POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Sa pagpinid ng aking mga talukap Paningin ko'y tila naglalagablab Mga masamang pangitaing aking natanaw Ito'y namayani sa aking balintataw. Sa hindi malamang dahilan Mga luha ko'y nag-uunahan Ang diwa ko'y masalimuot Ito'y nababalot ng takot. Salamat at pinayapa mo ako, O aking Ama Pinayapa mo.
Sa aking pagkalunod sa maitim at mabahong karagatan Ang 'yong mga salita'y nagsilbing balsang aking nakapitan Sa aking paggunita ng walang katuturang mga bagay Tila ako'y dahan-dahang ibinaon sa malalim na hukay. Subalit nang marinig ko ang tinig mo Kaginhawaa'y siyang nadarama ko "Anak, nandito lang ako," ang sambit mo Puso ko'y nagalak, luha ko'y pinahid mo. Salamat at pinayapa mo ako, O aking Ama Pinayapa mo.
Ang mga multong aking kinahihindikan— Multong ako rin ang lumikha sa isipan Pilit man akong nilulubog ng aking mga kaaway Ngunit mga anghel mo'y tunay na mas matibay. Sa lilim ng iyong mga pakpak, ako'y ligtas Sa mga pagsubok sa buhay, ako'y 'di aatras Pag-ibig mo sa amin ay dalisay at wagas Ako'y mananalig sa 'yo magpahanggang wakas. Salamat at pinayapa mo ako, O aking Ama Pinayapa mo.
***
"Binibigyan mo ng lubos na kapayapaan ang mga may matatag na paninindigan at sa iyo'y nagtitiwala." - Isaias 26:3
Pinagkuhanan ng larawan: iStock
Itinatampok na awit: Whom Shall I Fear ni Chris Tomlin
