POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
O hinagpis, hayan ka na naman Prenteng nakaupo sa malambot na upuan Hindi ba at kaaalis mo lang? Ba't ako ngayo'y dagli mong binalikan?
Sa aking almusal, nandiyan ka sa 'king harapan Sa tanghalian, ako na'y iyong tinabihan Nagpakandong ka pagdating sa hapunan Pati sa gabi'y maigi mo akong kinumutan.
'Di ka pa nakuntento, kinumbida mo si pananaghili At sa matigas na duyan — ako'y inyong ipinaghehele Subalit mas lalo lang akong natigatig at nanghina Nilumot na tubig — pinaligo n'yo sa 'kin, buhat sa inyong dutsa.
Ubod ng inam ang iyong serbisyo Maaga kang nagsisimula't matagal na humihinto 'Di ka man inimbita'y kusa kang dumarating Daig mo pa ang bagyo kung makawasak ng damdamin.
Isang bagay ang aking ipinagpasalamat Hawak mo man ako sa leeg at ayaw kang paawat Ngunit mas mahigpit ang hawak sa akin ng Panginoon Punyal mo sa aki'y ibinaon; mga sugat ko'y Kaniyang hinilom.
Isang bagay ang tanging hinihiling ko — Nawa'y sa pagbalik mo, mas malakas na ako Hagkan mo man ako at yakap-yakapin 'Di na 'ko matitinag, panangga ko'y panalangin.
***
"Ang aking dalangi'y dininig ng Diyos, inalis niya sa akin ang lahat kong takot." - Mga Awit 34:4
Pinagkuhanan ng larawan: Pexels
Itinatampok na awit: Made me Glad by Hillsong Worship
