POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Sa pagtingala ko sa magkahalong kahel at pulang mga ulap Namayaning muli sa aking diwa ang ginawa niyang pagpanggap Ang paghiwa n'ya ulit at pagbudbod ng asin sa 'king mga sugat Makakalimutan ko man, may maiiwan pa ring mga bakat.
Sa paglasap ko sa magkahalong puti at pulang tinapay Naalala ko ang kanyang budhi — itim at puting magkaugnay Kapagka kaharap ko'y tila tupang walang kamalay-malay Subalit pagtalikod ko — ako'y tinuring palang isang patay.
Sa pagbuklat ko sa magkahalong rosas at berdeng Bibliya Ibinuhos ko ang sukdulang pighati at pagtangis sa Ama Ito nga ba ang paraan ng Kaniyang pagdidisiplina? Mata'y marahang ipinikit, puso'y buong binuksan para sa Kan'ya.
Sa pakikinig ko sa magkahalong masalimuot at romantikong awitin Ako ngayo'y nagmumuni-muni — bawat linya ay madamdamin Kung noon ay kaaya-aya ang dulot nito sa aking tainga Ngayo'y singpait ng apdo, tungkol pala 'yon sa pangangalunya.
Nang binuksan ko ang aking puso — aking napagmasdan May dalawang magkahalong emosyon itong tangan Ang isa'y pagkamuhi, ang isa nama'y kapatawaran Marapat pumili ng isa, at ang isa'y talikuran.
Pagkat 'di maaaring magpaalipin sa magkahalong damdamin Ipinasa-Diyos ko ang pagkasuklam, 'di na dapat kalingain Naririnig naman Niya ang aking bawat hinaing Pag-ibig, siyang nagwagi; poot, pinalipad ko sa hangin.
***
"Magpasensiya kayo sa isa't isa. Kung may hinanakit kayo kaninuman, magpatawad kayo gaya ng pagpapatawad sa inyo ng Panginoon. At higit sa lahat, magmahalan kayo, sapagkat ang pag-ibig ang buklod ng ganap na pagkakaisa." - Colosas 3:13-14
Pinagkunan ng larawan: Pexels
Itinatampok na awit: Sapagkat ang Diyos ay Pag-ibig ng Papuri Singers
