POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Hinugot ko na ang espada ko Pinosisyon ko na ang aking palaso Handa ko nang kalabitin itong gatilyo Umiiskape na ang sinakyan kong kabayo.
Kinausap ko na ang abogado ko Ikakasa na ang karampatang kaso Espesyal kong bestida na'y plantsado Tangke ng kotse ko, kanina pang pinuno.
Sa puntong ito — sisiguraduhin ko Mga troso ay ihaharang sa mga mata ko Matitikman ang bangis ng inaagrabyado Lahat ng kalaban ko'y akin nang igugupo.
"Hindi ka ganyan, anak," ang boses na narinig ko Natulos ako sa kinatatayuan at aking napagtanto "Pinatawad na kita sa iyong mga kasalanan. Hayaan mong ako ang gaganti, magtiwala ka lang."
Mga tuhod ko'y naibagsak sa tigang na lupa Isa-isang nabitiwan ang hawak kong sandata Ako'y nakakulong pala tulad ng kuneho sa hawla 'Di makaalpas dulot ng sukdulang poot at pangamba.
'Di ba't pagkahabag ang nakamit mo sa pagdilat ng mga mata? 'Di ba't dalisay na pagmamahal ang panligo mo sa umaga? 'Di ba't kapatawaran ang iyong pamunas na tuwalya? Kaya't nararapat lamang na ipadama mo rin 'to sa 'yong kapwa.
***
"Ipagtatanggol kayo ni Yahweh, pumanatag lamang kayo." - Exodo 14:14
