ᒪ O ᐯ ᕮ ᗰ I ᖇ ᕮ [Completed]

3

[U]

အချစ်ဆိုတာဘာများလဲ~ တကယ်လို့ချစ်တတ်ခဲ့ရင်ရောဘယ်လိုများသိနိုင်မှာလဲ~

ရူးမိုက်မိုက်နဲ့ချစ်ချင်ခဲ့ဖူးတယ်~နှလုံးသားထဲကတစ်စုံတစ်ယောက်ဆိုတာကိုလည်းလိုချင်ခဲ့ဖူးတယ်~

အချစ်နဲ့စစ်မှာမတရားတာမှမရှိဘဲ ဘယ်သူ့ကိုမှမငဲ့ကွက်ပဲ တစ်ခါလောက်တော့ကိုယ့်အတွက်ကိုရွေးချယ်ကြည့်ချင်မိသား~

-----------------------------------------------------

ဂျွန်စံအိမ်တော်တွင်...

“ရောက်လာပြီလားအမေ!”

“အေးရောက်ပြီ!! ငါ့မြေးမလေးရော ဂျီဟယ်~”

“သမီးလေးက~အပေါ်ထပ်ကသူ့အခန်းထဲမှာပါအမေ”

“ဒါဆိုငါတက်သွားလိုက်ဦးမယ်!”

အပေါ်ထပ်ကိုတက်သည့်လှေကားပေါ်..တစ်ဆင့်ချင်း ယဉ်ယဉ်လေးတက်နေသော ယောက္ခမကြီးကိုဂျီဟယ်လိုက်ကြည့်နေမိတယ်။

သူမကဂုဏ်တွေဒြပ်တွေသိပ်မက်သလို..သိပ်ကိုအတ္တကြီးလွန်းတဲ့အမျိုးသမီးပေါ့..!
ပြီးတော့သူမက..သူမရဲ့ဆန္ဒတွေသူမဖြစ်မြောက်ချင်တာတွေအတွက်ဆိုသားသမီးကိုတောင်ချနင်းရဲသည်။
သိပ်ကိုအတ္တကြီးလွန်းတဲ့သူမက..သူမမျက်လုံးထဲမှာ အရာရာပြီးပြည့်စုံနေတဲ့ဂျွန်ဂျောင်ဂုဆိုသူ..သူမသားတစ်ယောက်တည်းသာမြင်သည်။ မသိရင်ဂျွန်ဂျောင်ဂုကတစ်ဦးတည်းသောသားလိုလို..။

ဂျောင်ဂု၏အမေအပေါ်ထပ်ကသူမမြေးမရဲ့အခန်းရှေ့ရောက်တော့ ကြားနေရတဲ့အော်သံတွေ...။
ဘယ်သူရှိမလဲ..ဂျွန်ဂျောင်ဟယ်ပဲပေါ့။

“မြေးလေး..ဘာလို့တီချယ်ကိုအော်လွှတ်နေရတာလဲ!”

ဂျောင်ဂု၏အမေ..သူမရှေ့မှာတီချယ်တစ်ယောက်ကိုအော်လွှတ်နေသောမြေးမကိုတွေ့တော့ ချက်ချင်းဆိုသလိုမျက်မှောင်တို့စုကြုံ့သွားတော့သည်။
သို့သော်လည်းသူစိမ်းရှေ့မှာမို့ မရိုင်းစေပဲအမေးထုတ်လိုက်၏။

“အဲ့တီချယ်ကသမီးမသင်ချင်တဲ့စာတွေပဲလာသင်နေတာလေ~ဖွားကရောဘာလာလုပ်တာလဲ တစ်ယောက်တည်းနေချင်တယ်ထွက်သွားကြ!!”