POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Itinakwil mo ang maabo't madilim na mga ulap Nahahalina ka sa maalwan na mga alapaap Alam mo ba, ang ulang dala nito'y singhalaga ng 'yong hininga? Pagkat pinapayabong nito ang mga halama't damo sa lupa.
Kinamumuhian mo ang mga nagsusuot ng maiikling palda Mga dalagitang simpula ng Arabica ang labi'y halos 'yong isinumpa Alam mo ba ang sanhi ng kanilang pagiging suwail? Hangad lamang nila ay tunay na pagmamahal, kahit gabutil.
Halos luhuran mo ang mga taong nasa simbahan Sapagkat akala mo sila'y walang putik na kadungisan Saan na ba ang iyong pagpapakatao? Niyurakan ang 'di mo kapanalig o kabaro.
Ngiti mo'y abot-tainga sa mga sikat o hitik sa sertipiko Datapwat kilay mo'y umarko sa mga walang alam o bago Alam mo bang ang uod na 'yong pinagtatabuyan? Magiging marikit na mariposa iyan sa kalaunan.
Huwag magpalinlang sa nakikita ng pares na mga mata Gabay ay hingin sa Diyos sa wastong pakikipagkapwa Suriin palagi ang nasa isipan at damdamin ng tao Iwasan ang panghuhusga, nang ito'y 'di babalik sa 'yo.
***
"Huwag ninyong husgahan ang iba, para hindi rin kayo husgahan ng Dios. Sapagkat kung paano ninyo hinusgahan ang inyong kapwa ay ganoon din kayo huhusgahan ng Dios." - Mateo 7:1-2
