POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Kini usa ka katalagman Nga dili nato hikapugngan Apan kini atong mapangandaman Aron danyos dili tantong hilabihan.
Sa dihang taliabot na ang Pasko Ang makusog nga hangin mikusokuso Ug kini milukapa sa mga kabalayan Lakip na ang mga kahoy, poste ug uban pang kabtangan.
Mga tawo ingon ug nagsalimuang Pagpangita'g pagkaon, tubig, lana ug hinabang Bisan asa aduna'y nagpunsisok nga katawhan Matambalan lamang ang kagutom ug kauhaw nga nabatyagan.
Mga nag-unang palaliton kalit nga misaka Makapangutana kita, "Hain na ba ang hustisya?" Tubig ilimnon kalisod nga pangitaon Ingon ug bulawan nga sa bungtod pa kabkabon.
Kainit sa adlaw naglagiti Kangitngit sa kagabhion nasinati Kabugnaw sa kadlawon kay walay masilongan Tuwaw ug hilak sa mga bata kay giuhaw ug giinitan.
Ang paglampurnas kanato niining bagyong Odette Atong isipon na lamang nga usa ka hagit Pagpalig-on sa atong pagtuo diha sa Ginoo Ingon man ang atong tim-os nga pagpangalagad sa atong isigkatawo.
Bisan pa man sa nahiaguman nato nga pagkapukan Sa panginabuhian ug mga planong napakyas ning kapaskuhan Apan angay gihapon natong pasalamatan Ang Makagagahom, sa atong kinabuhi nga iyang gitipigan.
*************************************
"Ang Dios maoy akong manluluwas, busa mosalig ako kaniya ug dili mahadlok, kay ang Ginoo mao may akong kusog ug panalipod, ug siya akong manunubos." - Isaias 12:2
