POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Ako'y may tutang alaga Siya'y masiyahin at mataba Mahal ko siyang tunay Ako ang nagsisilbi na niyang nanay.
Siya'y miyembro na ng aming pamilya Naghahatid ng ngiti sa aming mukha Sa aking mga supling, siya'y nakikipaghabulan Punong-puno ng pag-asa ang kaniyang kabuuhan.
Ang mumunting tibok ng kaniyang puso Na ramdam ko sa tuwing siya'y kinakarga ko Tila nagsasabing, "Inay, ingatan mo ako Sapagkat ako'y magiging kaibigang tapat mo."
Ang masigasig na pagbati niya sa umaga — Ang pagwasiwas ng kaniyang buntot at sa aki'y pagdila Nagpapahiwatig na magpasalamat tayo sa ating Tagapaglikha Sa buhay na natamo sa bawat pagdilat ng mata.
Hindi man biro ang mag-alaga ng aso Katulad ng isang sanggol na napakasensitibo Subalit ibang ligaya ang aking nadarama Na ipinagkatiwala ng Ama ang isang kaaya-ayang nilikha.
Magkakaiba man ang lahi ng mga aso Nararapat na tratuhin natin silang pareho Mapa-asong Pinoy man o may lahing banyaga Kailangan nila ang ating haplos at aruga.
Nag-iba man ang inog ng aking mundo Simula nang dumating siya sa buhay ko Alam kong may magandang aral siyang hatid sa amin Mabuting kalusuga't mahaba niyang buhay — tangi kong dalangin.
***************************************
"Ang taong matuwid ay mabait sa kanyang mga alagang hayop, ngunit ang taong masama ay malupit at walang awa sa kanyang mga hayop." - Mga Kawikaan 12:10 (Tagalog Contemporary Bible)
Itinatampok na awit: Bingo Song [Flickbox Nursery Rhymes]
