POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Sa mga panahong ako'y tatakasan ng lakas, Ang mga bisig mo ba'y handa mong ibubukas? O katulad ka rin ng iba na ako'y 'yong lilisan? Dahil ako'y isang mahina't makasalanan.
Sa mga pagkakataong ako'y magkakamali, Maging tapat ka kaya sa pagtama ng aking ugali? O katulad ka rin nilang ako'y babalewalain? Sapagkat nais mong ako'y konsentihin.
Sa aking pagkadapa sa mabato at madilim na daan, Ilalahad mo kaya ang 'yong kamay nang ako'y matulungan? O ako'y iyo lamang pababayaan? Dahil balak mong mauna sa paligsahan.
Sa 'king pagkalunod sa malawak na karagatan Ako kaya'y isasalba mo tulad ng ginagawa ng pawikan? O hahayaang maglaho sa iyong paningin? Pagkat pagod ka na sa pagbibigay-tagubilin.
Kapag ako'y wala nang matutuluyan, Tatanggapin mo ba ako sa 'yong tahanan? O ako'y iyong ipagtatabuyan? Dahil ako'y wala nang kabuluhan.
Kung ramdam mong wala ka nang makakapitan Ni walang matatag na pader na masasandigan Tumawag ka kay Hesus at Siya'y handang sumaklolo Siya'y isang matibay na toreng 'di kailanma'y guguho.
***
"Aking sasabihin tungkol sa Panginoon, siya'y aking kanlungan at aking katibayan, ang Dios ko na siyang aking tinitiwalaan." - Mga Awit 91:2
Itinatampok na awit: Through It All by Hillsong Worship
