عروسة الميخالي [بالدارجة المغربية 🔞♨️مـكـتـمـلـه]

PART 2

"عـروسـة الـميـخـالـي"

             "شـمـس الـضـحى"

     "لن أنسىٰ بشاعة ما أشعرتني به ."

    _______________PART 2_____________

•سمع كلام عيسى وهو يبتسم ، ما داهاش فالناس لي كانوا تبعوا الحاكم فين يشوف وطاحو عينيهم عليه هو ،تم مبعد عليهم أو هوما يقفوه رجال جواد، هز عينيه لي كانوا الهالات السوداء واكلينهم ماكلة هوما والتجاعيد من الجناب ونطق بنبرة هادئة وباردة.

طارق: شوفوا غيري ،أنا ماشي ديال الزواج وماشي من مقام بنت لحاكم.

جواد [وهو مقرب لعندوا] : كلام بويا هو لكبير ، أو ليك ألف شرف تديك بنتنا الميخالي.

طارق [بلا ما يشوف فيه] : لا أنا سلعة باش بنتكم اولد حاكهم تديني، ولا هي سلعة باش نديها ، الزواج ما كيكونش بالغصب أو هكا....وايه أنا غا ميخالي عايش فراس الجبل ،غير خلوني عليكم فالتيقار وقول لرجالك إحيدو من طريقي.

موسى [وهو غادي داخل لقصروا]: جيبوه ليا هو لعدول دابا...ونتي آ سهلية جري بنتك ودخليها ،باراكه علينا من الشوهه ،راني تكهمت.

سهلية لي كانت ساهية فـ طارق ، شبه ليها لواحد الشخص كتعرفوا ولكن هاذاك هي عاقلة على حروفوا لي كانوا زينين ماشي بحال لي واقف قدامها كلوا موسخ وماسخ بالكِبر...فاقت من سهوها على صوت موسى ، جرت مهرة لي كانت كتسمح فدموعها وكتشهق ، وتبعت راجلها.... جواد شاف حتى عيا وهو يصيح فرجالوا بصوت عالي بعدما عطاهم بضهروا وتم حتى هو تابع باه ومو.

  جواد : لي جابوا ليا ليه صندوق عامر ذهب ولويز...ويختار من عزبات القبيلة لي حبات خاطروا وتشهات وما عليا أنا غير نصيفطها الليلة تدفي فراشوا.

•جالس فالصالون وجنبوا سهلية لي ما خلات فخض وما ليعات مهرة فيه حيث كل شوية كتبغي تنوض ،او واقف ليه جواد عند راسوا وحاضي بعينيه لعدول....زفر بضيق ونطق.

جواد: واش غا ميخالي واحد ما قدو عليه![ما جا فين يكمل كلامو حتى سمع طارق نطق وهو داخل أو واحد من رجال الحاكم لي كلوا مضروب وحالتوا حالة حاط ليه السلاح على راسوا]

طارق [بنبرة هادئة] : لغدر رآه خايب أولد الحاكم.

   جواد [بإبتاسمة ساخرة] : إيه خايب ، ولكن مع واحد بحالك لي غا ميخالي وحاس براسوا ماشي عيب...واش كاين شي حد كيتكبر على بنت الحاكم ويقول عليها قدام لعباد لا!

   طارق دور راسو لناحية مهرة لي كانت كتشوف فيه بنظرات كلها حقد وغل ، علا حاجبوا فيها ونطق.

طارق: علاش ساكته! دوي وقولي ما باغياش...ولا كلامك هنا بينهم مهضوم!

سهيلة: تقولها نهرس ليها فمها [شافت فلي كان رواه]قربوا لهنا خلاص، خليه يعقد عليها قبل ما توصل لخبار لقبيلة نصر الدين فين كاينة لالة وسيدي [حماها وحماتها] ويجوا يقلبوا علينا الدنيا وما فيها.

    طارق حس بفم السلاح تزير فگفاها وهو يتم مقرب لعندهم...جلس مقابل مع موسى لي كان غير كيشوف فيه وساكت...لعدول كانت عينوا غفات ،سمع صوت تحنحينه جواد أو يصحصح.

  لعدول: بسم الله الرحمن الرحيم ،والصلاة والسلام على أشرف الأنبياء والمرسلين سيدنا ونبينا محمد صلى الله عليه وسلم ،إنما هـ....

  موسى [ببرودة] : دون السميات وعطيهم يسنوا وخلي الباقي علينا حنا ،[هز عينيه فيه] بلا تطوال وتجباد لكلام.

داكشي لي دار مد لـ طارق دون إسموا بيدو وسنا وهو مبتاسم...عاد حول الكتاب لمهرة لي دموعها نشفوا ،خدات القلم وبقات شحال كتشوف فيه ،حتى حسات بتليعة ماماها ففخضها عاد عضات على شفايفها وسنات بزز....لعدول خدا كتابوا من عندهم وناض وقف.

  لعدول [وعينيه على كتابوا]: وبهاذا أسيادي ، مهرة التيجاني ولات مرات السي طارق الهاشمي على سنة الله ورسوله.

سهلية [بصوت وهي مخرجه عينيها] : طـ طـ طاااارق!

  طارق [ببرودة] : واش نقدر نمشي دابا بحالي!

جواد: من ليوم ما بقى عندك فين تمشي الميخالي ،دابا راك راجل بنتنا ، يعني راك نتا وياها غادي تسكنوا معانا هـ....

سهلية [قاطعتوا بعدما بلعات ريقها وناضت وقفات] : لاااااااا مااا غاديش يسكنوووا معااانا ، غااادي يديها معاه [شافت فموسى] لالة وسيدي جايين ، آش غادي يقولوا إلى شافوها واخا تزوجات حايزه علينا.

  طارق [بنبرة هادئة وهو غادي خارج] : ما ميتش أنا باش نحوز عليكم ،والى بنتكم هانت عليكم أنا ما غاديش نخليها تهون ، وإلى قبلات تتبعني ما غادييش نقول ليها لا ، واخا عارف قصري ما هو كيف قصركم ولا مالي وجاهي من مالكم.

   كانت كتشوف بنظرات كلها إستحقار وإستخفاف ،ما راضية لا بحالتها لا بحالوا ،ولكن على الأقل قالت يمكن من الساهل هو يعاونها ترجع للمدينة ثاني عند عمتها...مسحات دموعها وتمات غادا تابعاه بلا ما تشوف حتى الشوفه لا فواليديها و لا فخوها.

  مهرة: ما بقى عندي جلوس هنا ، دابا أنا وليت عروستك الميخالي ،داكشي علاش فين ما تحطات رجلك تتحط حتى رجلي.

#يتبع