراص ولخبيز ، ديريه غا تما فوق الكانون بعدما يطيب الطاجين.

نسرين: غادي تبطاي!

ميلودة: نشوف شي بنيات غادي يروحوا غدا عربسات ونعگب ،نتوما تغداو وخلو لطارق شوية.

مهرة: كوني هانيه أحماتي.

ميلودة دروات راسها بلا حول ولا قوه ، تنهدات ومشات هزات إيزارها وقلعها وبوطها ، تگبطت ، هزات حمارها ومشات هي غاديه وديابها وراها ، مونسينها زعما.

نسرين تبعات لميلوده العين من السرجم حتى مشات ، عاد دخلات للكوزينة دارت ما قالت ليها ،في حين مهرة بقات تما جالسه كتدندن ومرة مرة تطل على الشتا ،لين تحط لغدا لي تزادت عليهم فيه ندى ، كلاو فصمت ، خلاو لطارق حقوا وناضوا ، مهرة مشات لبيتها تتكى ، نسرين صدرات بنتها تمشي تتكمش ، وبقات غا نسرين كيف الذبانه كتحوم...وصل العصر ورجع طارق ، حل لباب ودخل ، حط القلع وصباطو ، دور عينيه ونطق.

طارق [بنبرة هادئة] : مي فين!

نسرين [وهي واقفه قداموا كتتلوا] : مشات للغابه [حنات عينيها لما فيديه من تقديه، بغات تگلعها وهو يرجعها وراه]

طارق: مهرة فين!

نسرين [جمعات يديها عندها] ؛ كلات ومشات تنعس.... تبغي نسخن ليك الطاجين تاكل!

طارق [تخطاها وتم غادي لبيتوا] : لا مغدي ، غير كولي نتي إلى بغيتي.

داز لبيت مو طل فيه لقى بنتوا ناعسه ، تبسم وسد عليها لباب ، عاد دخل لبيتوا ودور ساروتو ، لمح مهرة مشخيه تحت لفراش ، حط التقديه فوق لمجر وتم مقرب لعندها ، طلع فوق الناموسية ، حيد ليها لغطا لقاها حتى هي ناعسه ، طبطب بديو على حنيكها الرطيطب ونطق بصوت خافت.

طارق: حلي عينيك ، نوضي إلى بغيتي تاكلي الحلوى لي جبت ليك .

مهرة [حلات عينيها بالخف ، شدات ليه فيدو وناضت جلسات] : داوي بصح!

طارق [حط ليها ما جاب بين يديها] : خودي لي غادي يقدك وخلي شوية لندى ومي.

مهرة [وهي كتبقشش] : واخا أسيدي كون هاني ،[هزات عينيها لعينيه، تبمسات ،ميلات راسها وطبعات بوسه خفيفة فجنب فمو] شكرآ.

طارق [بصوت خافت بعدما تبدل فيه اللون] : حقك عليا هاذاك.

مهرة [بنبرة لعوبه وعينيها على شفايفوا] : وأشنو بان ليك حتى نتا نعطيك هاد الليله حقك.

طارق [كمش حواجبو] : آش من حق!

مهرة دوزات بلسانها على شفايفها ، حيدات داكشي لي قدامها رجعاتو وراها ، عدلات جلستها ، دفعات صدرها شوية للقدام ، مدات يديها ليدو ، حطتها فوق عنقها وتمات منزلاها ببطئ لين حبستها فوق أنوثنها.

مهرة: حقك فهاذا.

طارق [جمع يدو لعندو وناض وقف] : ما طلبتوش منك ،نهار نعرفك قاده أنا لي غادي نقولها ليك ماشي نتي.

مهرة [وهي عاضه على شفايفها] : الليله.

طارق [وهو خارج من لبيت] : غادي نبات برا.

مهرة [وهي كتدوز بيديها على خصرها] : دابا نشوفوا.

#يتبع🔞🔞🔕