POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Noong isang araw, sumakay ako ng lumang dyip Mabilis kong sinulyapan — aking orasang pambisig Natampal ko na lamang ang pawisan kong noo Pagkat 'di na pala gumagana yaring relo ko.
Pilit na pinaharurot ng matandang tsuper Tila kay bagal bago kami dumaan sa p'yer Mga pasahero'y nakasimangot sa mainit na tanghali May sanggol pang humihiyaw at hindi mapakali.
Isang dalaga ang sa akin ay nagtanong Kung anong oras na ng mga sandaling 'yon Nagsimula nang umulan habang sinipat ko ang 'di umaandar kong orasan Dagling dinukot ko ang cellphone sa bag, nang tamang oras ay tingnan.
May natanggap naman akong relo no'ng Pasko Ngunit bakit sadyang ito'y laging suot ko? Tanda ko pa, pitong taon na ito'y aking dala-dala Limot ko na, ilang beses nang napalitan ng baterya.
Ngayo'y nakapagdesisyon na ako Itatapon na 'tong lumang orasan ko Pilitin ko ma'y 'di na kayang mapagawa Kung kaya't ibabaon ko na ito sa lupa.
Ang mga bagay ay nagbabago Katulad ng ugali ng isang tao 'Wag manatili kung 'di nakikita ang taglay mong halaga Humiling sa langit, kaaya-aya'y ipagkakaloob Niya.
***
"Ito ang sabi niya: "Ilibing mo na sa limot, at huwag nang alalahanin pa, ang mga nangyari noong unang panahon. Masdan mo, ako ay gagawa ng isang bagong bagay; ito'y nagaganap na, hindi mo pa ba makita? Gagawa ako ng isang daanan sa gitna ng disyerto, at magkakaroon ng ilog sa lugar na ito." - Isaias 43:18-19
